അഴിമതിക്കെതിരെ നടപടി; മന്ത്രി കെ രാധാകൃഷ്ണനെതിരെ ഭീഷണി

തിരുവനന്തപുരം: പട്ടികജാതി വകുപ്പിലെ അഴിമതി അന്വേഷിക്കാൻ നടപടി എടുത്തതിന് പിന്നാലെ തനിക്കെതിരെ ഭീഷണി വന്നെന്ന് മന്ത്രി കെ രാധാകൃഷ്ണൻ. ഫോണിൽ വിളിച്ചാണ് ഭീഷണിപ്പെടുത്തിയതെന്ന് വട്ടികജാതി വികസന ഡയറക്ടറേറ്റിലെ ഇ- ഓഫീസ് സംവിധാനം ഉദ്ഘാടനം ചെയ്യവെയാണ് മന്ത്രി വെളിപ്പെടുത്തിയത്. ലാന്‍ഡ് ഫോണിലാണില്‍ വിളിച്ചാണ് മന്ത്രിക്കെതിരെ ഭീഷണി മുഴക്കിയതെന്ന് വിവിധ മാധ്യമങ്ങളും റിപ്പോർട്ട് ചെയ്തു.

പട്ടികജാതി ഫണ്ട് തിരിമറിയുമായി ബന്ധപ്പെട്ട അന്വേഷണത്തിന്‍റെ പശ്ചാത്തലത്തിലാണ് ഭീഷണിയെന്നാണ് റിപ്പോർട്ട്. മോശം കാര്യങ്ങൾ തടയാൻ തുടങ്ങിയതോടെ എതിർപ്പുകൾ ശക്തമാകുകയാണെന്നും ഒരു ഇടനിലക്കാരൻ ഓഫീസിൽ വിളിച്ച് ഭീഷണിപ്പെടുത്തിയെന്നും മന്ത്രി പറഞ്ഞു.

Also Read : ചേരിതിരിഞ്ഞ് കേരളാ കോൺഗ്രസ് നേതാക്കൾ; പിളർപ്പ് ഒഴിവാക്കാൻ അവസാന വഴി; നിർണായക പ്രഖ്യാപനവുമായി പിജെ ജോസഫ്



നടപടികള്‍ തുടങ്ങിയതിന് പിന്നാലെ തന്നെ ഭീഷണി ഉണ്ടെന്ന് കഴിഞ്ഞ ദിവസവും മന്ത്രി പറഞ്ഞിരുന്നു. അതിനു പിന്നാലെയാണ് ഫോണില്‍ വിളിച്ചു വധഭീഷണി ഉണ്ടായതെന്ന് മന്ത്രി തന്നെ വെളിപ്പെടുത്തിയത്. വിഷയത്തില്‍ പരാതി നല്‍കുമെന്ന് മന്ത്രിയുടെ ഓഫീസ് വ്യക്തമാക്കിയിട്ടുണ്ട്. കാച്ചാണി അജിത് എന്നയാളാണ് കഴിഞ്ഞ ദിവസം മന്ത്രിയുടെ ഓഫീസിലേക്ക് വിളിച്ച് ഭീഷണിപ്പെടുത്തിയതെന്നാണ് റിപ്പോർട്ട്. മൂന്നോ നാലോ തവണ ഇയാൾ ഓഫീസിലേക്ക് വിളിച്ച് ഭീഷണിപ്പെടുത്തിയെന്ന് മന്ത്രിയുടെ ഓഫീസ് സ്ഥിരീകരിച്ചിട്ടുണ്ട്.

കടകള്‍ രാത്രി എട്ട് വരെ തുറക്കാം; ലോക്ഡൗണിന് കൂടുതൽ ഇളവുകള്‍

തെറ്റ് ചെയ്തവരെയും അഴിമതിക്കാരെയും സംരക്ഷിക്കില്ലെന്നും മന്ത്രി കെ രാധാകൃഷ്ണൻ വ്യക്തമാക്കി. ഭീഷണികൊണ്ടു പിന്തിരിയില്ല. മാന്യമായി പ്രവര്‍ത്തിക്കുന്നവരെ സര്‍ക്കാര്‍ പിന്തുണയ്ക്കും. കയ്യിട്ട് വാരുന്ന മാനസികാവസ്ഥയുള്ള ഉദ്യോഗസ്ഥരെ അത്തരത്തില്‍ നേരിടുമെന്നും മന്ത്രി പറഞ്ഞു. നല്ല കാര്യങ്ങള്‍ ചെയ്യാന്‍ ഉദ്യോഗസ്ഥര്‍ ശ്രമിക്കണം. തെറ്റായ കാര്യങ്ങള്‍ ചെയ്യുന്നവരെ വച്ചു പൊറുപ്പിക്കില്ല. പട്ടികജാതി, പട്ടികവര്‍ഗങ്ങള്‍ക്കുള്ള സഹായങ്ങളില്‍ കൈയിട്ടു വാരുന്ന ഉദ്യോഗസ്ഥര്‍ക്കെതിരെ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു.