തയ്യാറാക്കാന്‍
ഈ ഫേയ്‌സ്പാക്ക് തയ്യാറാക്കാന്‍ ഒരുപിടി മല്ലി ഇല എടുക്കുക. അതുപോലെ തന്നെ മൂന്ന് ടേബിള്‍സ്പൂണ്‍ താരും എടുക്കുക. ഇവ രണ്ടും നല്ലപോലെ മിക്‌സില്‍ ഇട്ട് അരച്ച് എടുക്കണം. നന്നായി അരച്ച് എടുത്തതിന് ശേഷം ഇത് മുഖത്ത് പുരട്ടാവുന്നതാണ്. നിങ്ങളുടെ വീട്ടില്‍ കീഴാര്‍നെല്ലി ഉണ്ടെങ്കില്‍ അല്ലെങ്കില്‍ അതിന്റെ പൊടി ഉണ്ടെങ്കില്‍ അതുംകൂടെ ചേര്‍ത്ത് അരച്ചെടുക്കുന്നത് കൂടുതല്‍ ഫലം നല്‍കാന്‍ സഹായിക്കുന്നതാണ്.
ഉപയോഗിക്കേണ്ട വിധം
ഇത് പുരട്ടുന്നതിന് മുന്‍പ് മുഖം നന്നായി കഴുകി എടുക്കുക. കഴുകി തുടച്ചതിന് ശേഷം മുഖത്ത് അരച്ച് വെച്ചിരിക്കുന്ന ഫേയ്‌സ്പാക്ക് പുരട്ടണം. നന്നായി പുരട്ടി മസാജ് ചെയ്ത് കൊടുക്കാന്‍ മറക്കരുത്. കുറഞ്ഞത് ഒരു 5 മിനിറ്റെങ്കിലും മസാജ് ചെയ്ത് കൊടുക്കുക.
അതിന് ശേഷം ഒരു അര മണിക്കൂര്‍ ഇത് മുഖത്ത് വെക്കണം. പിന്നീട് നിങ്ങള്‍ക്ക് മുഖം നന്നായി കഴുകി തുടച്ച് എടുക്കാവുന്നതാണ്. ഇത് ആഴ്ച്ചയില്‍ രണ്ട് തവണയെങ്കിലും ചെയ്താല്‍ മുഖത്തിന് നല്ല മാറ്റം ലഭിക്കാന്‍ ഇത് സഹായിക്കും. ഇത് മാത്രമല്ല, ആദ്യത്തെ ഉപയോഗത്തില്‍ തന്നെ നിങ്ങള്‍ക്ക് മുഖം നല്ലപോലെ ക്ലിയറായി വരുന്നതും കാണാം.
Also Read:ഒരു പാടും കുരുവും ഇല്ലാതെ മുഖം ക്ലിയറാക്കി എടുക്കണോ? ജൊജോബ ഓയില്‍ ഇങ്ങനെ പുരട്ടൂ
മല്ലയില നല്‍കുന്ന ഗുണങ്ങള്‍
- മുഖത്തെ കറുത്തപാടുകള്‍ നീക്കുന്നു.
- ബ്ലാക്ക് ഹെഡ്‌സ് നീക്കുന്നു.
- ചര്‍മ്മം നല്ല ക്ലിയറാക്കുന്നു.
- ചര്‍മ്മത്തിന് നിറം ലഭിക്കാന്‍ സഹായിക്കുന്നു.
- ചര്‍മ്മത്തിന് നല്ല തിളക്കം നല്‍കുന്നു.
- കരുവാളിപ്പ് മാറ്റി എടുക്കുന്നു.
- ചുളിവുകള്‍ വരാതിരിക്കാന്‍ സഹായിക്കുന്നു.
- യുവത്വം നിലനിര്‍ത്താന്‍ സഹായിക്കുന്നു.
- മോയ്‌സ്ച്വര്‍ ചെയ്ത് നിലനിര്‍ത്തുന്നു.
മല്ലിയിലയും കറ്റാര്‍വാഴയും
മല്ലിയിലയും കറ്റാര്‍വാഴയും ചേര്‍ത്ത് നിങ്ങള്‍ക്ക് നല്ല അടിപൊളി ഫേയ്‌സ്പാക്ക് തയ്യാറാക്കാവുന്നതാണ്. ഇത് ഇതിനായി മല്ലിയില അരച്ച് അതിന്റെ നീര് ഒരു ടീസ്പൂണ്‍ വീതം എടുക്കുക. ഇതിലേയ്ക്ക് ഒരു ടീസ്പൂണ്‍ കറ്റാര്‍വാഴ ജെല്ലും ചേര്‍ത്ത് നന്നായി മിക്‌സ് ചെയ്ത് എടുക്കണം.
ഇത് മുഖത്ത് എന്നും രാത്രിയില്‍ പുരട്ടുന്നത് മുഖം ക്ലിയറാക്കി എടുക്കുന്നതിനും അതുപോലെ, മുഖത്തിന് നല്ല നിറം വെക്കുന്നതിനും ഇത് സഹായിക്കുന്നുണ്ട്. അതുപോലെ, മുഖത്തെ ചുളിവുകള്‍ നീക്കം ചെയ്യുന്നതിനും യുവത്വം നിലനിര്‍ത്താനും ഇത് സഹായിക്കുന്നു.
ചര്‍മ്മത്തിന്റെ ആരോഗ്യത്തിന് ഈ ഓയില്‍ ഉപയോഗിക്കാം
വൈറ്റമിൻ ഇ ഓയിൽ ചർമ്മത്തിനായി എങ്ങനെ ഉപയോഗിക്കാം
മല്ലിയിലയും ചെറുനാരങ്ങയും
മല്ലിയിലയുടെ കൂടെ ചെറുനാരങ്ങനീര് ചേര്‍ത്ത് മുഖത്ത് പുരട്ടുന്നതും മുഖത്തെ കറുത്തപാടുകള്‍ നീക്കം ചെയ്യാനും അതുപോലെ, മുഖം നല്ലപോലെ ക്ലിയറാക്കി കിട്ടുന്നതിനും സഹായിക്കുന്നുണ്ട്. ഈ ഫേയ്‌സ്പാക്ക് തയ്യാറാക്കുന്നതിന് കുറച്ച് മല്ലിയില അരച്ച് അതിന്റെ നീര് എടുക്കുക. ഇതിലേയ്ക്ക് നാരങ്ങനീരും ചേര്‍ത്ത് മിക്‌സ് ചെയ്ത് മുഖത്ത് പുരട്ടാവുന്നതാണ്.
മല്ലിയിലയില്‍ ചെറുനാരങ്ങ നീരിന് പകരം പാല്‍, തേന്‍ എന്നിവയും ചേര്‍ക്കാവുന്നതാണ്. ഇവ ചര്‍മ്മത്തെ നല്ലപോലെ മോയ്‌സ്ച്വര്‍ ചെയ്ത് നിര്‍ത്തുന്നതിന് സഹായിക്കുന്നുണ്ട്.
Disclaimer:മേല്‍ പറഞ്ഞിരിക്കുന്നത് പൊതുവിവരാടിസ്ഥാനത്തില്‍ രേഖപ്പെടുത്തിയിരിക്കുന്ന വിവരങ്ങളാണ്. ഇത് ഉപയോഗിക്കുന്നതിന് മുന്‍പ് നിങ്ങള്‍ക്ക് അലര്‍ജി ഒന്നും ഇല്ല എന്ന് ഉറപ്പ് വരുത്തേണ്ടത് അനിവാര്യമാണ്.
English Summary: Coriander leaves for dark spots
