ദുബായിൽ മലയാളിയുടെ മരണത്തിനിടയാക്കിയ ബോട്ടപകടം; കാരണം പുറത്തുവിട്ട് പൊലീസ്

ദുബായ്: ദുബായിലെ ഖോർഫക്കാനിൽ ബോട്ടപകടത്തിൽപ്പെട്ട് കഴിഞ്ഞ ദിവസം മലയാളി മരിച്ച സംഭവത്തിൽ കൂടുതൽ വെളിപ്പെടുത്തലുമായി ദുബായ് പോലീസ് രംഗത്ത്. 16 പേരെ തീരദേശസുരക്ഷാ സേനയുടെ സഹായത്തോടെ ഷാർജ പൊലീസ് പ്രത്യേക സംഘം സ്ഥലത്തെത്തിയാണ് ബോട്ടിലുണ്ടായിരുന്നു മറ്റുള്ളവരെ രക്ഷിച്ചത്. പെരുന്നാൾ ആഘോഷത്തിനിടെയാണ് ബോട്ട് മറിഞ്ഞത്.

കാരണം പുറത്തുവിട്ട് പോലീസ്

ഷാർജയിലെ സ്വകാര്യ കമ്പനിയിൽ ഏഴ് വർഷമായി ഹെൽപ്പറായി ജോലി ചെയ്യുകയായിരുന്നു അഭിലാഷ്. സഹപ്രവർത്തകർക്കൊപ്പം പെരുന്നാൾ അവധി ആഘോഷിക്കാൻ വേണ്ടിയായിരുന്നു ഖോർഫക്കാനിലെത്തിയത്. പരുക്കേറ്റ മറ്റ് രണ്ടുപേരും അഭിലാഷിന്റെ കൂടെ ജോലി ചെയ്യുന്നവർ ആണ്. ഇന്നലെയാണ് അപകടത്തിന്റെ കാരണം പോലീസ് പുറത്തുവിട്ടത്. നിയമലംഘനമാണ് ബോട്ട് മറിയാൻ കാരണമെന്ന് പ്രാഥമിക അന്വേഷണത്തിൽ പോലീസ് കണ്ടെത്തിയിരിക്കുന്നത്. അപകടത്തിന് കാരണക്കാരയവരെ മറ്റു നടപടികൾക്കായി പോലീസ് ബന്ധപ്പെട്ടവർക്ക് കെെമാറിയിട്ടുണ്ട്.

അപകടത്തിൽ പരിക്കേറ്റവരെ ആശുപത്രിയിൽ എത്തിച്ചു

വെള്ളിയാഴ്ച ഉച്ചകഴിഞ്ഞ് 3.40 ആണ് ഇവർ യാത്ര പുറപ്പെട്ടത്. ബോട്ട് മറിഞ്ഞു. അതിൽ ഉണ്ടായിരുന്നവർ കടലിൽ അകപ്പെട്ടു എന്ന വിവരം ആണ് ഓപറേഷൻസ് റൂമിൽ ലഭിക്കുന്നത്. റീജണൽ പൊലീസ് വിഭാഗം ഡയറക്ടർ കേണൽ ഡോ. അലി അൽ കായ് അൽ ഹമൂദി ആണ് ഇക്കര്യം അറിയിച്ചത്. റെസ്ക്യൂ ടീമുകൾ, ദേശീയ ആംബുലൻസ്, പൊലീസ് പട്രോളിങ് എന്നിവർ ഉൾപ്പെട്ട സംഘം ഉടൻ തന്നെ തീരത്ത് എത്തി രക്ഷാപ്രവർത്തനങ്ങൾ തുടങ്ങി. കടലിൽവീണ എല്ലാ യാത്രക്കാരെയും കരക്കെത്തിച്ചു. അപകടത്തിൽ പരിക്കേറ്റവരെ ഉടൻ തന്നെ ആശുപത്രിയിൽ എത്തിച്ചു.

ജോലിക്കെത്താത്ത പൗരൻമാരെ കൊണ്ട് പുലിവാല് പിടിച്ച് വിദേശികൾ

സുരക്ഷ നടപടികൾ പാലിക്കുക

തീരദേശ സുരക്ഷാ സൈന്യത്തിന്റെ സഹകരണത്തോടെയാണ് അപകടത്തിൽപ്പെട്ടവരെ കരക്കെത്തിച്ചത്. ഉടൻ തന്നെ എല്ലാവർക്കും പ്രാഥമിക ചികിത്സ നൽകി. പരിക്കേറ്റവരെ ഉടൻ തന്നെ ആശുപത്രിയിൽ എത്തിച്ചു. സുരക്ഷ നടപടികൾ പാലിക്കുക, , ജാഗ്രതയോടെ ബോട്ട് ഓടിക്കുക, യാത്രക്കാർ നിർബന്ധമായും ജാക്കറ്റ് ധരിക്കുക എന്നീ കാര്യങ്ങൾ എല്ലാം ശ്രദ്ധക്കിണം എന്ന് അൽ ഹമൂദി ഉല്ലാസ ബോട്ട് കമ്പനികളോട് അധികൃതർ ആവശ്യപ്പെട്ടിട്ടുണ്ട്.