ഒരു കിലോ (1,017.9 ഗ്രാം) കഞ്ചാവ് കടത്തിയ സംഭവത്തിൽ 2014 ലാണ് തങ്കരാജു അറസ്റ്റിലായത്. 2017 ലാണ് കുറ്റക്കാരനെന്നു കണ്ടെത്തിയത്. കഞ്ചാവ് കടത്തിൻ്റെ ഗുഢാലോചനയിൽ തങ്കരാജുവിന് പങ്കുണ്ടെന്നായിരുന്നു അന്വേഷണ സംഘത്തിൻ്റെ കണ്ടെത്തൽ. സിംഗപ്പൂർ നിയമപ്രകാരം, വധശിക്ഷ ലഭിക്കാവുന്ന കഞ്ചാവിൻ്റെ അളവിൽ രണ്ടു മടങ്ങായിരുന്നു തങ്കരാജു ഉൾപ്പെട്ട കേസിൽ കണ്ടെത്തിയിരുന്നത്. 2018 ലാണ് തങ്കരാജുവിന് വധശിക്ഷ വിധിച്ചത്.
കിണറ്റിൽ വീണ വീട്ടമ്മക്ക് രക്ഷയായത് പൊതുപ്രവർത്തകന്റെ രക്ഷാദൗത്യം
തങ്കരാജു നിരപരാധിയാണെന്നും വധശിക്ഷയിൽ ഇളവ് അനുവദിക്കണമെന്നും ആവശ്യപ്പെട്ടു ഐക്യരാഷ്ട്ര സഭ അടക്കം രംഗത്തെത്തിയിരുന്നു. കഴിഞ്ഞദിവസം തങ്കരാജുവിൻ്റെ നിരപരാധിത്വം ചൂണ്ടിക്കാട്ടി ബ്രിട്ടീഷ് ശതകോടീശ്വരനും ജനീവയിലെ ഡ്രഗ് പോളിസി ഗ്ലോബൽ കമ്മീഷൻ അംഗവുമായ റിച്ചാർഡ് ബ്രാൻസൺ രംഗത്തെത്തിയിരുന്നു. ലഹരിമരുന്ന് പിടിക്കപ്പെടുന്ന സ്ഥലത്ത് തങ്കരാജു ഇല്ലായിരുന്നുവെന്നും നിരപരാധിയെയാണ് തൂക്കിലേറ്റാൻ പോകുന്നതെന്നുമായിരുന്നു അദ്ദേഹത്തിൻ്റെ പ്രതികരണം.
സുഡാൻ രക്ഷാദൗത്യം: ഓപ്പറേഷൻ കാവേരിക്ക് നേതൃത്വം നൽകാൻ വി മുരളീധരൻ ജിദ്ദയിൽ
അതേസമയം തങ്കരാജുവിന്റെ കുറ്റം സംശയാതീതമായി തെളിയിക്കപ്പെട്ടതാണെന്നായിരുന്നു സിംഗപ്പൂർ ആഭ്യന്തര മന്ത്രാലയം ചൂണ്ടിക്കാട്ടിയത്. അന്വേഷണസംഘം കണ്ടെത്തിയ രണ്ടു മൊബൈൽ നമ്പറുകൾ തങ്കരാജുവിൻ്റേതാണെന്നും ലഹരിമരുന്നിൻ്റെ വരവ് ഏകോപിപ്പിക്കാനാണ് ഇത് ഉപയോഗിച്ചിരുന്നതെന്നും മന്ത്രാലയം പറയുന്നു.
ഒന്നരക്കോടി രൂപ ഉണ്ടോ?, സ്കോട്ട്‍ലൻഡിലെ ഈ ദ്വീപ് സ്വന്തമാക്കാം
നേരത്തെ, വധശിക്ഷയിൽ ഇളവ് തേടി തങ്കരാജുവിൻ്റെ കുടുംബം ദയാഹർജി സമർപ്പിച്ചിരുന്നു. കേസിൽ വീണ്ടും വിചാരണ നടത്തണമെന്നും കുടുംബം അഭ്യർഥിച്ചിരുന്നു. കഴിഞ്ഞവർഷം മാർച്ച് മുതലാണ് സിംഗപ്പൂർ വധശിക്ഷ നടപ്പിലാക്കുന്നത് പുനരാരംഭിച്ചത്. ആറുമാസം മുമ്പും ഒരാളെ തൂക്കിലേറ്റിയിരുന്നു.
Read LatestWorld NewsandMalayalam News
