സംസ്ഥാനത്ത് കുട്ടികളുടെ എണ്ണവും ജനനനിരക്കും കുറയ്ക്കുന്നതിനായി യുപി സര്ക്കാര് പുതിയ നിയമം കൊണ്ടുവരുന്ന സാഹചര്യത്തിലാണ് സ്ത്രീകള്‍ക്ക് മികച്ച വിദ്യാഭ്യാസം നല്‍കുന്നത് കൂടുതൽ ഗുണകരമാകുമെന്ന് നിതീഷ് കുമാര്‍ പറഞ്ഞു.
നിതീഷ് കുമാർ Photo: PTI/File
ഹൈലൈറ്റ്:
- 2040ഓടു കൂടി രാജ്യത്തെ ജനനനിരക്ക് കുറയും
- മികച്ച വിദ്യാഭ്യാസം നല്‍കണമെന്ന് നിതീഷ് കുമാര്‍
- പ്രതികരണം യുപി നിയമനിര്‍മാണത്തിൻ്റെ സാഹചര്യത്തിൽ
ജനതാ കേ ദര്‍ബാര്‍ മേം മുഖ്യമന്ത്രി എന്ന പരിപാടിയിൽ മാധ്യമങ്ങളോടു സംസാരിക്കുമ്പോഴായിരുന്നു നിതീഷ് കമാര്‍ ഇക്കാര്യം വ്യക്തമാക്കിയത്. താൻ പറഞ്ഞത് വ്യക്തമാണെന്നും എന്നാൽ മറ്റു സംസ്ഥാനങ്ങളുടെ കാര്യത്തിൽ വ്യത്യാസമുണ്ടായേക്കാമെന്നും അദ്ദേഹം പറഞ്ഞു. രണ്ട് കുട്ടികളിൽ അധികമുള്ള കുടുംബങ്ങള്‍ക്ക് റേഷനും സര്ക്കാര് ആനുകൂല്യങ്ങളും വെട്ടിക്കുറയ്ക്കാനുള്ള യുപി സര്‍ക്കാരിൻ്റെ പുതിയ കരടിനെക്കുറിച്ചായിരുന്നു അദ്ദേഹത്തിൻ്റെ പരാമര്‍ശം.
Also Read: ആശ്വാസമായി കൊവിഡ് കേസുകള്‍ 31,000 ; രോഗമുക്തി നിരക്ക് 97.28%
വിവിധ സര്‍വേകളുടെയും പഠനങ്ങളുടെയും അടിസ്ഥാനത്തിലാണ് താൻ ഇക്കാര്യം വ്യക്തമാക്കുന്നതെന്ന് നിതീഷ് കുമാര്‍ പറഞ്ഞു. മുൻപ് ദേശീയ ശരാശരിയായ 1.7 ശതമാനത്തിനു മുകളിലായിരുന്നു ബിഹാറിലെ ജനനനിരക്ക്. മുൻപ് നാലു ശതമാനത്തിലധികം ജനനനിരക്കുള്ള കാലമുണ്ടായിരുന്നു. പിന്നീട് അത് മൂന്ന് ശതമാനത്തിലേയ്ക്ക് താഴ്ന്നു. നിലവിൽ ദേശീയ ശരാശരിയ്ക്കും താഴെ 1.6 ശതമാനമാണ് ബിഹാറിലെ ജനനനിരക്ക്. ഹൈസ്കൂള്‍ തലം വരെ സ്ത്രീകള്‍ക്ക് വിദ്യാഭ്യാസം നല്‍കിയപ്പോഴാണ് ഈ വലിയ മാറ്റമുണ്ടായതെന്നും നിതീഷ് കുമാര്‍ പറഞ്ഞു. 2040ഓടു കൂടി രാജ്യത്തെ ജനന നിരക്ക് താഴേയ്ക്ക് വരുമെന്ന ഉറച്ച വിശ്വാസം തനിക്കുണ്ടെന്നും നിതീഷ് കുമാര്‍ പറഞ്ഞു.
Also Read: കടകള്‍ രാത്രി എട്ട് വരെ തുറക്കാം; ലോക്ഡൗണിന് കൂടുതൽ ഇളവുകള്‍
അതേസമയം, ജനസംഖ്യാ നിയന്ത്രണത്തിനുള്ള നിയമങ്ങള്‍ ഗുണം ചെയ്യില്ലെന്നു താൻ പറയില്ലന്നും നിതീഷ് കുമാര്‍ പറഞ്ഞു. എന്നാൽ വിദ്യാഭ്യാസമാണ് ഇതിനുള്ള മികച്ച മാര്‍ഗം. കൂടാതെ ഇത് എല്ലാ ജനവിഭാഗങ്ങളിലും ഗുണമുണ്ടാക്കാൻ സഹായിക്കുമെന്നും അദ്ദേഹം പറഞ്ഞു. വിദ്യാഭ്യാസമുള്ളവര്‍ക്കും കൂടുതൽ കുട്ടികളുണ്ടാകുന്നുണ്ടെങ്കിലും അത് അപൂര്‍വസംഭവമാണെന്നും നിതീഷ് കുമാര്‍ പറഞ്ഞു.
രണ്ട് കുട്ടികള്‍ മാത്രമുള്ള കുടുംബങ്ങള്‍ക്ക് കൂടുതൽ ആനുകൂല്യങ്ങള്‍ നല്‍കാനും കൂടുതൽ കുട്ടികളുള്ള കുടുംബങ്ങളുടെ ആനുകൂല്യങ്ങള്‍ വെട്ടിക്കുറയ്ക്കാനുമാണ് യുപി സര്ക്കാര് നീക്കം. നിയമം നടപ്പാക്കുന്നതിനു മുന്നോടിയായി കരട് സര്ക്കാര് പ്രസിദ്ധീകരിച്ചിട്ടുമുണ്ട്. സമാനമായ നിയമം ബിഹാറിലും നടപ്പാക്കണമെന്ന് കേന്ദ്രമന്ത്രി ഗിരിരാജ് സിങ് കഴിഞ്ഞ ദിവസം ആവശ്യപ്പെട്ടിരുന്നു.
അജ്ഞാത വാഹനമിടിച്ച് ബസ് കാത്തിരിപ്പ് കേന്ദ്രം തകർന്നു; മഴയും വെയിലുമേറ്റ് യാത്രക്കാര്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : nda ally nitish kumar opposes up population control law saying better education for women is the key
Malayalam News from malayalam.samayam.com, TIL Network
