ആദ്യത്തെ ഒരാഴ്ച കഴിയുമ്പോൾ സിൽവർ ലൈനുമായി വന്ദേഭാരതിനെ താരതമ്യം ചെയ്യാൻ കഴിയുമോയെന്ന് യാത്രക്കാർ പറയുമെന്ന് സന്തോഷ് ജോർജ് കുളങ്ങര.
ഹൈലൈറ്റ്:
- വന്ദേഭാരത് ട്രെയിൻ ലോകോത്തര നിലവാരമുള്ളത്
- ഇന്ത്യൻ റെയിൽവേയെ പലപ്പോഴും വിമർശിച്ചിട്ടുണ്ട്
- ലോകനിലവാരത്തിലേക്ക് മാറുന്നുവെന്നതിന്റെ ആദ്യത്ത ചുവടുവെയ്പ്പ്
“ഇന്ത്യൻ റെയിൽവേയുടെ കാലത്തിനൊത്ത മാറ്റമില്ലായ്മയെ പലപ്പോഴും ഞാൻ വിമർശിച്ചിട്ടുണ്ട്. ഈ മാറ്റം എന്നെ സംബന്ധിച്ചിടത്തോളം സന്തോഷകമാണ്. അതിന്റെ ഭാഗമായാണ് വന്ദേഭാരതിന്റെ ആദ്യ യാത്രയിൽ ഞാൻ പങ്കാളിയായത്. ലോക നിലവാരമുള്ള എക്സ്പ്രസാണ് വന്ദേഭാരത്. ഞാൻ അതിൽ യാത്ര ചെയ്തിട്ടില്ല. ഞാൻ കണ്ട ദൃശ്യങ്ങളും യാത്ര ചെയ്ത ആളുകളുടെ അനുഭവങ്ങളും വെച്ചു നോക്കുമ്പോൾ അങ്ങനെയാണ് മനസിലാകുന്നത്. ലോക നിലവാരത്തിലേക്ക് ഇന്ത്യൻ റെയിൽവേ മാറുന്നുവെന്നതിന്റെ ആദ്യത്തെ ചുവടുവെയ്പ്പായിട്ടാണ് ഞാൻ ഇതിനെ കാണുന്നത്.”
വന്ദേ ഭാരതിനെ ബിജെപി പ്രചാരണായുധമാക്കുന്നത് തടയാൻ സിപിഎം
“സിൽവർലൈനുമായി വന്ദേഭാരതിനെ താരതമ്യം ചെയ്യാൻ കഴിയുമോയെന്ന് ആദ്യ ഒരാഴ്ച യാത്ര ചെയ്തു കഴിയുമ്പോൾ യാത്രക്കാർക്ക് പറയാൻ കഴിഞ്ഞേക്കും. വന്ദേഭാരതിലെ സൗകര്യങ്ങൾ സംബന്ധിച്ച് സിൽവർലൈനുമായി താരതമ്യം ചെയ്യാൻ കഴിഞ്ഞേക്കാം. വേഗതയുടെ കാര്യത്തിൽ കഴിയുമോയെന്ന് സംശയമുണ്ട്. നിലവിലുള്ള പാതകളുടെ പോരായ്മകൾ നമുക്ക് അറിയാമല്ലോ. സിൽവർ ലൈൻ മറ്റൊരു പാതയാണ്. അത് വേഗതയ്ക്കു വേണ്ടി മാത്രം വിഭാവനം ചെയ്തതാണ്. ഇനി വന്ദേഭാരതിന്റെ നിലവാരത്തിനു മുകളിലുള്ള കോച്ച് മാത്രമേ ഇന്ത്യൻ റെയിൽവേക്ക് നി‍ർമിക്കാൻ കഴിയൂ. അതിൽ താഴേക്കുള്ള ട്രെയിനിൽ യാത്ര ചെയ്യാൻ ആളുകൾ ആഗ്രഹിക്കുന്നില്ല.” സന്തോഷ് ജോർജ് കുളങ്ങര പറഞ്ഞു.
എറണാകുളം അതിരൂപതയെ വിഭജിക്കാൻ അനുവദിക്കില്ല, ഒരുതരി മണ്ണ് പോലും തരില്ലെന്ന് അൽമായ മുന്നേറ്റം
സിൽവർലൈൻ കേരളത്തിന് ആവശ്യമുള്ള പദ്ധതിയാണെന്ന് സന്തോഷ് ജോർജ് കുളങ്ങര നേരത്തെ വ്യക്തമാക്കിയിരുന്നു. ഇനിയുള്ള കാലം മനുഷ്യന്റെ സമയത്തിനാണ് വിലയുള്ളത്. അതുകൊണ്ട് കേരളത്തിന്റെ തെക്കേ അറ്റത്തു നിന്നും വടക്കേ അറ്റത്തു നിന്നും ആളുകളെ അവരുടെ ലക്ഷ്യ സ്ഥാനത്ത് വേഗത്തിൽ എത്തിക്കേണ്ടതുണ്ടെന്ന് സന്തോഷ് ജോർജ്ജ് കുളങ്ങരെ വ്യക്തമാക്കിയിരുന്നു.
കേരളത്തിന് 2 വന്ദേഭാരത് കൂടി; ഒരു ട്രെയിൻ ബെംഗളൂരുവിലേക്ക്; വന്ദേ മെട്രോ ആദ്യം വരുന്ന സംസ്ഥാനങ്ങളിൽ കേരളവും
അതേസമയം വന്ദേഭാരത് എക്സ്പ്രസിന് ഒമ്പത് സ്റ്റോപ്പുകളാണുള്ളത്. തിരുവനന്തപുരത്തു നിന്നും കാസർഗോഡ് എത്താൻ 8.05 മണിക്കൂറാണ് ആവശ്യം. തിരുവനന്തപുരത്തു നിന്നും രാവിലെ 5.20ന് പുറപ്പെടുന്ന ട്രെയിൻ ഉച്ചയ്ക്ക് 1.25നാണ് കാസർഗോഡ് എത്തുക. കാസർഗോഡു നിന്നും ഉച്ചയ്ക്ക് 2.30ന് പുറപ്പെട്ട് രാത്രി 10.35ന് തിരുവനന്തപുരത്തെത്തും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
