നാല്‍പാമരാദി തൈലം
ചര്‍മ്മത്തിലെ കരുവാളിച്ച് മാറ്റി എടുക്കുന്നതിനും ചര്‍മ്മത്തിന് നല്ല നിറവും നല്‍കാന്‍ നാല്‍പാമരാദി തൈലം സഹായിക്കുന്നുണ്ട്. അതുപോലെ, ചര്‍മ്മത്തിന് യുവത്വം നിലനിര്‍ത്താനും ചര്‍മ്മം നല്ലപോലെ മോയ്‌സ്ച്വര്‍ ചെയ്ത് നിലനിര്‍ത്താനും ഇത് സഹായിക്കുന്നുണ്ട്.
സ്‌കാബീസ്, എക്‌സിമ പോലെയുള്ള ചര്‍മ്മരോഗങ്ങള്‍ക്ക് പരിഹാരം കൂടിയാണ് നാല്‍പാമരാദി തൈലം. ചിലര്‍ക്ക് രക്തദൂഷ്യം മൂലം ചര്‍മ്മത്തില്‍ അലര്‍ജി ഉണ്ടാകാറുണ്ട്. ഇത് മാറ്റാനും നാല്‍പാമരാദി തൈലം ഉപയോഗിക്കുന്നത് നല്ലതാണ്.
മഞ്ഞളും നെല്ലിക്കയുമെല്ലാം അതുപോലെ, നിരവധി ഔഷധങ്ങളും ചേര്‍ത്ത് തയ്യാറാക്കുന്ന ഈ എണ്ണ ചര്‍മ്മത്തിന്റെ മൊത്തത്തിലുള്ള ആരോഗ്യം നിലനിര്‍ത്താന്‍ സഹായിക്കുന്നുണ്ട്.
ഉപയോഗിക്കേണ്ട വിധം
ഇതിന്റെ തൈലം വാങ്ങി ഇത് ദേഹത്ത് നന്നായി തേച്ച് പിടിപ്പിച്ച് കുളിക്കാവുന്നതാണ്. അല്ലെങ്കില്‍ ഈ തൈലം കുറച്ച് തുള്ളി എടുത്ത് മുഖത്ത് നന്നായി തേച്ച് പിടിപ്പിച്ച് മസാജ് ചെയ്ത് കൊടുക്കുക. അതിന് ശേഷം കടലപ്പൊടി ഉപയോഗിച്ച് മുഖം കഴുകി കൊടുക്കാവുന്നതാണ്.
ഓയ്‌ലി സ്്കിന്‍ ഉള്ളവര്‍ ഇത് ഉപയോഗിക്കുമ്പോള്‍ കുറച്ച് ശ്രദ്ധ നല്‍കണം. കാരണം, ഇത് ചര്‍മ്മത്തെ ഓയ്‌ലി ആക്കുന്നതിനാല്‍ തന്നെ ചിലര്‍ക്ക് മുഖത്ത് കുരുക്കള്‍ പ്രത്യക്ഷപ്പെടാന്‍ സാധ്യത കൂടുതലാണ്.
രാമച്ചം
ചര്‍മ്മത്തെ നല്ലപോലെ മോയ്‌സ്ച്വര്‍ ചെയ്ത് നിലനിര്‍ത്തുന്നതിനും നല്ല ആരോഗ്യമുള്ള ചര്‍മ്മം നിലനിര്‍ത്തുന്നതിനും രാമച്ചം സഹായിക്കുന്നുണ്ട്. അതുപോലെ, ചര്‍മ്മത്തിന്റെ നാച്വറല്‍ ഗ്ലോ വീണ്ടെടുക്കുന്നതിനും ഇത് ഗുണം ചെയ്യുന്നു.
ചര്‍മ്മത്തിന്റെ പി എച്ച് ലെവല്‍ നിലനിര്‍ത്തിയാല്‍ മാത്രമാണ് മലിനീകരണത്തില്‍ നിന്നും അണുബാധകളില്‍ നിന്നുമെല്ലാം ചര്‍മ്മത്തെ സംരക്ഷിക്കാന്‍ സാധിക്കുകയുള്ളൂ. അതുപോലെ, ചര്‍മ്മത്തെ നല്ല ദൃഢമാക്കുകയും ചര്‍മ്മത്തിലെ ചുളിവുകളും പാടുകളും നീക്കം ചെയ്യുന്നതിനും ഇത് സഹായിക്കുന്നു.
മുഖത്തെ ബ്ലാക്ക് ഹെഡ്‌സ് നീക്കം ചെയ്യാനും വൈറ്റ് ഹെഡ്‌സ് കളയാനും ഇത് സഹായിക്കുന്നു. മുഖത്ത് കുരുക്കള്‍ പൊന്തുന്നത് ഇല്ലാതാക്കാനും ചര്‍മ്മത്തെ നല്ലപോലെ സോഫ്റ്റാക്കി നിലനിര്‍ത്താനും സഹായിക്കുന്നു.
ഉപയോഗിക്കേണ്ട വിധം
കുളിക്കുന്ന വെള്ളത്തില്‍ രാമച്ചം ഇട്ട് വെച്ച് ഇത് ഉപയോഗിച്ച് കുളിക്കാവുന്നതാണ്. അല്ലെങ്കില്‍ രാമച്ചം ഉപയോഗിച്ച് ദേഹം ഉരച്ച് കഴുകാന്‍ എടുക്കാവുന്നതാണ്. രാമച്ചം ഇട്ട് തിളപ്പിച്ച വെള്ളത്തില്‍ മുഖം കഴുകുന്നതും ചര്‍മ്മത്തിന് യുവത്വം നല്‍കാനും അതുപോലെ, റിഫ്രഷ്‌മെന്റ് നല്‍കുന്നതിനും സഹായിക്കുന്നുണ്ട്.
കുങ്കുമാദി തൈലം
ചര്‍മ്മത്തിലെ അലര്‍ജി ഒഴിവാക്കാനും ചര്‍മ്മത്തിന് നല്ല തിളക്കവും യുവത്വവും നല്‍കാനും കുങ്കുമാദി തൈലം നിങ്ങള്‍ക്ക് ഉപയോഗിക്കാവുന്നതാണ്. മറ്റ് തൈലങ്ങളെ അപേക്ഷിച്ച് ഇതിന് കുറച്ച് ചിലവ് കൂടുതലാണെങ്കിലും നല്ല ഫലം നല്‍കും.
ചര്‍മ്മത്തിലെ പിഗ്മെന്റേഷന്‍ മാറ്റാനും നല്ല നിറം വെക്കാനും ഇത് സഹായിക്കുന്നുണ്ട്. വരണ്ട ചര്‍മ്മം മൂലമുള്ള ബുദ്ധിമുട്ടുകള്‍ മാറ്റി എടുക്കാനും ഇത് സഹായിക്കുന്നുണ്ട്. അതുപോലെ, മുഖക്കുരുവും കറുത്ത പാടുകളും മാറ്റി എടുക്കാനും ഇത് സഹായിക്കുന്നു.
ഉപയോഗിക്കേണ്ട വിധം
രാത്രി കിടക്കുന്നതിന് മുന്‍പ് കുറച്ച് കുങ്കുമാദി തൈലം പുരട്ടി മസാജ് ചെയ്ത് കിടക്കാവുന്നതാണ്. പിറ്റേദിവസം മുഖം നന്നായി കഴുകി വൃത്തിയാക്കി എടുക്കാം. ഇത്തരത്തില്‍ രാത്രിയില്‍ പുരട്ടുന്നത് നല്ല ഫലം ലഭിക്കാന്‍ സഹായിക്കും.
ഒരു ദിവസം മാത്രം പുരട്ടിയാല്‍ നല്ല ഫലം ലഭിക്കുകയില്ല. ദിവസേന പുരട്ടാന്‍ ശ്രദ്ധിക്കണം. അതുപോലെ, നിങ്ങള്‍ക്ക് ഇവ പുരട്ടിയതിന് ശേഷം എന്തെങ്കിലും അലര്‍ജി പോലെ തോന്നിയാല്‍ ഉപയോഗം നിര്‍ത്താനും മറക്കരുത്.
Disclaimer:മേല്‍ പറഞ്ഞിരിക്കുന്നത് സൗന്ദര്യ- ചര്‍മ്മ സംരക്ഷണത്തിനായി ആയുര്‍വേദത്തില്‍ പറഞ്ഞിരിക്കുന്ന തൈലങ്ങളാണ്. ഇവ ഉപയോഗിക്കും മുന്‍പ് ഒരു ഡോക്‌റുടെ അഭിപ്രായം തേടി കൃത്യമായ അളവില്‍ ഉപയോഗിക്കാം.
English Summary: Ayurvedic oils for youthful skin
