അങ്കമാലിയിൽ നിന്ന് നിലവിലെ എംസി റോഡിനു സമാന്തരമായി സഞ്ചരിച്ച് എരുമേലിയിൽ എത്തുന്നതാണ് നി‍ർദിഷ്ട ശബരി റെയിൽപാത. ഈ പാതയ്ക്ക് 111 കിലോമീറ്ററാണ് പ്രതീക്ഷിക്കുന്ന നീളം. എരുമേലിയിൽ നിന്ന് ശബരിമലയിലേയ്ക്ക് വീണ്ടും 40 കിലോമീറ്ററോളം സഞ്ചരിക്കണം. എന്നാൽ ചെങ്ങന്നൂരിൽ നിന്നു തുടങ്ങുന്ന പാത നിർമിക്കാനായാൽ പമ്പ വരെ 60 കിലോമീറ്ററോളം ദൂരത്തിൽ പിന്നിടാനാകും. ഈ പാത യാഥാ‍ർഥ്യമായാൽ ശബരിമലയിലേയ്ക്ക് തീർത്ഥാടക‍ർക്ക് എളുപ്പത്തിൽ എത്താനാകുമെന്ന് റെയിൽവേ മന്ത്രി മനോരമയോടു പറഞ്ഞു. ചെങ്ങന്നൂർ – പമ്പ പാതയുട സാധ്യതാപഠനം പുരോഗമിക്കുകയാണെന്നാണ് റിപ്പോർട്ടുകൾ. നി‍ർമാണച്ചെലവും യാത്രക്കാരുടെ സൗകര്യവുമാണ് റെയിൽവേ പരിഗണിക്കുന്ന ഘടകങ്ങൾ.
കണ്ണൂരിൽ അറ്റകുറ്റപണി |Vande Bharat Express
അങ്കമാലി – എരുമേലി പാത ഉപേക്ഷിക്കുമോ?
നിലവിൽ അങ്കമാലിയിൽ നിന്ന് കിഴക്കോട്ട് അഞ്ച് കിലോമീറ്ററോളം റെയിൽപാതയുടെ നി‍ർമാണമാണ് പൂർത്തിയായിട്ടുള്ളത്. പെരിയാറിനു കുറുകെ പുതിയ പാലവും നിർമിച്ചു. നിലവിൽ 3515 കോടി രൂപയാണ് പദ്ധതിയ്ക്ക് ചെലവ് പ്രതീക്ഷിക്കുന്നത്. ഇതിൽ പകുതിയോളം സംസ്ഥാന സർക്കാർ വഹിക്കാമെന്ന് സമ്മതിച്ചിട്ടുണ്ട്. 274 ഹെക്ടർ ഭൂമിയേറ്റെടുക്കാനായി മൊത്തം 1000 കോടി രൂപയോളം വേണ്ടിവരും. ഇടയിൽ കാലടി, പെരുമ്പാവൂർ, ഓടക്കാലി, കോതമംഗലം, മൂവാറ്റുപുഴ, വാഴക്കുളം, തൊടുപുഴ, കരിങ്കുന്നം, രാമപുരം, ഭരണങ്ങാനം, ചെമ്മലമറ്റം, കാഞ്ഞിരപ്പള്ളി, എരുമേലി എന്നിവടിങ്ങളിൽ സ്റ്റേഷനുകളുമുണ്ടാകും. മധ്യകേരളത്തിൽ കിഴക്കൻ മേഖലയിൽ വലിയ വികസനമെത്തിക്കാൻ പുതിയ റെയിൽപാത സഹായിക്കുമെന്നാണ് പ്രതീക്ഷിക്കുന്നത്. പദ്ധതി റെയിൽവേ ഏതാണ്ട് ഉപേക്ഷിച്ച നിലയിലായിരുന്നെങ്കിലും ബജറ്റിൽ വീണ്ടും വലിയ തുക വകയിരുത്തിയതോടെയാണ് ശബരിപാത യാഥാർഥ്യമായേക്കുമെന്ന പ്രതീക്ഷ ഉണർന്നത്. ഭാവിയിൽ റാന്നി, പത്തനംതിട്ട, കോന്നി, പത്തനാപുരം, പുനലൂർ, അഞ്ചൽ, കടയ്ക്കൽ, നെടുമങ്ങാട് വഴി തിരുവനന്തപുരവുമായി ഭാവിയിൽ ബന്ധിപ്പിക്കാവുന്ന പാതയാണിത്. പുനലൂരിൽ നിന്ന് ചെങ്കോട്ട പാതയുമായി ബന്ധിപ്പിച്ചാൽ തമിഴ്നാട്ടിൽ നിന്നുള്ള ശബരിമല യാത്രക്കാർക്കും പാത പ്രയോജനം ചെയ്യും. കിഴക്കൻ മേഖലയിലെ കൃഷി, ടൂറിസം മേഖലകൾക്കും പുതിയ പാത പ്രയോജനം ചെയ്തേക്കും.
വന്ദേ ഭാരത് എക്സ്പ്രസിൽ ചോർച്ച; രണ്ട് കോച്ചുകളിൽ വെള്ളം ചോർന്നൊലിച്ചു, പ്രശ്നം പരിഹരിച്ചെന്ന് അധികൃതർ
എന്നാൽ ചെങ്ങന്നൂർ – പമ്പ റെയിൽപാതയുടെ സാധ്യത കൂടി പരിഗണിച്ച ശേഷമായിരക്കും ശബരി റെയിൽപാതയുടെ റൂട്ട് സംബന്ധിച്ച അന്തിമതീരുമാനം. ചെങ്ങന്നൂരിൽനിന്ന് പമ്പ വരെ മെട്രോ മാതൃകയിൽ എലിവേറ്റഡ് ട്രാക്ക് നിർമിക്കുകയാണ് റെയിൽവേയുടെ മുന്നിലുള്ള രണ്ടാമത്തെ പദ്ധതി. വനഭൂമിയിലൂടെയും പമ്പാതീരത്തുകൂടിയുമായിരിക്കും എലിവേറ്റഡ് പാത കടന്നുപോകുക. സ്വകാര്യഭൂമി ഏറ്റെടുക്കേണ്ടെന്ന മെച്ചം പദ്ധതിയ്ക്കുണ്ട്. ശബരിമലയുടെ ബേസ് ക്യാംപായ പമ്പ വരെ എത്തിച്ചേരുമെന്ന പ്രത്യേകത ഇതിനുണ്ട്. എന്നാൽ 13,000 കോടി രൂപയോളമാണ് പദ്ധതിയ്ക്ക് പ്രതീക്ഷിക്കുന്ന ചെലവ്. കൂടാതെ തൊടുപുഴയ്ക്ക് സമീപം കാഞ്ഞാ‍ർ എരുമേലി പാതയ്ക്കായി ഏറ്റെടുത്ത ഭൂമി എന്തുചെയ്യുമെന്ന ചോദ്യവും ബാക്കിയാകും.
വാട്ടർമെട്രോ നീറ്റിലിറങ്ങി; പൊതുജനങ്ങൾക്കായുള്ള സർവീസ് ആരംഭിച്ചു; ആദ്യ സർവീസ് ഹൈക്കോടതി-വൈപ്പിൻ റൂട്ടിൽ
