പലരും ഇതിനെക്കുറിച്ച് അറിയാത്തതിനാല്‍ തന്നെ പുറത്ത് നിന്നും ഡൈ വാങ്ങി ഉപയോഗിക്കുന്നു. നമ്മളുടെ അടുക്കളയില്‍ ഉള്ള മഞ്ഞള്‍പ്പൊടി, വെളിച്ചെണ്ണ,ചായപ്പൊടി, കാപ്പിപ്പൊടി എന്നിവ ഉപയോഗിച്ച് നല്ലൊരു ഹെയര്‍ ഡൈ നിങ്ങള്‍ക്ക് വീട്ടില്‍ തന്നെ തയ്യാറാക്കി എടുക്കാം.
ഇത് വളരെ എളുപ്പത്തില്‍ തയ്യാറാക്കി എടുക്കാനും സാധിക്കും. അതുപോലെ തന്നെ നിങ്ങളുടെ മുടിയ്ക്ക് നല്ല കറുപ്പ് നിറം ലഭിക്കാനും ഇത് സഹായിക്കുന്നുണ്ട്.
മഞ്ഞള്‍ മുടിയ്ക്ക് നല്ലതാണോ?
പലര്‍ക്കും ഉള്ള സംശയമാണ് മഞ്ഞള്‍ മുടിയില്‍ ഉപയോഗിക്കാന്‍ സാധിക്കുമോ എന്നത്. സത്യത്തില്‍ മഞ്ഞള്‍ മുടിയുടെ ആരോഗ്യത്തിന് നല്ലതാണ്. നമ്മളുടെ തലയില്‍ താരന്‍ വരുമ്പോള്‍ മഞ്ഞളും ആര്യവേപ്പിലയും തുളസിയും ഇട്ട് തിളപ്പിച്ച വെള്ളത്തില്‍ തല കഴുകി എടുത്ത് നോക്കൂ. താരന്‍ എല്ലാം വളരെ വേഗത്തില്‍ തന്നെ ഇല്ലാതാക്കുന്നത് കാണാം.
ഇത്തരത്തില്‍ താരന്‍ നീക്കം ചെയ്യുന്നതിനാല്‍ തന്നെ മുടി കൊഴിച്ചില്‍ തടയാന്‍ ഇത് സഹായിക്കുന്നുണ്ട്. അതുപോലെ, മുടിയുടെ കോശങ്ങളുടെ ആരോഗ്യം നിലനിര്‍ത്തുന്നതിനും മുടി നരയ്ക്കുന്നത് തടയുന്നതിനും മുടിയ്ക്ക് നല്ല ബലം ലഭിക്കുന്നതിനും ഇത് സഹായിക്കുന്നു.
വേണ്ട ചേരുവകള്‍
മഞ്ഞള്‍- 2 ടേബിള്‍സ്പൂണ്‍
വെളിച്ചെണ്ണ- 1 ടേബിള്‍സ്പൂണ്‍
കാപ്പിപ്പൊടി- 2 ടേബിള്‍സ്പൂണ്‍
ചായവെള്ളം- 1 ടേബിള്‍സ്പൂണ്‍
തയ്യാറാക്കേണ്ട വിധം
സ്റ്റെപ്പ് 1
മഞ്ഞള്‍പ്പൊടി എടുത്ത് ഒന്ന് ചൂടാക്കണം. അത്യാവശ്യം കറുപ്പ് നിറത്തില്‍ എത്തുന്നത് വരെ ചൂടാക്കി എടുക്കണം. അതിന് ശേഷം ഇത് വെളിച്ചെണ്ണയില്‍ ചേര്‍ത്ത് നന്നായി മിക്‌സ് ചെയ്ത് വെക്കുക. ഒരു കുഴമ്പ് പരുവത്തില്‍ ലഭിക്കും.
സ്റ്റെപ്പ് 2
ഇതിലേയ്ക്ക് കാപ്പിപ്പൊടി ചേര്‍ത്ത് മിക്‌സ് ചെയ്ത് വക്കണം. അതുപോലെ, മധുരം ഒന്നും ചേര്‍ക്കാതെ തിളപ്പിച്ചെടുത്ത ചായവെള്ളം ഇതില്‍ ചേര്‍ത്ത് നന്നായി മിക്‌സ് ചെയ്യുക. ഇത് മിക്‌സിയുടെ ചെറിയ ജാറില്‍ ഇട്ട് ഒന്ന് അടിച്ച് എടുക്കണം.
Also Read:മുടി കൊഴിഞ്ഞ് കഷണ്ടി കയറിത്തുടങ്ങിയ ഭാഗത്ത് ഇത് ഒന്ന് അടുപ്പിച്ച് പുരട്ടൂ
ഉപയോഗിക്കേണ്ട വിധം
ഇത് ഉപയോഗിക്കുന്നതിന് മുന്‍പ് മുടിയെല്ലാം നല്ലപോലെ ചീകി ജെട കളഞ്ഞ് വെക്കുക. അതിന് ശേഷം ഇത് മുടിയുടെ നരയുള്ള ഭാഗത്തും അതുപോലെ, മൊത്തത്തിലും മുടിയില്‍ തേച്ച് പിടിപ്പിക്കാവുന്നതാണ്. ഇത് കുറഞ്ഞത് പത്ത് മിനിറ്റെങ്കിലും ഇരിക്കണം. നല്ലപോലെ കറുപ്പ് ലഭിക്കാന്‍ മുക്കാല്‍ മണിക്കൂറഎങ്കിലും വെക്കുന്നത് നല്ലതാണ്.
ഇത്തരത്തില്‍ ആഴ്ച്ചയില്‍ ഒരിക്കല്‍ വീതം എല്ലാമാസവും അടുപ്പിച്ച് ചെയ്യുക. ഒരു മൂന്ന് മാസമെങ്കിലും ചെയ്യണം. അതിന് ശേഷം നിങ്ങള്‍ക്ക് മാസത്തില്‍ ഒരിക്കല്‍ വീതം ഈ ഹെയര്‍ ഡൈ ഉപയോഗിച്ചാല്‍ മതിയാകും. കാരണം, ആദ്യമായി ഉപയോഗിക്കുമ്പോള്‍ കുറേ കാലം ഈ കറുപ്പ് നിറം നില്‍ക്കണമെന്നില്ല. എന്നാല്‍, നിങ്ങള്‍ ഉപയോഗിച്ച് ഉപയോഗിച്ച് ശീലമാകുമ്പോള്‍ കറുപ്പ് നിറം കൂടുതല്‍ കാലം നിലനില്‍ക്കാന്‍ തുടങ്ങും.
ഗുണങ്ങള്‍
ഈ ഹെയര്‍ ഡൈ ഉപയോഗിച്ചാല്‍ നിങ്ങള്‍ക്ക് പാര്‍ശ്വഫലങ്ങള്‍ കുറവാണ്. തികച്ചും നാച്വറല്‍ ചേരുവകള്‍ മാത്രമാണ് ഇതില്‍ ചേര്‍ത്തിരിക്കുന്നത്. അതുപോലെ തന്നെ, ഇതില്‍ ചേര്‍ത്തിരിക്കുന്ന വെളിച്ചെണ്ണ മുടിയെ മോയ്‌സ്ച്വര്‍ ചെയ്യുകയും കാപ്പിപ്പൊടിയും ചായവെള്ളവും മുടിയെ നല്ല സീല്‍ക്കി ആക്കി നിലനിര്‍ത്താന്‍ സഹായിക്കുകയും ചെയ്യുന്നു.
Disclaimer:മേല്‍ പറഞ്ഞിരിക്കുന്നത് ഒരു നാട്ടറിവ് മാത്രമാണ്. ഇത് ഉപയോഗിക്കുന്നതിന് മുന്‍പ് അലര്‍ജി ഇല്ല എന്ന് ഉറപ്പാക്കണം. അതുപോലെ, നല്ല ഫലത്തിനായി ഒരു മണിക്കൂറെങ്കിലും തലയില്‍ ഇത് തേച്ച് പിടിപ്പിക്കണം.
Also Read:ഒരു കഷ്ണം ബീറ്റ്‌റൂട്ട് ഉണ്ടെങ്കില്‍ മുടി കൊഴിച്ചില്‍ നിര്‍ത്താം
English Summary: natural hair dye with kitchen ingredients
തടിയും മുടി കൊഴിച്ചിലും കുറയ്ക്കാന്‍
ഈ വെള്ളം കുടിച്ചാല്‍ മതി തടിയും മുടികൊഴിച്ചിലും പമ്പകടക്കും
