നമ്മുടെ ശരീരത്തിലെ ഈ കൊളാജന്‍ എന്ന ഘടകം കുറയുമ്പോഴാണ് ചര്‍മത്തിന് കാര്യമായ തകരാറുകള്‍ സംഭവിയ്ക്കുന്നതും ചര്‍മത്തില്‍ പ്രായാധിക്യം തോന്നുന്നതും. ഇതിന് പരിഹാരമായി നമുക്ക് വീട്ടില്‍ തന്നെ ചെയ്യാവുന്ന കൊളാജന്‍ ചികിത്സകളുണ്ട്. ഇത്തരത്തിലെ ഒരു മിശ്രിതത്തെ കുറിച്ചറിയൂ.
കുക്കുമ്പര്‍
വീട്ടില്‍ തന്നെ തയ്യാറാക്കാവുന്ന ഈ മിശ്രിതത്തില്‍ 3 കൂട്ടുകളാണ് വേണ്ടത്. കുക്കുമ്പര്‍ അഥവാ ചെറുവെള്ളരി, ഫ്‌ളാക്‌സ് സീഡുകള്‍, വൈറ്റമിന്‍ ഇ ഓയില്‍ എന്നിവയാണ് ഇവ. കുക്കുമ്പര്‍ അഥവാ ചെറുവെള്ളരി പല സൗന്ദര്യ ഗുണങ്ങളും നല്‍കുന്ന ഒന്നാണ്.
ഇത് ചര്‍മത്തിന് ഈര്‍പ്പം നല്‍കുന്ന ഒന്നാണ്. ഇതിനാല്‍ തന്നെയും ചര്‍മത്തില്‍ ചുളിവുകളും വരകളും വീഴുന്നത് തടയാനും സഹായിക്കുന്നു. കണ്ണിനടിയിലെ കറുപ്പകറ്റാനും പിഗ്മെന്റേഷനുമെല്ലാം ഗുണം നല്‍കുന്ന ഒന്നാണ് കുക്കുമ്പര്‍.
കരുവാളിപ്പ് മാറാൻ ടിപ്സ്
സൂര്യപ്രകാശമേറ്റ് ചർമ്മത്തിനുണ്ടാകുന്ന കരുവാളിപ്പ് മാറാൻ ടിപ്സ്
ഫ്‌ളാക്‌സ് സീഡ് അഥവാ ചണവിത്ത്
ഇതില്‍ ചേര്‍ക്കുന്ന ഫ്‌ളാക്‌സ് സീഡ് അഥവാ ചണവിത്ത് വൈറ്റമിന്‍ ഇ സമ്പുഷ്ടമാണ്.ചണവിത്തിൽ അവശ്യ ഫാറ്റി ആസിഡുകൾ, ആന്റിഓക്‌സിഡന്റുകൾ, നാരുകൾ എന്നിവ അടങ്ങിയിട്ടുണ്ട്, മാത്രമല്ല ഇവ ചർമ്മത്തെ വളരെയധികം നനയ്ക്കുകയും പോഷിപ്പിക്കുകയും ചെയ്യുന്നു.
ഇതിൽ ആന്റിഓക്‌സിഡന്റുകളും ഒമേഗ 3 ഫാറ്റി ആസിഡുകളും ഉയർന്ന അളവിൽ അടങ്ങിയിട്ടുണ്ട്, ഇത് പാടുകൾ കുറയ്ക്കുകയും, ചർമ്മത്തെ കൂടുതൽ മിനുസമാർന്നതും തിളക്കമുള്ളതുമാക്കുകയും ചെയ്യുന്നു.കണ്ണിനടിയിലെ കറുപ്പകറ്റാനും ഇതേറെ നല്ലതാണ്.
വൈറ്റമിന്‍ ഇ ഓയില്‍
വൈറ്റമിന്‍ ഇ ഓയില്‍ സൗന്ദര്യ ഗുണങ്ങള്‍ക്ക് പേരു കേട്ട ഒന്നാണ്. പൊതുവേ വൈറ്റമിന്‍ ഇ കൊളാജന്‍ ഉല്‍പാദനത്തിന് ഏറെ അത്യാവശ്യവുമാണ്. ഇവിടെയാണ് ഇത് ഗുണം നല്‍കുന്നത്. ഇവ ചര്‍മകോശങ്ങള്‍ അയഞ്ഞു തൂങ്ങാതെയും ചര്‍മത്തില്‍ ചുളിവുകള്‍ വീഴാതെയും സഹായിക്കുന്നു.
കണ്‍തടത്തിലെ ചുളിവുകള്‍ നീക്കാനുള്ള പ്രധാനപ്പെട്ടൊരു വഴി കൂടിയാണിത്. ഡാര്‍ക് സര്‍ക്കിള്‍സിനുള്ള പ്രധാനപ്പെട്ടൊരു പരിഹാരമെന്നു വേണം, പറയുവാന്‍. സൂര്യന്റെ അള്‍ട്രാവയലറ്റ് രശ്മികളില്‍ നിന്നും ഇതു ചര്‍മത്തിനു സംരക്ഷണം നല്‍കുന്നു. കരുവാളിപ്പ് അകറ്റുന്നു. ഇതെല്ലാം തന്നെ ചര്‍മത്തിന് ഏറെ ഗുണകരമാകുന്നു. പ്രത്യേകിച്ചും വേനല്‍ക്കാലത്ത്‌
ഇത് തയ്യാറാക്കാന്‍
ഇത് തയ്യാറാക്കാന്‍ കുക്കുമ്പര്‍ എടുക്കുക.ഇത് കഴുകി ഗ്രേറ്റ് ചെയ്‌തെടുക്കാം. ഇത് പിഴിഞ്ഞ് ഇതിന്റെ നീരെടുക്കുക. ഫ്‌ളാക്‌സ് സീഡുകള്‍ അടുപ്പില്‍ വച്ച് തിളപ്പിച്ച് ജെല്‍ പരുവമാക്കാം. ഇതിലേയ്ക്ക് കുക്കുമ്പര്‍ നീര് ചേര്‍ത്തിളക്കാം. ഇതിലേയ്ക്ക് വൈറ്റമിന്‍ ഇ ഓയില്‍ ചേര്‍ക്കാം. വരണ്ട ചര്‍മമോ എണ്ണമയമുളള ചര്‍മമോ എന്നതിന് അനുസരിച്ച് പാകത്തിന് വൈറ്റമിന്‍ ഇ ഓയില്‍ ചേര്‍ത്തിളക്കാം. ഇത് ഫ്രിഡ്ജില്‍ വച്ച് സൂക്ഷിയ്ക്കാം.
