രോഹിണി കോടതി വെടിവയ്പ്പ് കേസ്; മുഖ്യസൂത്രധാരൻ തീഹാർ ജയിലിൽ ​ഗ്യാങ്‌വാറിൽ കൊല്ലപ്പെട്ടു

ചൊവ്വാഴ്ച തിഹാറിലെ മണ്ഡോലി ജയിലിൽ വെച്ച് എതിരാളികൾ ആക്രമിച്ചതിനെ തുടർന്ന് കൊല്ലപ്പെടുകയായിരുന്നുവെന്നാണ് ജയിൽ അധികൃതർ അറിയിച്ചിരിക്കുന്നത്. ഇതേ ജയിലിൽ കഴിയുന്ന യോഗേഷ് തുണ്ട എന്ന ഗുണ്ടാ നേതാവും കൂട്ടാളികളും ചേർന്ന് പുലർച്ചെയോടെ ഇരുമ്പു കമ്പികൾ ഉപയോഗിച്ച് ആക്രമിക്കുകയായിരുന്നു.

താജ്പുരിയയെ ഉടൻ തന്നെ അടുത്തുള്ള ദീൻ ദയാൽ ഉപാധ്യായ ആശുപത്രിയിലേക്ക് കൊണ്ടുപോയെങ്കിലും കൊല്ലപ്പെടുകയായിരുന്നു. സംഭവത്തിൽ അന്വേഷണം ആരംഭിച്ചതായി അധികൃതർ അറിയിച്ചിട്ടുണ്ട്.

രാജ്യ തലസ്ഥാനത്തെ പല കുറ്റകൃത്യങ്ങളിലൂടെയുമാണ് തില്ലു തേജ്പുരിയ ശ്രദ്ധേയനാകുന്നത്. ഏതാണ്ട് പത്ത് വർഷത്തോളമായി കുപ്രസിദ്ധ ഗുണ്ടാത്തലവനായ ജിതേന്ദർ ഗോഗിയുടെ നേതൃത്വത്തിലുള്ള മറ്റൊരു കുപ്രസിദ്ധ സംഘവുമായി ബദ്ധവൈരികളായിരുന്നു.

2021 സെപ്റ്റംബർ 24-ന് ഡൽഹിയിലെ രോഹിണി കോടതിയിലെ കോടതിമുറിയിൽ അഭിഭാഷക വേഷം ധരിച്ചെത്തിയ താജ്പുരിയയുടെ രണ്ട് കൂട്ടാളികൾ ഗോഗിയെ വെടിവച്ചു കൊന്നുതോടെ രാജ്യത്താകമാനം ശ്രദ്ധ പിടിച്ചുപറ്റി.

കോടതി മുറിയിൽ വച്ചുണ്ടായ ഏറ്റുമുട്ടലിൽ രണ്ട് കൊലയാളികളേയും കോടതി മുറിക്കുള്ളിൽ വെച്ചുതന്നെ പോലീസ് വെടിവച്ചു കൊല്ലുകയും ചെയ്തിരുന്നു. മറ്റൊരു കേസിൽ ജയിലിൽ കഴിഞ്ഞിരുന്ന താജ്പുരിയയെ പ്രധാന സൂത്രധാരനായി ചോദ്യം ചെയ്യുകയും ചെയ്തിരുന്നു. തില്ലു ഫോണിലൂടെ നൽകിയ നിർദ്ദേശത്തിന്റെ അടിസ്ഥാനത്തിലാണ് അക്രമികൾ ഗോഗിയെ വധിച്ചത് എന്നാണ് പോലീസ് കണ്ടെത്തിയത്.

Also Read : വിവാഹിതനെന്ന് പറഞ്ഞശേഷമുള്ള ലിവ് ഇൻ റിലേഷൻഷിപ്പ് വിശ്വാസവഞ്ചനയല്ലെന്ന് കോടതി

രണ്ട് ഗാങ്ങുകളിലേയും നിരവധി അംഗങ്ങളെ കൊലപാതകം, തട്ടിക്കൊണ്ടുപോകൽ, കവർച്ച, കാർ മോഷണം എന്നിങ്ങനെ വിവിധ കുറ്റങ്ങളിലായി അറസ്റ്റ് ചെയ്തിട്ടുണ്ട്.

Read Latest National News and Malayalam News