തടി കുറയ്ക്കാന്‍ പ്രധാനമാണ് ഭക്ഷണം. ഡയറ്റിംഗും ഒപ്പം വ്യായാമവും ഏറെ പ്രധാനമാണ്. തടി കുറയ്ക്കാന്‍ സഹായിക്കുന്ന ഭക്ഷണങ്ങളും ഒപ്പം ഭക്ഷണ ശീലങ്ങളുമുണ്ട്. ഇതില്‍ പ്രധാനപ്പെട്ടതാണ് പ്രാതല്‍. പ്രാതല്‍ ഒരു ദിവസത്തെ പ്രധാനപ്പെട്ട ഭക്ഷണമാണെന്നു വേണം, പറയുവാന്‍. ശരീരത്തിന് ആകെ ആരോഗ്യം നല്‍കുന്ന പ്രധാനപ്പെ്ട്ട ഭക്ഷണമാണിത്. പ്രാതല്‍ ഒഴിവാക്കുന്നത് അനാരോഗ്യവും പല രോഗങ്ങളും വരുത്തുകയും ചെയ്യും. തടി കുറയ്ക്കാന്‍ സഹായിക്കുന്ന ചില പ്രധാനപ്പെട്ട ഭക്ഷണങ്ങളുമുണ്ട്. പ്രാതലായി ഉള്‍പ്പെടുത്താന്‍ സാധിയ്ക്കുന്നത്. ഇത്തരം ചില ഭക്ഷണത്തെ കുറിച്ചറിയൂ. പ്രാതലില്‍ ഉള്‍പ്പെടുത്തിയാല്‍ ആരോഗ്യം നല്‍കുന്ന, അതേ സമയം തടി കുറയ്ക്കാന്‍ സഹായിക്കുന്ന ചിലത്.

മുട്ട

ഇതില്‍ ഒന്നാണ് മുട്ട. പ്രാതലിന് ഏറ്റവും ചേര്‍ന്ന സമീകൃതാഹാരമാണിത്. ആരോഗ്യം നല്‍കാനും ഒപ്പം തടി കുറയ്ക്കാനും ഇത് സഹായിക്കും. പ്രോട്ടീന്‍ നിറഞ്ഞതായത് തന്നെയാണ് കാരണം. ഇത് പുഴുങ്ങിക്കഴിയ്ക്കുന്നതാണ് കൂടുതല്‍ നല്ലത്. വയര്‍ പെട്ടെന്നു നിറഞ്ഞതായി തോന്നിയ്ക്കുന്ന ഇത് ഏറെ ആരോഗ്യം നല്‍കുന്ന ഒന്നുമാണ്. ഇത് ഓംലറ്റായോ ബുള്‍സൈ ആയോ എല്ലാം കഴിയ്ക്കാം. ഇത് തടി കുറയ്ക്കാന്‍ സഹായിക്കുന്ന ഉത്തമ ഭക്ഷണമാണ്. സെലേനിയം, റൈബോഫ്‌ളേവിന്‍ എന്നിവ അടങ്ങിയ ഉത്തമ ഭക്ഷണമാണ്.

​പഴം

പഴം തടി കുറയ്ക്കാന്‍ ഉത്തമമായ ഭക്ഷണ വസ്തുവാണ്. ഇതില്‍ ധാരാളം നാരുകളും പ്രോട്ടീനുമെല്ലാം അടങ്ങിയിട്ടുണ്ട്. ഇതില്‍ 100 കലോറിയും 3 ഗ്രാം ഡയറ്റെറി ഫൈബറും അടങ്ങിയിട്ടുണ്ട്. ദിവസവും വേണ്ട നാരുകളുടെ 12ശതമാനം ഒരു പഴത്തില്‍ നിന്നും ലഭിയ്ക്കും. പഴം രാവിലെ കഴിയ്ക്കുന്നത് വയര്‍ പെട്ടെന്നു നിറയാന്‍ സഹായിക്കും. ഊര്‍ജം നല്‍കും. ഇതിലെ റെസിസ്റ്റന്റ് സ്റ്റാര്‍ച്ച് പെട്ടെന്ന് വിശപ്പു തോന്നാതിരിയ്ക്കാന്‍ സഹായിക്കുന്നു. ഇത് പെട്ടെന്ന് ദഹിയ്ക്കാത്ത ഒന്നാണ്.

​നട്‌സ്

നട്‌സ് തടി കുറയ്ക്കാന്‍ പ്രാതലില്‍ ഉള്‍പ്പെടുത്താവുന്ന ഭക്ഷണ വസ്തുവാണ്. ഇത് നാരുകള്‍, പ്രോട്ടീന്‍ എന്നിവയാല്‍ സമ്പുഷ്ടമാണ്. കൊഴുപ്പ് തീരെ കുറവുള്ള ഭക്ഷണ വസ്തു കൂടിയാണിത്. ഇതില്‍ ഉള്ളത് ആരോഗ്യകരമായ കൊഴുപ്പുകള്‍ കൂടിയാണ്. ഇതിനാല്‍ തന്നെ ആരോഗ്യപരമായ കാര്യങ്ങള്‍ക്ക് ഏറെ ഗുണം നല്‍കുകയും ചെയ്യുന്നു. പ്രാതലില്‍ ഇവ ഉള്‍പ്പെടുത്തുന്നത് തടി കുറയ്ക്കാനും ഒപ്പം ആരോഗ്യത്തിനും ഉത്തമമാണ്.

​ഓട്‌സ്

ഓട്‌സ് തടി കുറയ്ക്കാന്‍ ഉത്തമമായ മറ്റൊരു പ്രാതല്‍ വിഭവമാണ്. ഇത് നാരുകളാല്‍ സമ്പുഷ്ടമാണ്. കൊഴുപ്പ് തീരെ കുറഞ്ഞ ഇത് വിശപ്പു കുറയ്ക്കാനും തടി കുറയ്ക്കാനും ഉത്തമവുമാണ്. ബീറ്റാ ഗ്ലൂക്കോണ്‍ സമ്പുഷ്ടമാണ് ഇത്. ഇത് തടി കുറയ്ക്കാന്‍ മാത്രമല്ല, പ്രമേഹം, കൊളസ്‌ട്രോള്‍ പോലുള്ള രോഗങ്ങളുള്ളവര്‍ക്ക് ഇത് ഏറെ ഗുണകരവുമാണ്. ഏതു പ്രായക്കാര്‍ക്കും കഴിയ്ക്കാന്‍ പറ്റിയ പ്രധാനപ്പെട്ട ഒന്നാണിത്. ഓട്‌സ് പ്രഭാത ഭക്ഷണമായി കഴിയ്ക്കുന്നത് തടി കുറയ്ക്കാനും രോഗങ്ങള്‍ക്കുമെല്ലാം ഉത്തമ പരിഹാരമാണ്.

ഗ്രീന്‍ ടീ

ഇതിനു പുറമേ ഗ്രീന്‍ ടീ, ബെറികള്‍, സിട്രസ് ഫലവര്‍ഗങ്ങള്‍, മുളപ്പിച്ച ചെറുപയര്‍ എന്നിവയെല്ലാം തന്നെ തടി കുറയ്ക്കാന്‍ സഹായിക്കുന്ന പ്രാതല്‍ വിഭവങ്ങളാണ്. ഗ്രേപ് ഫ്രൂട്ട്, കിവി, ചിയ സീഡ്‌സ്, ഫ്‌ളാക്‌സ് സിഡ്‌സ് എന്നിവയെല്ലാം തന്നെ തടി കുറയ്ക്കാന്‍ സഹായിക്കുന്ന പ്രാതല്‍ വിഭവങ്ങള്‍ തന്നെയാണ്. ഇതു പോലെ യോഗര്‍ട്ട്, പ്രത്യേകിച്ച് ഗ്രീക്ക് യോഗര്‍ട്ട് തടി കുറയ്ക്കാന്‍ സഹായിക്കുന്ന മറ്റൊരു പ്രധാന ഭക്ഷ്യ വിഭവമാണ്. ഇതെല്ലാം തടി കുറയ്ക്കാന്‍ മാത്രമല്ല, ആരോഗ്യത്തിനും ഏറെ ഗുണം നല്‍കുന്ന ഭക്ഷണ വസ്തുക്കള്‍ തന്നെയാണ്. മുതിര കൊണ്ട് കൊളസ്‌ട്രോളിന് ഒരു പ്രത്യേക പൊടി