വീട് മുഴുവന്‍ നിങ്ങളുടെ മുടി വീണ് പൊറുതി മുട്ടിയോ? പരിഹാരം ദാ ഇവിടെയുണ്ട്

റൂമില്‍ ചെന്നാലും അടുക്കളയില്‍ പോയാലും എന്തിന് ബാത്ത്‌റൂമില്‍ വരെ മുടി കൊഴിഞ്ഞ് കിടക്കുന്നത് കാണുമ്പോള്‍ ആരുടെ ആയാലും നെഞ്ചൊന്ന് പിടയ്ക്കും. ഇത്തരത്തില്‍ അമിതമായി മുടി കൊഴിയുന്നത് മുടിയുടെ ഉള്ള് കുറയ്ക്കുന്ന പ്രധാന കാരണമാണ്. ഇത് മാത്രമല്ല, ചിലര്‍ക്ക് കഷണ്ടി വന്ന് തുടങ്ങാനും ആരംഭിക്കും. അത് സ്ത്രീകളിലും പുരുഷന്മാരിലും ഇതേ പ്രശ്‌നം കണ്ട് വരുന്നുണ്ട്.

മുടി കൊഴിച്ചിലിന്റെ ലക്ഷണങ്ങള്‍

തലയുടെ നെറുകയില്‍ നിന്നും മുടി കൊഴിയുന്നത്.
ചില സ്ഥലത്ത് അമിതമായി മുടി പോയിരിക്കുന്നത്.
പെട്ടെന്ന് അമിതമായി മുടി കൊഴിയുന്നത്.
മുടിയുടെ ഉള്ള് കുറയുന്നത്.
തലയിണയില്‍ എല്ലാം അമിതമായി മുടി കാണപ്പെടുന്നത്.
കണ്‍പീലി, പുരികം, ശരീരത്തിലെ മുടി എന്നിവയെല്ലാം കൊഴിയുന്നത്.
മുടി കൊഴിഞ്ഞ ഭാഗത്ത് ചൊറിച്ചില്‍.

മുടി കൊഴിച്ചിലിന് കാരണങ്ങള്‍

പാരമ്പര്യമായി മുടി കൊഴിച്ചില്‍ ഉണ്ടെങ്കില്‍ അത് നിങ്ങളെ ബാധിക്കാം.
പ്രായം കൂടുംതോറും മുടി കൊഴിഞ്ഞ് തുടങ്ങും.
അലോപേഷ്യ പോലെയുള്ള അസുഖമുള്ളവരില്‍ മുടി കൊഴിച്ചില്‍ വരുന്നു.
കാന്‍സറിന് ട്രീറ്റ്‌മെന്റ് എടുക്കുന്നവരില്‍ മുടി കൊഴിയും.
എന്തെങ്കിലും അസുഖം വന്നാല്‍ മുടി കൊഴിയും.
പ്രസവത്തിന് ശേഷം മുടി കൊഴിയും.
ഹെയര്‍ കെയര്‍ ചെയ്തില്ലെങ്കില്‍ മുടി കൊഴിയും.
ഹോര്‍മോണ്‍ വ്യതിയാനങ്ങള്‍ മുടി കൊഴിച്ചിലിന് കാരണമാണ്.
ചില മരുന്നുകള്‍ കഴിക്കുമ്പോള്‍ മുടി കൊഴിയും.
പോഷക സമ്പന്നമായ ആഹാരം കഴിക്കാത്തത് മുടി കൊഴിച്ചിലിന് കാരണമാണ്.
അയേണ്‍ പ്രോട്ടീന്‍, സിങ്ക് എന്നിവയുടെ അഭാവം മുടി കൊഴിച്ചിലിന് കാരണമാണ്.

വീട്ടിലെ പരിഹാരം

ആരോഗ്യപ്രശ്‌നങ്ങളും ഹോര്‍മോണ്‍ വ്യതിയാനം മൂലം അല്ലാതെ ഉണ്ടാകുന്ന മുടി കൊഴിച്ചില്‍ വീട്ടില്‍ തന്നെ നിയന്ത്രിക്കാവുന്നതാണ്. ഇതിന് പ്രധാനമായും വേണ്ടത് മുട്ടയുടെ വെള്ള, ഫ്‌ലാക്സ്സീഡ്‌സ്, കറ്റാര്‍വാഴ ജെല്‍, വിറ്റമിന്‍ ഇ ഓയില്‍ എന്നിവയാണ്.

ഇത് ആഴ്ച്ചയില്‍ രണ്ട് മൂന്ന് വട്ടം ഉപയോഗിച്ചാല്‍ തന്നെ നിങ്ങളുടെ മുടിയ്ക്ക് നല്ല ബലം ലഭിക്കുന്നതാണ്. മുടി കൊഴിച്ചില്‍ കുറയ്ക്കാനും മുടി നല്ലപോലെ വളരുന്നതിനും ഇത് സഹായിക്കുന്നു.

Also Read:മുടി കൊഴിഞ്ഞ് കഷണ്ടി കയറിത്തുടങ്ങിയ ഭാഗത്ത് ഇത് ഒന്ന് അടുപ്പിച്ച് പുരട്ടൂ