‘മുസ്ലിം സ്ത്രീകളെ തട്ടിക്കൊണ്ട് പോകണം’: വിദ്വേഷ പ്രസംഗത്തിൽ ‘ഗോഡ്സെ രണ്ടാമന്‍’ അറസ്റ്റിൽ

ന്യൂഡൽഹി: കേന്ദ്ര സർക്കാരിൻ്റെ വിവാദ പൗരത്വ നിയമത്തിനെതിരെ നടന്ന പ്രതിഷേധത്തിനിടെ സമരക്കാർക്കെതിരെ വെടിയുതിർത്ത യുവാവ് അറസ്റ്റിൽ. മുസ്ലിം വിരുദ്ധ വിദ്വേഷ പ്രസംഗം നടത്തിയ സംഭവത്തിലാണ് പോലീസ് നടപടി. ഹരിയാനയിലെ പട്ടൗഡിയിലെ മഹാപഞ്ചായത്തിലാണ് യുവാവ് വിവാദ പ്രസ്താവന നടത്തിയത്.



കൊവിഡ് മൂന്നാം തരംഗം ഉടൻ; ഗുരുതരമാകുക ഏത് സംസ്ഥാനത്ത്? മുന്നറിയിപ്പുമായി ഐഎംഎ

അറസ്റ്റ് രേഖപ്പെടുത്തിയ യുവാവിനെ ജുഡീഷ്യൽ കസ്റ്റഡിയിൽ വിട്ടതായി മനേസർ ഡെപ്യൂട്ടി പോലീസ് കമ്മീഷണർ വരുൺ സിംഗ്ല പറഞ്ഞു. മുസ്ലീം വിഭാഗത്തെ ആക്രമിക്കാനും മുസ്ലിം സ്ത്രീകളെ തട്ടിക്കൊണ്ട് പോകാനും ആഹ്വാനം ചെയ്യുന്നതായിരുന്നു യുവാവിൻ്റെ പ്രസംഗം. യുവാവ് നടത്തിയ പ്രസംഗത്തിൻ്റെ വിവരങ്ങൾ പുറത്തുവന്നതോടെ വ്യാപക പരാതി ഉയർന്നതോടെയാണ് പോലീസ് നടപടിയെടുത്തത്. ഹരിയാന പോലീസാണ് ‘ഗോഡ്സെ രണ്ടാമന്‍’ എന്നറിയപ്പെടുന്ന യുവാവിനെ അറസ്റ്റ് ചെയ്തത്.

ലൗ ജിഹാദ്, മതപരിവർത്തനം, ജനസംഖ്യ നിയന്ത്രണം എന്നിവയുമായി ബന്ധപ്പെട്ട് വിശ്വഹിന്ദു പരിഷത്ത്, ബജ്റംഗ് ദൾ, ഗോ സംരക്ഷക സംഘങ്ങൾ എന്നിവരുടെ ആഭിമുഖ്യത്തിലാണ് മഹാപഞ്ചായത്ത് ചേർന്നത്. ഗ്രാമമുഖ്യർ അടക്കമുള്ളവരും എത്തിയ യോഗത്തിലാണ് യുവാവ് വിവാദ പ്രസ്താവന നടത്തിയത്.

കൊങ്കുനാട്: ഡിഎംകെ പേടിക്കുന്നത് എന്തിനെന്ന് ബിജെപി; തമിഴ്നാട് വിഭജനത്തിനെതിരെ കോൺഗ്രസും

ബിജെപി ഹരിയാന സംസ്ഥാന ഘടകം വക്താവും കർണി സേന തലവ് സൂരജ് പാൽ അമുവും പങ്കെടുത്തു. ഇവരും മുസ്ലിം വിരുദ്ധ പ്രസ്താവന നടത്തിയെന്നാണ് റിപ്പോർട്ട്. നൂറിലധികം പോലീസ് ഉദ്യോഗസ്ഥർ ചടങ്ങിന് സുരക്ഷയേർപ്പെടുത്തി എത്തിയിരുന്നു. വിവിധ വകുപ്പുകൾ പ്രകാരം യുവാവിനെതിരെ കേസെടുത്തതായി പോലീസ് കമ്മീഷണർ വരുൺ സിംഗ്ല പറഞ്ഞു. മറ്റ് മതവിഭാഗങ്ങള്‍ക്കിടയില്‍ ശത്രുത വളര്‍ത്തല്‍, മതവികാരങ്ങളെ വ്രണപ്പെടുത്തല്‍ തുടങ്ങിയ കുറ്റങ്ങള്‍ ചുമത്തിയാണ് യുവാവിനെതിരെ കേസെടുത്തിരിക്കുന്നത്.