Also Read: പുതിയ തൊഴിൽ നിയമനങ്ങൾക്ക് പകരം എഐ; ഐബിഎമ്മിൽ തൊഴിൽ നഷ്മാകുന്നത് 7,800 പേർക്ക്
വിദ്വേഷ പ്രസംഗങ്ങള്‍ക്കെതിരായ ഹര്‍ജി പരിഗണിക്കുന്ന ജസ്റ്റിസുമാരായ കെ.എം. ജോസഫും ബി.വി. നാഗരത്‌നയും അടങ്ങിയ സുപ്രിം കോടതി ബെഞ്ചിന് മുമ്പാകെയാണ് അഭിഭാഷകന്‍ വിഷയം ഉന്നയിച്ചത്. വിദ്വേഷ പ്രസംഗക്കേസില്‍ പ്രത്യേക അപേക്ഷ ഫയല്‍ ചെയ്താണ് സുപ്രിം കോടതിയില്‍ കൊണ്ടുവരാന്‍ പരാതിക്കാരന് ശ്രമിച്ചത്. എന്നാല്‍, മറ്റൊരു കേസില്‍ അപേക്ഷയായി ഈ വിഷയം പരിഗണിക്കാന്‍ ബെഞ്ച് വിസമ്മതിച്ചു.
അഴിമതി ആരോപണം കല്ലുവെച്ച നുണയെന്ന് ജില്ലാപഞ്ചായത്ത് പ്രസിഡന്റ്
സെന്‍സര്‍ ബോര്‍ഡിന്റെ അനുമതിയോടെയാണ് ചിത്രം പ്രദര്‍ശനത്തിന് എത്തുന്നതെന്ന് ബെഞ്ചിന് നേതൃത്വം നല്‍കിയ ജസ്റ്റിസ് കെ. എം. ജോസഫ് പറഞ്ഞു. ‘പരാതിക്കാരന് ഹൈക്കോടതിയെയോ ഉത്തരവാദിത്തപ്പെട്ട മറ്റ് സംവിധാനങ്ങളെയോ സമീപിച്ചുകൂടെ. പരാതിക്കാര്‍ക്ക് ഈ വിഷയത്തില്‍ നേരിട്ട് സുപ്രിം കോടതിയെ എങ്ങനെ സമീപിക്കാന്‍ കഴിയും’, ബെഞ്ചിലെ അംഗമായ ജസ്റ്റിസ് ബി.വി. നാഗരത്‌ന ചോദിച്ചു.
Also Read: വാണിമേലിൽ കൊലക്കേസ് പ്രതിയെ തൂങ്ങി മരിച്ച നിലയിൽ കണ്ടെത്തി
സിനിമയുടെ ട്രെയിലറിന്റെ ട്രാന്‍സ്‌ക്രിപ്റ്റ് കോടതി പരിശോധിക്കണമെന്ന് മുതിര്‍ന്ന അഭിഭാഷകന്‍ കപില്‍ സിബല്‍ ആവശ്യപ്പെട്ടു. ഇതിനകം 16 ദശലക്ഷം പേരാണ് ട്രെയ്‌ലര്‍ കണ്ടത്. ചിത്രത്തിന്റെ റിലീസിനെതിരെ ഉടന്‍ തന്നെ വിശദമായ ഹര്‍ജി ഫയല്‍ ചെയ്യുമെന്ന് കപില്‍ സിബല്‍ കോടതിയെ അറിയിച്ചു. ബുധനാഴ്ച ചീഫ് ജസ്റ്റിസിന് മുമ്പാകെ വിഷയം ഉന്നയിച്ചാലും അതില്‍ തീരുമാനം ഉണ്ടാകുന്നതിന് മുമ്പ് ചിത്രത്തിന്റെ പ്രദര്‍ശനം ആരംഭിക്കുമെന്ന് കപില്‍ സിബല്‍ വ്യക്തമാക്കി.
Read Latest National News and Malayalam News
