വിജയവാഡ: ആന്ധ്രാപ്രദേശിൽ കോളേജ് വിദ്യാർത്ഥിനി മരിച്ച നിലയിൽ. ആന്ധ്രാപ്രദേശിലെ വിജയവാഡയിലാണ് സംഭവം. കോളേജ് ഹോസ്റ്റലിലാണ് വിദ്യാർത്ഥിയെ മരിച്ച നിലയിൽ കണ്ടെത്തിയതെന്ന് പോലീസ് പറഞ്ഞു. ആന്ധ്രയിലെ ശ്രീ ചൈതന്യ കോളേജിലെ വിദ്യാർത്ഥിനിയേയാണ് മരിച്ച നിലയിൽ കണ്ടെത്തിയത്. സംഭവത്തിൽ ദുരൂഹതയുണ്ടെന്നും അന്വേഷണം വേണമെന്നും പെൺകുട്ടിയുടെ കുടുംബം ആവശ്യപ്പെട്ടു.
ഹോസ്റ്റൽ മുറിയിൽ തൂങ്ങി മരിച്ച നിലയിലായിരുന്നു പെൺകുട്ടിയെ കണ്ടെത്തിയത്. അതേസമയം അധ്യാപകരിൽ ചിലർ പെൺകുട്ടിയോട് മോശമായി പെരുമാറിയെന്നും ഇതേ തുടർന്നുണ്ടായ മനോവിഷമത്തിലാണ് പെൺകുട്ടി ജീവനൊടുക്കിയതെന്നും ആരോപണം ഉയർന്നിട്ടുണ്ട്. ആന്ധ്രയിലെ ഗുണ്ടൂർ സ്വദേശിനിയാണ് പെൺകുട്ടി. സുവോളജി പരീക്ഷയിൽ പരാജയപ്പെട്ടത്തിന്റെ പേരിൽ പെൺകുട്ടിയെ അധ്യാപകർ മറ്റ് വിദ്യാർത്ഥികളുടെ മുമ്പിൽ വെച്ച് അപമാനിച്ചെന്നാണ് ആരോപണം.
വെള്ളനാടിൽ അജ്ഞാത ജീവി; കരടിയുടെ സാന്നിധ്യം എന്നും അഭ്യൂഹം
പെൺകുട്ടി സ്ഥിരമായി ഡയറി എഴുതിയിരുന്ന ആളായിരുന്നുവെന്നും ഡയറിയിലെ ചില പേജുകൾ ഇപ്പോൾ കാണാനില്ലെന്നും പെൺകുട്ടിയുടെ പിതാവ് ശ്രീനിവാസ് ആരോപിച്ചു. പെൺകുട്ടിയെ മരിച്ച നിലയിൽ കണ്ടെത്തിയ വിവരം വൈകിയാണ് കോളേജ് അധികൃതർ തങ്ങളെ അറിയിച്ചതെന്നും ബന്ധുക്കൾ ആരോപിച്ചു. ടൈഫോയ്ഡ് ബാധയെ തുടർന്ന് അവശനിലയിലായിരുന്നു പെൺകുട്ടി. ഇതിനിടയിൽ എഴുതിയ സുവോളജി പരീക്ഷയിൽ പരാജയപ്പെടുകയായിരുന്നു. രണ്ട് ദിവസം മുമ്പ് പെൺകുട്ടിയുടെ സഹോദരൻ ഹോസ്റ്റലിൽ എത്തുകയും പെൺകുട്ടിയുമായി ഏറെ നേരം സംസാരിക്കുകയും ചെയ്തു. എന്നാൽ ഇതിന് പിന്നാലെയാണ് പെൺകുട്ടി ജീവനൊടുക്കിയതായി വീട്ടുകാർക്ക് വിവരം ലഭിക്കുന്നത്. പെൺകുട്ടി മരണപ്പെട്ട് മണിക്കൂറുകൾക്ക് ശേഷവും വിവരം കോളേജ് അധികൃതർ തങ്ങളെ അറിയിച്ചില്ലെന്ന് കുടുംബം ആരോപിച്ചു.
Read Latest National News and Malayalam News
മെയ് മാസം മഴ മാസമോ?; ഒന്നാം തീയതി മുതൽ മഴ, ഒപ്പം ഇടിമിന്നലും ശക്തമായ കാറ്റും; ഓറഞ്ച്, യെല്ലോ അലർട്ടുകൾ പ്രഖ്യാപിച്ചു
