ആപ്പിൾ സിഡർ വിനാഗിരി ആരോഗ്യകരമായ ഒരു പാനീയമായാണ് പൊതുവെ കണക്കാക്കപ്പെടുന്നത്. ഫെർമെന്റേഷൻ പ്രക്രിയയിലൂടെയാണ് ഈ വിനാഗിരിയും തയ്യാറാക്കുന്നത്. എന്നാൽ ഇതിനും ചില പാർശ്വഫലങ്ങളുണ്ടെന്ന കാര്യം അറിയാമോ?
ആപ്പിൾ സിഡർ വിനാഗിരി ഉപയോഗം അമിതമായാൽ അപകടം
ഹൈലൈറ്റ്:
- ആരോഗ്യഗുണങ്ങൾ ധാരാളമായി നൽകുന്ന പാനീയമാണ് ആപ്പിൾ സിഡർ വിനാഗിരി എന്ന കാര്യത്തിൽ സംശയമില്ല.
- എന്നാൽ ഇതിന്റെ അമിത ഉപയോഗം ചില പാർശ്വഫലങ്ങൾ ഉണ്ടാക്കുന്നതിന് കാരണമാകും. അവയെക്കുറിച്ച് അറിയാം.
ഓരോ നല്ല കാര്യങ്ങൾക്കും പിന്നിലായി ചില മോശം കാര്യങ്ങളും ഉണ്ടാവുമെന്ന് പറയുന്നത് ശരിയാണ്! ആപ്പിൾ സിഡർ വിനാഗിരിയുടെ കാര്യത്തിൽ, അസറ്റിക് ആസിഡ് മൂലമുണ്ടാകുന്ന പാർശ്വഫലങ്ങളാണ് അവയുടെ ഏറ്റവും വലിയ പ്രശ്നം. നമ്മിൽ ചിലർ ഇത്തരം ചില പാർശ്വഫലങ്ങളെ പൂർണ്ണമായും അവഗണിക്കുന്നുവെങ്കിലും ദീർഘകാലാടിസ്ഥാനത്തിൽ ഇവ വളരെ അപകടകരമാണ്. വലിയ അളവിൽ ആപ്പിൾ സിഡർ വിനാഗിരി കുടിച്ചാൽ ഉണ്ടാവുന്ന ചില പ്രധാന പാർശ്വഫലങ്ങൾ ഇതാ:
1. ഗ്യാസ്ട്രോപാരെസിസ് സാധ്യത
ആപ്പിൾ സിഡർ വിനാഗിരി വിശപ്പ് അകറ്റി പൂർണ്ണതയുടെ വികാരത്തെ പ്രോത്സാഹിപ്പിക്കുന്നു, കാരണം ഇത് കലോറി ഉപഭോഗം കുറയ്ക്കുവാൻ സഹായിക്കുന്നു. പക്ഷേ ഇത് ഗ്യാസ്ട്രോപാരെസിസിനും കാരണമാകും! ഈ അവസ്ഥയിൽ, ആമാശയം സാധാരണ പോലെ പ്രവർത്തിക്കുന്നില്ല, ഇത് ആമാശയം ശൂന്യമാക്കുന്നത് പ്രയാസകരമാക്കുന്നു. ടൈപ്പ് 1 പ്രമേഹ രോഗികളിൽ ഈ അവസ്ഥ സാധാരണമാണ്, വിനാഗിരി കഴിക്കുന്നത് അതിന്റെ ലക്ഷണങ്ങളെ കൂടുതൽ വഷളാക്കും.
2. പല്ലുകൾ നശിക്കാൻ കാരണമായേക്കാം
ആപ്പിൾ സിഡർ വിനാഗിരി കഴിക്കുന്നത്, പല്ല് നശിക്കുന്നതും ദന്തക്ഷോഭവുമായി ബന്ധപ്പെട്ടിരിക്കുന്നതിൽ അതിശയിക്കാനില്ല. ഇതിന്റെ ഉപഭോഗം മൂലം നിങ്ങളുടെ പല്ലിന് മഞ്ഞകലർന്ന നിറവും അനുഭവപ്പെടാം. എന്തിനധികം, ഇത് കേടായ പല്ലിന്റെ ഇനാമൽ നീക്കം ചെയ്യുന്നതിലേക്കും നയിച്ചേക്കാം, പ്രത്യേകിച്ചും നിങ്ങൾ പതിവായി വിനാഗിരി ഉപയോഗിക്കുന്നെങ്കിൽ.
3. കുറഞ്ഞ പൊട്ടാസ്യം അളവും അസ്ഥികളുടെ ബലക്കുറവും
ശരീരത്തിൽ കുറഞ്ഞ അളവിലുള്ള പൊട്ടാസ്യം ഹൈപ്പോകലീമിയയിലേക്ക് നയിക്കും. ആപ്പിൾ സിഡർ വിനാഗിരിയുടെ അധിക ഉപഭോഗം മൂലമാണ് ഇത് സംഭവിക്കുന്നത്. ഇത് അസ്ഥി ധാതുക്കളുടെ സാന്ദ്രത കുറയ്ക്കുകയും അസ്ഥികളെ ദുർബലമാക്കുകയും ചെയ്യുന്നു. അതിനാൽ, ഓസ്റ്റിയോപൊറോസിസ് ഉള്ളവർ ആപ്പിൾ സിഡർ വിനാഗിരി കുടിക്കുന്നത് പൂർണ്ണമായും ഒഴിവാക്കണം.
4. ഇത് ചർമ്മത്തിൽ പൊള്ളലിന് കാരണമാകും
ചില ചർമ്മ പ്രശ്നങ്ങൾ അകറ്റാൻ ആപ്പിൾ സിഡർ വിനാഗിരി ഉപയോഗിക്കാറുണ്ട്. എന്നാൽ ഇതും ശ്രദ്ധയോടെ വേണം. എന്നാൽ ഇത് അമിതമായി ഉപയോഗിച്ചാൽ നിങ്ങളുടെ ചർമ്മം കത്തുന്നതിന് കാരണമാകും! അവയുടെ ശക്തമായ അസിഡിറ്റി സ്വഭാവമാണ് ഇതിന് കാരണം, ഇത് പലർക്കും പ്രശ്‌നമുണ്ടാക്കാം.
പ്രമേഹത്തെ വരുതിയിലാക്കാൻ ദിവസവും ഒരു പിടി ബദാം
5. അന്നനാളം അല്ലെങ്കിൽ തൊണ്ടയിൽ പൊള്ളൽ അനുഭവപ്പെടാം
ആപ്പിൾ സിഡർ വിനാഗിരിയുടെ അമിതമായ ഉപഭോഗം മൂലം അന്നനാളം (തൊണ്ട) പൊള്ളലേറ്റേക്കാം. വിനാഗിരിയുടെ കഠിനമായ അസിഡിറ്റി സ്വഭാവം തൊണ്ടയിലെ പ്രകോപിപ്പിക്കലിന് കാരണമാകും. വാസ്തവത്തിൽ, ആപ്പിൾ സിഡർ വിനാഗിരി ഗുളികകളും അന്നനാളത്തിന് പരിക്കേൽക്കാൻ കാരണമായേക്കാം.
6. ചില മരുന്നുകളുമായി പ്രതിപ്രവർത്തിക്കും
നിങ്ങൾ ചില മരുന്നുകൾ കഴിക്കുകയാണെങ്കിൽ, ഇത് ഒരു പ്രധാന പ്രശ്‌നമാകാം, കാരണം ആപ്പിൾ സിഡർ വിനാഗിരി ഗ്യാസ്ട്രോപാരെസിസിലേക്ക് നയിക്കുന്നു, ഇത് ദഹന പ്രക്രിയയെ മന്ദഗതിയിലാക്കുകയും ചില മരുന്നുകളുടെ ഫലപ്രാപ്തി കുറയ്ക്കുകയും ചെയ്യും.
7. ഗുരുതരമായ ദഹന പ്രശ്നങ്ങൾ ഉണ്ടാകാം
ആപ്പിൾ സിഡർ വിനാഗിരി വിശപ്പ് കുറയ്ക്കാൻ സഹായിക്കുകയും പൂർണ്ണതയുടെ വികാരത്തെ പ്രോത്സാഹിപ്പിക്കുകയും ചെയ്യുന്നു, പക്ഷേ ഇത് ദഹന പ്രശ്നത്തിന് കാരണമാകും. ഇത് ഓക്കാനം, വായുകോപം, ഛർദ്ദി, നെഞ്ചെരിച്ചിൽ, വയർ വീക്കം എന്നിവയ്ക്കും കാരണമാകും.
8. രക്തത്തിലെ പഞ്ചസാരയുടെ അളവ് കുറയുന്നു
നിങ്ങൾ അനിയന്ത്രിതമായ രക്തത്തിലെ പഞ്ചസാരയുടെ അളവ് മൂലം പ്രശ്നം അനുഭവിക്കുകയാണെങ്കിൽ, നിങ്ങൾ തീർച്ചയായും ആപ്പിൾ സിഡർ വിനാഗിരി കഴിക്കുന്നത് ഒഴിവാക്കണം. ഇതിന് ആന്റി ഗ്ലൈസെമിക് ഫലമുണ്ട്, ഇത് ശരീരത്തിൽ ഗ്ലൂക്കോസിന്റെ അളവിൽ അസന്തുലിതാവസ്ഥ ഉണ്ടാക്കുന്നു.
അമിതമായാൽ അമൃതും വിഷം എന്ന് കേട്ടിട്ടില്ലേ? അതുകൊണ്ട് എല്ലാം മിതമായ അളവിൽ മാത്രം നല്ലതാണ്. ആപ്പിൾ സിഡർ വിനാഗിരിയുടെ കാര്യത്തിലും ഇത് ബാധകമാണ്!
രാവിലെ കുടിക്കാം ഈ കുക്കുമ്പർ ഡീറ്റോക്സ് ഡ്രിങ്ക്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : know these potential side effects of having too much apple cider vinegar
Malayalam News from malayalam.samayam.com, TIL Network
