നിലവിൽ ആറുവരി പ്രധാനറോഡും ഇരുവശത്തും സ‍ർവീസ് റോഡുകളുമായി വികസിപ്പിക്കുന്ന ദേശീയപാത 66ന് തിരുവനന്തപുരം മുതൽ കാസർകോട് വരെ 556 കിലോമീറ്റർ ദൂരമുണ്ട്. പുതുതായി വികസിപ്പിക്കുന്ന പല ദേശീയപാതകളിലും കാറുകൾക്ക് മണിക്കൂറിൽ 100 കിലോമീറ്ററാണ് പരമാവധി വേഗത. ബസുകൾക്ക് 90 കിലോമീറ്റർ വരെയും വേഗത അനുവദിക്കും. പ്രധാന ടൗണുകളെല്ലാം ഒഴിവാക്കി ബൈപ്പാസുകളിലൂടെയാണ് ദേശീയപാത കടന്നുപോകുന്നത്. സിഗ്നലുകളുടെ എണ്ണവും തീരെ കുറവാണ്. ഈ സാഹചര്യത്തിൽ ശരാശരി 70 കിലോമീറ്റർ വേഗതയിൽ സഞ്ചരിച്ചാൽ പോലും എട്ട് മണിക്കൂർ കൊണ്ട് തിരുവനന്തപുരത്തുനിന്ന് കാസർകോടെത്താനാകും. വന്ദേ ഭാരത് ട്രെയിനിൻ്റെയും നിലവിലെ ഓപ്പറേറ്റിങ് സ്പീഡ് ഇതുതന്നെയാണ്. നിലവിൽ വന്ദേ ഭാരത് ട്രെയിനിൻ്റെ ചെയർകാർ ടിക്കറ്റ് നിരക്കിലും താഴെ പല സ്വകാര്യ ഓപ്പറേറ്റർമാരും സെമി സ്ലീപ്പർ ബസ് ടിക്കറ്റുകൾ നൽകുന്നുണ്ട്. വന്ദേ ഭാരത് എക്സ്പ്രസിന് ടിക്കറ്റ് കിട്ടിയില്ലെങ്കിലും ദീർഘദൂര ബസുകളും ഇതേ നിലവാരത്തിൽ ഇതേ വേഗത്തിൽ യാത്രയൊരുക്കും എന്നു സാരം.
വോഗ് മാഗസിൻ കവറായ 106-കാരി | Apo Whang-od | Did you know
നിലവിൽ കേരളത്തിലെ ട്രാക്കുകളിൽ ഒരിടത്തും ട്രെയിനുകൾക്ക് 110 കിലോമീറ്ററിലധികം വേഗത്തിൽ സഞ്ചരിക്കാൻ അനുമതിയില്ല. പരമാവധി വേഗം പടിപടിയായി വർധിപ്പിക്കാനാണ് റെയിൽവേ പദ്ധതിയിട്ടുന്നത്. ഇക്കാര്യം കേന്ദ്രസർക്കാരിൻ്റെ സജീവപരിഗണനയിലുണ്ട്. എന്നാൽ തെക്കൻ കേരളത്തിലും മധ്യകേരളത്തിലും ഇക്കാര്യത്തിൽ വലിയ പുരോഗതിയുണ്ടാക്കുക ദുഷ്കരമാണ്. ജനസാന്ദ്രതയേറിയ പ്രദേശങ്ങളിൽ പുതുതായി ഭൂമിയേറ്റെടുത്താൽ മാത്രമേ നിലവിലെ ട്രാക്കുകളുടെ വളവുകൾ നിവർത്താനാകൂ. ഇതിനായി വേണ്ടിവരുന്ന കാലതാമസം എത്രയെന്നും വ്യക്തതയില്ല. എന്നാൽ 2025 അവസാനത്തോടു കൂടി കേരളത്തിൽ തിരുവനന്തപുരം മുതൽ കാസർകോട് വരെ ആറുവരിപ്പാത യാഥാർഥ്യമാകുമെന്ന് ഏകദേശം ഉറപ്പായിട്ടുണ്ട്. ഇതിനു പുറമെ ഗ്രീൻഫീൽഡ് പാതകൾ അടക്കം മറ്റു ദേശീയപാതകളും നിർമാണഘട്ടത്തിലോ പദ്ധതിഘട്ടത്തിലോ ഉണ്ടെന്നതും ശ്രദ്ധേയമാണ്. ചുരുക്കത്തിൽ കേരളത്തിൽ റെയിൽവേ ട്രാക്ക് വികസനത്തിൽ വലിയ പുരോഗതിയുണ്ടാകുന്നതിനു മുൻപു തന്നെ സംസ്ഥാനത്തെ റോഡ് ശൃംഖലയിൽ വലിയ വികസനമുണ്ടാകും. ഇലക്ട്രിക് ബസുകൾ ഉപയോഗിച്ചുള്ള സർവീസുകൾക്ക് മലിനീകരണം അടക്കമുള്ള പ്രശ്നങ്ങളും കുറവാണ്.
Vande Bharat Ticket Booking: കേരള വന്ദേഭാരത് ടിക്കറ്റ് ബുക്കിങ് ആരംഭിച്ചു; കാസർകോട്ടേക്ക് 1590 രൂപ: നിരക്കുകൾ വിശദമായി അറിയാം
കെ-റെയിൽ ചർച്ച സജീവം
അതേസമയം, വന്ദേ ഭാരത് പരീക്ഷണയോട്ടങ്ങൾക്ക് പിന്നാലെ കെ-റെയിൽ സിൽവർലൈൻ പദ്ധതി സംബന്ധിച്ച ചർച്ചകളും വീണ്ടും ചൂടുപിടിച്ചിട്ടുണ്ട്. പദ്ധതിയ്ക്കെതിര പ്രതിപക്ഷം സമരം കടുപ്പിച്ച പശ്ചാത്തലത്തിൽ സിൽവർലൈനിനുള്ള അന്തിമ അനുമതി വൈകിയിരുന്നു. എന്നാൽ പദ്ധതി അടഞ്ഞ അധ്യായമല്ലെന്നും മുഖ്യമന്ത്രിയുമായി വീണ്ടും ചർച്ച നടത്തുമെന്നുമാണ് റെയിൽവേ മന്ത്രി അശ്വിനി വൈഷ്ണവ് വ്യക്തമാക്കിയത്. കേന്ദ്ര റെയിൽവേ മന്ത്രാലയത്തിനും സംസ്ഥാന സർക്കാരിനും തുല്യപങ്കാളിത്തമാണ് കെ-റെയിലിലുള്ളത്. ഈ സാഹചര്യത്തിൽ ഡിപിആറിൽ അടക്കം വ്യക്തത വരുത്തിയാൽ സിൽവർലൈനിന് കേന്ദ്രാനുമതി ലഭിക്കാനുള്ള സാധ്യതയേറെയാണ്. മണിക്കൂറിൽ പരമാവധി 200 കിലോമീറ്റർ വരെ വേഗതയാർജിക്കുന്ന ട്രെയിനുകളാണ് പുതിയ ഗ്രീൻഫീൽഡ് സ്റ്റാൻഡേഡ് ഗേജ് ട്രാക്കിലൂടെ ഓടുക. സിൽവർലൈൻ യാഥാർഥ്യമായാൽ തിരുവനന്തപുരം മുതൽ കാസർകോട് വരെയുള്ള യാത്ര നാലുമണിക്കൂർ പൂർത്തിയാകുമെന്നാണ് പ്രതീക്ഷ.
അവർ പതിവ് തെറ്റിച്ചില്ല, പള്ളിവാളുമേന്തി വെളിച്ചപ്പാടുകൾ പള്ളിമുറ്റത്ത്, മതസൗഹാർദ്ദ പെരുമയുമായി മഞ്ചേശ്വരം
