അവർക്കുമുണ്ട് സ്ഥിരതയും വിശ്വാസ്യതയുമുള്ള ബന്ധങ്ങൾ; സ്വവർഗദമ്പതികളുടെ വിവാഹം സുപ്രീം കോടതി അംഗീകരിക്കുമോ?

സമൂഹത്തിലെ മാറ്റങ്ങൾക്ക് അനുസരിച്ച് നിയമങ്ങളിലും മാറ്റങ്ങൾ വരേണ്ടതുണ്ടെന്ന് കോടതി ചൂണ്ടിക്കാട്ടി. വിവാഹത്തിൽ മതപരമായ വിലക്കുകൾ വേണ്ടെന്ന ചിന്തയിലാണ് സ്പെഷ്യൽ മാരിയേജ് ആക്ട് നിലവിൽ വന്നത്. 2018ൽ സ്വവർഗലൈംഗികത നിയമവിധേയമാക്കിയപ്പോഴും ഒരേ ലിംഗത്തിൽപ്പെട്ടവർക്ക് പരസ്പരസമ്മതത്തോടെ ഒരുമിച്ചു കഴിയാമെന്നു മാത്രമല്ല, അവർക്ക് സ്ഥിരതയുള്ള പ്രണയബന്ധങ്ങൾ ഉണ്ടാകാമെന്നും കോടതിയ്ക്ക് ബോധ്യപ്പെട്ടതുകൊണ്ടാണ്. നിലവിലെ സാഹചര്യത്തിൽ വിവാഹമെന്ന സങ്കൽപത്തിൽ പൊളിച്ചെഴുത്തുകൾ വേണ്ടിവന്നക്കുമെന്നും കോടതി ചൂണ്ടിക്കാട്ടി. വിവാഹം നടക്കണമെങ്കിലും രണ്ട് പങ്കാളികളും വ്യത്യസ്തലിംഗത്തിൽപ്പെട്ടവരാകണം എന്ന് ചിന്തിക്കാൻ തക്ക പുരോഗതി നിയമത്തിൽ ഉണ്ടായിട്ടുണ്ടെന്നും ചീഫ് ജസ്റ്റിസ് പറഞ്ഞു. ഈ സാഹചര്യത്തിൽ സ്പെഷ്യൽ മാരിയേജ് ആക്ടിൽ കൂടുതൽ മാറ്റങ്ങൾക്കായിരിക്കും സുപ്രീം കോടതി ശ്രമിക്കുക.

സ്പെഷ്യൽ മാരിയേജ് ആക്ട് വഴി തയ്യറാക്കപ്പെട്ട ചട്ടക്കൂടിൽ സ്വവർഗദമ്പതികൾക്കും ഇടമുണ്ടെന്നും എല്ലാ പൗരന്മാർക്കും ഭരണഘടന തുല്യനീതി ഉറപ്പുവരുത്തുന്നുണ്ടെന്നും സുപ്രീം കോടതി നിരീക്ഷിച്ചു.

Kochi Water Metro Ticket Price: മിനിമം 20 രൂപ, വൈറ്റിലയിൽ നിന്ന് കാക്കനാടേക്ക് 25 മിനിറ്റ്; കേരളത്തിന്‍റെ സ്വപ്ന പദ്ധതി, വാട്ടർ മെട്രോ സർവീസിനെക്കുറിച്ചറിയാം

അതേസമയം, സ്വവ‍ർഗവിവാഹത്തിന് നിയമസാധുത നൽകരുതെന്നായിരുന്നു മുൻദിവസങ്ങളിൽ കേന്ദ്രസർക്കാർ കോടതിയോട് ആവശ്യപ്പെട്ടത്. അനുമതി നൽകിയാൽ ദൂരവ്യാപക പ്രത്യാഘാതം ഉണ്ടാകുമെന്നാണ് കേന്ദ്രത്തിൻ്റെ നിലപാട്. നഗരങ്ങളിലെ വരേണ്യവ‍ർഗത്തിൻ്റെ മാത്രം ആവശ്യമാണ് ഇതെന്നും കേന്ദ്ര, സംസ്ഥാനങ്ങൾക്ക് തുല്യ അധികാരമുള്ള വിവാഹനിയമത്തിൽ കോടതിയ്ക്ക് ഇടപെടാൻ കഴിയില്ലെന്നും കേന്ദ്രം വാദിച്ചിരുന്നു. സ്വവ‍ർഗ ദമ്പതികൾ കുട്ടികളെ ദത്തെടുക്കുന്നതു വിലക്കി ബാലാവകാശ കമ്മീഷനും കോടതിയെ സമീപിച്ചു. എന്നാൽ സ്വവ‍ർവിവാഹത്തിന് നിയമസാധുത ആവശ്യപ്പെട്ട് കോടതിയിൽ സമ‍ർപ്പിക്കപ്പെട്ട ഹ‍ർജികൾ നിയമവിരുദ്ധമാണെന്നും നിയമനിർമാണത്തിനുള്ള അവകാശം പാർലമെന്റിനാണെന്നുമുള്ള കേന്ദ്രത്തിൻ്റെ വാദം കഴിഞ്ഞ ദിവസം കോടതി തള്ളിയിരുന്നു.

വന്ദേ ഭാരതിന് ഷൊർണൂരിലും സ്റ്റോപ്പ്, പുതിയ സമയക്രമം പ്രഖ്യാപിച്ചു, വ്യാഴാഴ്ച സർവ്വീസ് ഇല്ല