ചെന്നൈ: തമിഴ്‌നാട് വെല്ലൂരില്‍ വീടിന് പുറത്ത് ഉറങ്ങുകയായിരുന്ന വയോധികനെ കൊലപ്പെടുത്തിയ സംഭവത്തില്‍ അന്വേഷണം ഇഴയുന്നു. കൊലപാതകികളെ കുറിച്ച് പോലീസിന് ഇതുവരെ യാതൊരു സൂചനകളും ലഭിച്ചിട്ടില്ല. സംഭവം നടന്ന വീടിന് സമീപത്തായി സിസിടി ക്യാമറകള്‍ ഇല്ലാത്തതും പോലീസിനെ കുഴപ്പിക്കുന്നുണ്ട്.
വെല്ലൂര്‍ കഡ്പാഡി ലത്തേരിയില്‍ സെല്‍വം എന്ന 65കാരനെയാണ് അജ്ഞാത സംഘം കൊലപ്പെടുത്തിയത്. സെല്‍വത്തിന്റെ കൊലപാതകിയെ കണ്ടെത്തണമെന്ന ആവശ്യം ഉന്നയിച്ച് പ്രതിഷേധം ശക്തമാക്കിയിരിക്കുകയാണ് സെല്‍വത്തിന്റെ ബന്ധുക്കളും നാട്ടുകാരും. കഴിഞ്ഞ വ്യാഴഴ്ചയാണ് സെല്‍വം കൊല്ലപ്പെട്ടത്. മദ്യപിച്ച് വന്നതിനാല്‍ മകള്‍ സെല്‍വത്തെ വീടിനകത്തേയ്ക്ക് കയറാന്‍ അനുവദിച്ചില്ല. തുടര്‍ന്ന് വീടിന്റെ വരാന്തയിലാണ് സംഭവ ദിവസം സെല്‍വം ഉറങ്ങിയത്.
‘എൽഇഡി മുതൽ മെസ്സി വരെ’; കളറായി കുടമാറ്റം
പിറ്റേ ദിവസം രാവിലെ മകള്‍ വീടിന്റെ വാതില്‍ തുറന്നപ്പോള്‍ സെല്‍വത്തെ മരിച്ച നിലയില്‍ കണ്ടെത്തുകയായിരുന്നു. സെല്‍വത്തിന്റെ തലയിലും കഴുത്തിലും ആഴത്തില്‍ മുറിവുണ്ടായിട്ടുണ്ട്. രാത്രിയില്‍ വീടിന് പുറത്ത് നിന്ന് കരച്ചിലോ മറ്റ് അസ്വഭാവിക ശബ്ദങ്ങളോട കേട്ടില്ലെന്നാണ് സെല്‍വത്തിന്റെ മകളും അയല്‍വാസികളും പറയുന്നത്. ലത്തേരി പോലീസാണ് കൊലപാതകത്തില്‍ അന്വേഷണം നടത്തുന്നത്.
അതേസമയം സെല്‍വവും ചില അയല്‍വാസികളും തമ്മില്‍ കൃഷിയിടത്തിലേക്ക് വെള്ളം എത്തിക്കുന്നതുമായി ബന്ധപ്പെട്ട് തര്‍ക്കം നിലനിന്നിരുന്നു. ഇതിനെ തുടര്‍ന്നുള്ള വൈരാഗ്യമാണോ കൊലപാതകത്തിലേക്ക് നയിച്ചതെന്ന സംശയം പോലീസിനുണ്ട്. ലത്തേരി പോലീസും വിരളടയാള വിദഗ്ധരും സ്ഥലത്തെത്തി വിവരങ്ങള്‍ ശേഖരിച്ചിരുന്നു. സെല്‍വയുമായി ശത്രുതയുണ്ടായിരുന്നവരില്‍ നിന്നും പോലീസ് വിവരങ്ങള്‍ ശേഖരിച്ചിട്ടുണ്ട്.
Read Latest National News and Malayalam News
പെൺകുട്ടിയെ വീഡിയോ കോൾ ചെയ്ത് നഗ്ന ദൃശ്യം പകർത്തി; 20,000 രൂപ ആവശ്യപ്പെട്ട് ഭീഷണി; പോക്സോ കേസിൽ യുവാവ് അറസ്റ്റിൽ
