Authored byDeepu Divakaran|Samayam Malayalam|Updated: 16 Apr 2023, 10:36 pm
അമേരിക്കയിൽ വീണ്ടും വെടിവെപ്പ്. അലബാമയിൽ ജന്മദിനാഘോഷ പാർട്ടിക്കിടെയാണ് ആക്രമണം. നാലുപേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തതായി അലബാമ ലോ എൻഫോഴ്സ്മെൻ്റ് ഏജൻസി.
ഹൈലൈറ്റ്:
- അമേരിക്കയിൽ വീണ്ടും വെടിവെപ്പ്.
- സംഭവം അലബാമയിൽ ജന്മദിനാഘോഷ പാർട്ടിക്കിടെ.
- നാലുപേർ കൊല്ലപ്പെട്ടു, നിരവധി പേർക്ക് പരിക്കേറ്റു.
ശനിയാഴ്ച രാത്രിയിൽ നടന്ന ജന്മദിനാഘോഷ പാർട്ടിക്കിടെയാണ് വെടിവെപ്പ് ഉണ്ടായത്. അലക്സിസ് എന്ന പെൺകുട്ടിയുടെ 16-ാം ജന്മദിനത്തിൻ്റെ ആഘോഷങ്ങൾക്കിടെയാണ് സംഭവം. നിരവധി പേർക്ക് പരിക്കേറ്റതായും ഇതിൽ കൂടുതലും കുട്ടികളാണെന്നും ഇവരെ ആശുപത്രിയിൽ പ്രവേശിപ്പിച്ചതായും പ്രാദേശിക മാധ്യമങ്ങളും ദൃക്സാക്ഷികളും വ്യക്തമാക്കി.
ഒന്നാന്തരം ഷട്ടിൽ കോർട്ട് നിർമ്മിച്ചു തൊഴിലുറപ്പ് തൊഴിലാളികൾ
മരിച്ചവരിൽ വിദ്യാർഥിയായ തൻ്റെ കൊച്ചുമകൻ പിൽ ഡൗഡലും ഉൾപ്പെടുന്നതായി സ്ത്രീ പ്രതികരിച്ചു. ഡൗഡലിൻ്റെ സഹോദരി അലക്സിസിൻ്റെ ജന്മദിനാഘോഷം നടക്കുന്നതിനിടെയാണ് വെടിവെപ്പ് ഉണ്ടായതെന്നും അവർ വ്യക്തമാക്കി. ഒരു പ്രശ്നത്തിലും ഉൾപ്പെടാത്ത കുട്ടിയെയാണ് തനിക്ക് നഷ്ടമായതെന്നും അവൻ്റെ അമ്മയ്ക്കും പരിക്കേറ്റതായും സ്ത്രീ പറഞ്ഞു.
കൗമാരക്കാരായ വിദ്യാർത്ഥികളുമായി ലൈംഗികബന്ധം; ആറ് അധ്യാപികമാർ അറസ്റ്റിൽ
അതേസമയം ആക്രമണത്തിനു പിന്നിലാരാണെന്ന് അലബാമ ലോ എൻഫോഴ്സ്മെൻ്റ് ഏജൻസി വ്യക്തമാക്കിയിട്ടില്ല. സംഭവത്തിൽ പ്രതികൾ പിടിയിലായോയെന്നും ഔദ്യോഗിക പ്രതികരണമില്ല. ഡേഡ്‍വിൽ പോലീസിൻ്റെയും എഫ്ബിഐ അടക്കമുള്ള ഏജൻസികളുടെയും സംയുക്ത അന്വേഷണം നടക്കുകയാണെന്നും അവർ അറിയിച്ചു.
വേദിക്ക് സമീപം സ്ഫോടനം; ജപ്പാൻ പ്രധാനമന്ത്രി അത്ഭുതകരമായി രക്ഷപ്പെട്ടു, ഒരാൾ പിടിയിൽ
സംഭവത്തെ അപലപിച്ചും ദുഖം രേഖപ്പെടുത്തിയും സംസ്ഥാന നേതാക്കൾ രംഗത്തെത്തിയിട്ടുണ്ട്. ആക്രമണത്തിൽ സ്റ്റേറ്റ് ഗവർണർ കേ ഐവി ദുഖം രേഖപ്പെടുത്തിയപ്പോൾ ഹൃദയഭേദകമെന്നായിരുന്നു അലബാമയിലെ യുഎസ് സെനറ്റർ ടോമി ടുബെർവില്ലയുടെ പ്രതികരണം.
Read LatestWorld NewsandMalayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
