മറ്റൊരാളുമായി അടുപ്പമെന്ന് സംശയം; രണ്ട് കുട്ടികളുടെ അമ്മയായ വിധവയെ കാമുകൻ കഴുത്തറത്ത് കൊന്നു

ന്യൂഡൽഹി: തിങ്കളാഴ്ച മരിച്ച നിലയിൽ വീട്ടിൽ കണ്ടെത്തിയ സംഭവം കൊലപാതകമെന്ന് പോലീസ്. സംഭവത്തിൽ ടാക്സി ഡ്രൈവറെ പോലീസ് അറസ്റ്റ് ചെയ്തു.



Also Read : കടകള്‍ രാത്രി എട്ട് വരെ തുറക്കാം; ലോക്ഡൗണിന് കൂടുതൽ ഇളവുകള്‍



ഡൽഹി ദ്വാരക പ്രദേശത്തുള്ള വസതിയിലാണ് സ്ത്രീയെ കൊല്ലപ്പെട്ട നിലയിൽ കണ്ടെത്തിയത്. കഴുത്തിൽ വെട്ടേറ്റ നിലയിൽ മോണിക്ക ശര്‍മ്മയെന്ന യുവതിയാണ് മരിച്ചത്. കേസിൽ 20 കാരനായ കൃഷ്ണൻ കുമാര്‍ എന്നയാളാണ് ഇപ്പോള്‍ അറസ്റ്റിലായിരിക്കുന്നത്.

വീട്ടിൽ അതിക്രമിച്ച് കടന്നതിന്റെ ഒരു തെളിവുകളും ലഭിച്ചിട്ടില്ലെന്ന് പോലീസ് വ്യക്തമാക്കി. അതിനാൽ തന്നെ കവർച്ചാശ്രമത്തിനുള്ള സാധ്യത തള്ളിക്കളഞ്ഞു. മോണിക്ക ശര്‍മ്മയുടെ കോൾ വിശദാംശങ്ങൾ പരിശോധിച്ചപ്പോൾ കുമാറുമായി ബന്ധമുണ്ടെന്ന് പോലീസിന് മനസ്സിലായി.

പിന്നീട്, ടെക്നിക്കൽ നിരീക്ഷണത്തിന്റെ സഹായത്തോടെ പോലീസ് പ്രതിയെ കണ്ടെത്തുകയായിരുന്നു. പിന്നീട് നടത്തിയ ചോദ്യം ചെയ്യലിൽ പ്രതി കുറ്റം സമ്മതിച്ചു.

അഞ്ച് വര്‍ഷക്കാലമായി താനും 40 കാരിയായ മോണിക്ക ശര്‍മ്മയുമായി ബന്ധമുണ്ടായിരുന്നുവെന്ന് കണ്ടെത്തി. വാര്‍ത്താ ഏജൻസിയായ എഎൻഐയാണ് ഇത്തരത്തിൽ സംഭവം റിപ്പോർട്ട് ചെയ്തിരിക്കുന്നത്.

എന്നിരുന്നാലും, ഈ വർഷം ഫെബ്രുവരിയിൽ ഇവരുടെ ഭർത്താവ് മരിച്ചതിനെ തുടര്‍ന്ന് അവര്‍ ഇയാളുമായി അകന്ന് തുടങ്ങുകയായിരുന്നു. മോണിക്ക അവന്റെ ഫോൺ കോളുകളും സന്ദേശങ്ങളും എടുത്തിരുന്നില്ലെന്നും. ഇത് മറ്റൊരാളുമായി ബന്ധത്തിലായിരിക്കാമെന്ന് കുമാര്‍ സംശയിക്കാൻ തുടങ്ങുകയും ചെയ്തു. ഇതാണ് ഇത്തരത്തിൽ ഒരു കൃത്യം ചെയ്യാൻ പ്രേരിപ്പിച്ചത് എന്നും റിപ്പോര്‍ട്ട് ചെയ്യുന്നു.

കൊലക്കുറ്റം അടക്കം ചുമത്തിയതായും മാധ്യമങ്ങള്‍ റിപ്പോര്‍ട്ട് ചെയ്യുന്നു. ഇയാളെ പിന്നീട് ജുഡീഷ്യൽ കസ്റ്റഡിയിൽ വിട്ടു. മോണിക്കയ്ക്ക് രണ്ട് കുട്ടികളുമുണ്ട്.