ചൂട് കാലത്തുണ്ടാകുന്ന രോഗങ്ങളെ ശ്രദ്ധിക്കണം, ഡോക്ടർ പറയുന്നു

ചൂട് കൂടുമ്പോൾ 37 ഡിഗ്രി സെൽഷ്യസ് എന്നുള്ളത് 40ലേക്ക് എത്തുന്നു. പനിയുള്ളപ്പോഴും ശരീരത്തിൽ 40 ഡിഗ്രി സെൽഷ്യസായിരിക്കും ചൂട്. ശരീരത്തിലെ എല്ലാ കാര്യങ്ങളെയും നിയന്ത്രിക്കുന്നത് തലച്ചോറാണ്. തലച്ചോറിലെ ഹൈപ്പോതലാമസാണ് ശരീരത്തിലെ തെർമോറെഗുലേറ്ററി സിസ്റ്റത്തെ നിയന്ത്രിക്കുന്നത്. പനിയുള്ള സമയത്ത് ഇത് സാധാരണയായി നിലകൊള്ളുന്നു. എന്നാൽ ഹീറ്റ് സ്ട്രോക്കുണ്ടാകുന്ന സമയത്ത് ഇത് തെർമോറെഗുലേറ്ററി സിസ്റ്റത്തെ ബാധിക്കുന്നതാണ് കൂടുതൽ അപകടമുണ്ടാക്കുന്നത്.

രോഗം കൂടുതലായി ബാധിക്കുന്നവർ



രോഗം കൂടുതലായി ബാധിക്കുന്നത് നാല് വയസിൽ താഴെയുള്ള കുഞ്ഞുങ്ങൾ, 60 വയസിന് മുകളിൽ പ്രായമുള്ളവർ, ചൂട് സ്ഥലങ്ങളിൽ അധികമായി ജോലി ചെയ്യുന്നവരെയാണ് ചൂട് കാല രോഗങ്ങൾ അധികമായി ബാധിക്കുന്നത്. ഇത് കൂടാതെ പ്രതിരോധശേഷി കുറഞ്ഞ രോഗമുള്ളവരെയും രോഗം ബാധിക്കാം. അമിതമായി മദ്യപിക്കുന്നവർക്കും രോഗ സാധ്യത കൂടതലാണ്. ഡിപ്രഷൻ ഗുളികകൾ കഴിക്കുന്നവരും ഈ ഗണത്തിൽപ്പെടുന്നുണ്ട്.

Also Read:കരളിന് പണി കിട്ടാതിരിക്കണമെങ്കിൽ ഈ ഭക്ഷണങ്ങൾ ഒഴിവാക്കണം

ശരീരത്തെ എങ്ങനെ ബാധിക്കുന്നു



ഹീറ്റ് എഡിമ എന്ന് പറയുന്നത് നീരാണ്. ചൂട് കൂടുമ്പോൾ ചർമ്മത്തിന് അടിയിലുള്ള രക്തക്കുഴലുകൾ വീർക്കുകയും ഫ്ലൂയിഡ് കെട്ടി കിടക്കുകയും ചെയ്യുന്നു. ഇത് പേടിക്കേണ്ട അവസ്ഥയല്ല. കൈകളും കാലുകളുമൊക്കെ പൊക്കി വച്ച് വിശ്രമിക്കുന്നത് ഇത് കുറയാൻ സഹായിക്കും. പ്രിക്ലൈൻ ഹീറ്റ് അഥവ ചൂട് കൂരു എന്നതും സാധാരണയായി കണ്ടു വരുന്നതാണ്. കുരുക്കളുടെ ഉള്ളിൽ വെള്ളം കെട്ടി നിന്നാണ് ഇത് ഉണ്ടാകുന്നത്.

ഹൈപ്പ‍ർ വെൻ്റിലേഷൻ എന്ന അവസ്ഥ ചൂട് കൂടുമ്പോൾ ശ്വാസകോശത്തിൻ്റെ നില മാറുന്നതാണ്. കൈ കാലുകൾ കോച്ചി പിടിച്ച് നിൽക്കുന്നതാണ് ഇതിൻ്റെ ഫലം. കാൽസ്യം സപ്ലിമെൻ്റ്സ് കൊടുത്ത് ഇത് പരിഹരിക്കാവുന്നതാണ്. വളരെ വലിയ അപകട സാധ്യതയുള്ളതാണ് ഹീറ്റ് ക്രാംപ്സ് എന്ന അവസ്ഥ. നിർജ്ജലീകരണം ഉണ്ടാകുമ്പോൾ സോഡിയം പൊട്ടാസ്യം എന്നിവയുടെ അളവ് ശരീരത്തിൽ കുറയുന്നത്. ഇതിന്റെ ഭാഗമായി പേശികളിൽ വേദന അനുഭവപ്പെട്ടേക്കാം.

ഹീറ്റ് എക്സോർഷൻ, ഹീറ്റ് സ്ട്രോക്ക് എന്നിവയാണ് പ്രധാനപ്പെട്ട രോഗ അവസ്ഥ. ഹീറ്റ് സ്ട്രോക്ക് എന്നത് ഒരു മെഡിക്കൽ എമ‍ർജൻസിയാണ്. ഈ അവസ്ഥയുണ്ടാകുന്നവരെ എത്രയും വേഗം ആശുപത്രിയിൽ എത്തിച്ചില്ലെങ്കിൽ ശരീരത്തിലെ അവയവങ്ങൾക്ക് പോലും പല പ്രശ്നങ്ങളുമുണ്ടാകും. കിഡ്നി, ഹൃദയം എന്നിവയെ എല്ലാം തകരാറിലാകും.

English Summary: Summer season diseases

കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക.