Kerala Vande Bharat Express Stops: പരീക്ഷണ ഓട്ടം തുടങ്ങി, വന്ദേഭാരത് സമയക്രമം ഉടൻ; മംഗളൂരുവിലേക്ക് നീട്ടുമോ? അധിക സ്റ്റോപ്പുകൾ സാധ്യത എവിടൊക്കെ

തിരുവനന്തപുരം: സംസ്ഥാനത്ത് അനുവദിച്ച വന്ദേഭാരത് എക്സ്പ്രസ് പരീക്ഷണ ഓട്ടം തുടങ്ങി. തിങ്കളാഴ്ച പുലർച്ചെ 5.10ന് തിരുവനന്തപുരത്ത് നിന്നാണ് ട്രെയിൻ പുറപ്പെട്ടത്. ഉച്ചയോടെ കണ്ണൂരിലെത്തുന്ന ട്രെയിൻ രാത്രി തിരുവനന്തപുരത്തേക്ക് തിരിച്ചെത്തുന്ന രീതിയിലാണ് ട്രയൽ റൺ ക്രമീകരിച്ചിരിക്കുന്നത് (Kerala Vande Bharat Express Route). പരീക്ഷണ ഓട്ടം പൂർത്തിയായാൽ ട്രെയിനിന്‍റെ സമയക്രമം ഔദ്യോഗികമായി പുറത്തിറക്കിയേക്കും. സാധാരണ ട്രെയിനുകളേക്കാൾ എത്രവേഗത്തിലാണ് വന്ദേഭാരത് സംസ്ഥാനത്ത് സർവീസ് നടത്തുന്നെന്ന് അറിയാനുള്ള ആകാംക്ഷയിലാണ് കേരളം. അതേസമയം ട്രെയിൻ മംഗളൂരുവിലേക്ക് നീട്ടണമെന്ന ആവശ്യം ശക്തമായിട്ടുണ്ട്. സംസ്ഥാനത്ത് നിലവിലുള്ള സ്റ്റോപ്പുകൾക്ക് പുറമെ അധിക സ്റ്റോപ്പുകൾ വേണമെന്ന ആവശ്യവും വിവിധ കോണുകളിൽ നിന്ന് ഉയരുന്നുണ്ട്. വന്ദേഭാരത് സമയക്രമവും സ്റ്റോപ്പുകൾ സംബന്ധിച്ച വിവരങ്ങളും വിശദമായി അറിയാം.കൊച്ചുവേളിയില്‍നിന്ന് പുലര്‍ച്ചെ തിരുവനന്തപുരത്ത് എത്തിച്ച വന്ദേഭാരത് എക്സ്പ്രസ് 5.10നാണ് തമ്പനാനൂർ റെയില്‍വെ സ്റ്റേഷനില്‍നിന്ന് പുറപ്പെട്ടത്. തിരുവനന്തപുരം ഡിവിഷനിൽ നിന്നുള്ള ഉന്നത ഉദ്യോഗസ്ഥരും വിവിധ എന്‍ജിനിയറിങ് വിഭാഗവും വണ്ടിയിലുണ്ട്. ഷൊർണൂരിൽ വന്ദേഭാരതിന് സ്റ്റോപ്പ് ഇല്ലാത്തതിനാൽ പാലക്കാട് ഡിവിഷന്‍ ഉദ്യോഗസ്ഥര്‍ തൃശൂരില്‍നിന്ന് ട്രെയിനിൽ കയറും. 12.30 ഓടെ കണ്ണൂരിലെത്തുന്ന രീതിയിലാണ് പരീക്ഷണ ഓട്ടം ക്രമീകരിച്ചിരിക്കുന്നത്. 2.30നുള്ളില്‍ തലസ്ഥാനത്തേക്ക് മടങ്ങുകയും ചെയ്യും.

Also Read :വന്ദേഭാരതിന്‍റെ ട്രയൽ റൺ ആരംഭിച്ചു; തിരുവനന്തപുരം മുതൽ കണ്ണൂർ വരെ; പുറപ്പെട്ടത് തമ്പാനൂരിൽനിന്ന്

സി.പി.എം നിലപാട് ആവർത്തിച്ച് മന്ത്രി മുഹമ്മദ് റിയാസ് |Vandebharat Express|

5.10ന് തിരുവനന്തപുരത്ത് നിന്ന് പുറപ്പെട്ട ട്രെയിന്‍ ആറ് മണിക്കാണ് കൊല്ലം റെയില്‍വേ സ്റ്റേഷനിലെത്തിയത്. 50 മിനിട്ടാണ് തിരുവനന്തപുരം – കൊല്ലം യാത്രയ്ക്ക് എടുത്തത്. ഏതാനം മിനിട്ടുകൾക്ക് ശേഷം ഇവിടെ നിന്ന് പുറപ്പെട്ട ട്രെയിൻ 7.25ന് കോട്ടയം റെയില്‍വെ സ്‌റ്റേഷനിലെത്തി. രണ്ടേകാല്‍ മണിക്കൂറാണ് തിരുവനന്തപുരം – കോട്ടയം യാത്രയ്‌ക്ക് വന്ദേഭാരത് എടുത്തത്. 3 മണിക്കൂർ 18 മിനിറ്റ് എടുത്താണ് വന്ദേഭാരത് എറണാകുളം നോർത്തിൽ എത്തിയത്.

ട്രെയിനിന്‍റെ വേഗം, പാളങ്ങളുടെ ക്ഷമത, സുരക്ഷ തുടങ്ങിയ കാര്യങ്ങളാണ് പരീക്ഷണ ഓട്ടത്തിൽ വിലയിരുത്തുന്നത്. ഇതിന് ശേഷമായിരിക്കും കേരള വന്ദേഭാരത് എക്സ്പ്രസിന്‍റെ സമയക്രമം പ്രസിദ്ധീകരിക്കുക. 25ന് പ്രധാനമന്ത്രി നരേന്ദ്ര മോദി വന്ദേഭാരത് എക്സ്പ്രസ് ഫ്ലാഗ് ഓഫ് ചെയ്യുന്നതിന് മുൻപ് വീണ്ടും ട്രയൽ റൺ നടത്തും.

തിരുവനന്തപുരത്ത് നിന്ന് കണ്ണൂരേക്ക് ഷെഡ്യൂൾ ചെയ്തിരിക്കുന്ന വന്ദേഭാരത് എക്സ്പ്രസ് മംഗളരൂവിലേക്ക് നീട്ടണമെന്ന ആവശ്യം ശക്തമായിട്ടുണ്ട്. കാസർകോടിനെ അവഗണിക്കുന്നെന്ന വിമർശനമാണ് ഉയരുന്നത്. കേരളത്തിന് അനുവദിച്ച വന്ദേഭാരത് എക്‌സ്പ്രസ് സര്‍വീസ് മംഗളൂരു വരെ നീട്ടണമെന്നും റെയില്‍ പാളങ്ങളിലെ വളവുകള്‍ നികത്തി ഹൈ- സ്പീഡ് റെയില്‍ കണക്ടിവിറ്റി സംസ്ഥാനത്ത് ഉറപ്പാക്കണമെന്നും ആവശ്യപ്പെട്ട് പ്രതിപക്ഷ നേതാവ് വി ഡി സതീശന്‍ കഴിഞ്ഞദിവസം കേന്ദ്ര റെയില്‍വെ മന്ത്രിക്ക് കത്തയച്ചിരുന്നു.

മഹാരാഷ്ട്രയിൽ സർക്കാർ പരിപാടിക്കിടെ സൂര്യാഘാതമേറ്റ് 11 പേർക്ക് ദാരുണാന്ത്യം; 100ൽ അധികം പേർക്ക് പരിക്ക്

വന്ദേഭാരത് സര്‍വീസില്‍ കാസര്‍കോടിനെ കൂടി ഉള്‍പ്പെടുത്തണമെന്നും കണക്ടിവിറ്റി പൂര്‍ണമാകാന്‍ മംഗളൂരു വരെ സര്‍വീസ് നീട്ടണമെന്നുമാണ് പ്രതിപക്ഷ നേതാവ് ആവശ്യപ്പെട്ടിരിക്കുന്നത്. നിലവിലെ റെയില്‍ പാളങ്ങളുടെ വളവുകള്‍ നികത്തിയും സിഗ്നലിങ് സംവിധാനം മെച്ചപ്പെടുത്തിയും വന്ദേഭാരതിന് പരമാവധി സ്പീഡില്‍ സര്‍വീസ് നടത്താനുള്ള സൗകര്യം ഒരുക്കണമെന്നും പ്രതിപക്ഷ നേതാവ് ആവശ്യപ്പെട്ടിട്ടുണ്ട്.

അതേസമയം വന്ദേഭാരതിന് കൂടുതൽ സ്റ്റോപ്പുകൾ അനുവദിക്കണമെന്ന ആവശ്യവും ശക്തമാണ്. എന്നാൽ ഇത് യാത്രാ സമയം കൂട്ടുമെന്നതിനാൽ അധികൃതർ തയ്യാറാകുമോയെന്ന് കാത്തിരുന്നു കാണേണ്ടതുണ്ട്. അധിക സ്റ്റോപ്പുകൾ അനുവദിക്കുകയാണെങ്കിൽ ചെങ്ങന്നൂരും ഷൊർണൂരുമാണ് ഇതിന് സാധ്യതയുള്ള രണ്ട് സ്റ്റേഷനുകൾ.