നെല്ലിക്ക
മുടി അഴകിന് ഏറ്റവും പ്രധാനമായി ആവശ്യമുള്ള ഒന്നാണ് നെല്ലിക്ക. ധാരാളം വൈറ്റമിനുകളും ആൻ്റി ഓക്സിഡൻ്റുകളും അടങ്ങിയതാണ് നെല്ലിക്ക. മുടിയുടെ ആരോഗ്യത്തിന് ഏറെ ആവശ്യമുള്ള ഘടകങ്ങളാണ് നെല്ലിക്കയിൽ അടങ്ങിയിട്ടുള്ളത്. പ്രകൃതിദത്തമായ രീതിയിൽ മുടി വളരാനും അതുപോലെ മുടിയുടെ സ്വാഭാവിക നിറം നിലനിർത്താനും നെല്ലിക്ക വളരെയധികം സഹായിക്കും. നരച്ച മുടി പാർശ്വഫലങ്ങളില്ലാതെ എളുപ്പത്തിൽ കറുപ്പിച്ച് എടുക്കാൻ നെല്ലിക്ക സഹായിക്കും. അത് മാത്രമല്ല ആരോഗ്യവും ഉള്ളും ഉള്ള മുടി ലഭിക്കാനും ഇത് നല്ലതാണ്.
മുടി സംരക്ഷണം:
സിൽക്കി ഹെയറിനു വേണം ഈ പരിചരണം
മൈലാഞ്ചി
മുടി കറുപ്പിക്കാൻ ഏറ്റവും പ്രധാനമായി ആവശ്യമുള്ളതാണ് മൈലാഞ്ചി. മൈലാഞ്ചിയുടെ ഇല മുടിയ്ക്ക് നിറം നൽകാൻ ഏറെ മികച്ചതാണ്. നരച്ച മുടി മാറ്റാനും മുടി നല്ല ആരോഗ്യത്തോടെ വളരാനും ഇത് ഏറെ മികച്ചതാണ്. രാസ വസ്തുക്കൾ ഉപയോഗിക്കാതെ പ്രകൃതിദത്തമായ രീതിയിൽ നല്ല നിറം മുടിക്ക് നൽകാൻ മൈലാഞ്ചിക്ക് കഴിയും.
മൈലാഞ്ചിയുടെ ഇല ഉണക്കിയതോ അല്ലെങ്കിൽ മൈലാഞ്ചി പൊടിയോ ഈ കൂട്ട് തയാറാക്കാൻ ഉപയോഗിക്കാം. യാതൊരു പാർശ്വഫലങ്ങളുമില്ലാതെ എളുപ്പത്തിൽ മുടി കറുപ്പിക്കാൻ സഹായിക്കുന്നതാണ് മൈലാഞ്ചി.
പനികൂർക്ക
നിരവധി ഔഷധ ഗുണങ്ങളുള്ള സസ്യമാണ് പനികൂർക്ക. വീട്ടിൽ ആർക്കെങ്കിലും പനി വന്നാൽ ആദ്യം പറമ്പിൽ പോയി പനികൂർക്കയുടെ ഇല പറിച്ചിട്ട് വെള്ളം തിളപ്പിച്ച് ആവി പിടിക്കാറാണ് പലരുടെയും പതിവ രീതി. പനി, ജലദോഷം, ചുമ എന്നിവയ്ക്കെല്ലാം ഉള്ള പരിഹാര മാ‌ർഗമാണ് മാറാൻ ഏറ്റവും നല്ല ഒറ്റമൂലിയാണിത്. പറമ്പുകളിൽ വളരെ സ്വാഭാവികമായ കണ്ടു വരുന്ന പനികൂർക്ക മുടി കറുപ്പിക്കാൻ ഏറെ മികച്ചതാണ്. കേൾക്കുമ്പോൾ അത്ഭുതം തോന്നുമെങ്കിലും സംഗതി സത്യമാണ്. മുടിയുടെ അഴകിൻ്റെ കാര്യത്തിൽ പനികൂർക്കയ്ക്കുള്ള പങ്ക് വളരെ വലുതാണ്.
Also Read:വീട്ടിൽ പഴം ഉണ്ടെങ്കിൽ മുടി നല്ല അടിപൊളിയായിട്ട് തിളങ്ങും
തയാറാക്കുന്ന വിധം
മൈലാഞ്ചി ഇല നന്നായി കഴുകി വ്യത്തിയാക്കിയ ശേഷം ഉണക്കി എടുത്ത് വയ്ക്കുക. മൈലാഞ്ചി പൊടിയോ അല്ലെങ്കിൽ പച്ച ഇലയും ഈ കൂട്ടിനായി ഉപയോഗിക്കാം. അതിന് ശേഷം നെല്ലിക്ക, പനികൂർക്കയും ചേർത്ത് കുറച്ച് തേയില വെള്ളത്തിൽ ഇത് അരച്ച് എടുക്കാം. നല്ല കടുപ്പമുള്ള തേയില വെള്ളമായിരിക്കണം അരയ്ക്കാൻ ഉപയോഗിക്കേണ്ടത്.
ഉപയോഗിക്കുന്ന വിധം
ഇരുമ്പ് ചട്ടിയിലോ, ഗ്ലാസ് ബൗളിലോ, സ്റ്റീൽ പാത്രത്തിലോ അരച്ച് ഒരു രാത്രി മുഴുവൻ ഇത് വയ്ക്കുക. ഇരുമ്പിന്റെ ചട്ടിയാണ് ഇതിന് ഏറ്റവും അനുയോജ്യം. അടുത്ത ദിവസം രാവിലെ എടുത്ത് ഇത് മുടിയിൽ തേച്ച് പിടിപ്പിക്കാം. തേയ്ക്കുന്നതിന് മുൻപ് മുടിയിൽ എണ്ണമയമില്ലെന്ന് ഉറപ്പ് വരുത്തണം. നാല് മണിക്കൂറെങ്കിലും വച്ച ശേഷം കഴുകി കളയാം. ആഴ്ചയിൽ ഒന്നോ രണ്ടോ തവണ ഉപയോഗിച്ചാൽ മാത്രമേ ഇതിൻ്റെ ഫലം ലഭിക്കുകയുള്ളൂ. സാധാരണ വെള്ളത്തിലാണ് ഇത് കഴുകി കളയേണ്ടത്.
English Summary: Grey hair remedy
Disclaimer: പൊതു വിവരങ്ങളുടെ അടിസ്ഥാനത്തിലാണ് ഈ ലേഖനം തയാറാക്കിയിരിക്കുന്നത്. പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.
കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.
