Also Read : ട്രെയിനുകൾ കുതിക്കും; ഇന്ത്യൻ റെയിൽവേയുടെ 53 പ്രധാന റൂട്ടുകളുടെ വേഗത മണിക്കൂറിൽ 130 കിലോമീറ്ററായി ഉയർത്തും
ജമ്മു കശ്മീരിലെ കട്റ – റേസി എന്നീ ജില്ലകളെ തമ്മിൽ ബന്ധിപ്പിക്കുന്ന തരത്തിലാണ് അൻജി ഖഡ് പാലം നിർമിച്ചിരിക്കുന്നത്. ഒറ്റത്തൂണിൽ 96 കേബിളുകളിൽ ആണ് ഈ റെയിൽപ്പാലം നിർമിച്ചിരിക്കുന്നത്. 725.5 മീറ്റർ ദൂരത്തിലുള്ള ഈ പാലം നിർമിക്കുന്നതിന് 653 കിലോമീറ്റർ നീളമുള്ള കേബിളാണ് ഉപയോഗിച്ചിരിക്കുന്നത്.
അഴിമതി ആരോപണം കല്ലുവെച്ച നുണയെന്ന് ജില്ലാപഞ്ചായത്ത് പ്രസിഡന്റ്
കത്രയ്ക്കും റിയാസിക്കും ഇടയിലുള്ള ചെനാബ് നദിയുടെ കൈവഴിയായ ആൻജി നദിക്ക് മുകളിലാണ് പാലം നിർമ്മിച്ചിരിക്കുന്നത്. പാലത്തിന്റെ ആകെ ഉയരം (നദീതടത്തിൽ നിന്നും) 196 മീറ്ററാണുള്ളത്.
നേരത്തെ ചെനാബ് പാലത്തിന് സമാനമായി ആർച്ച് ബ്രിഡ്ജ് നിർമ്മിക്കാനാണ് പദ്ധതിയിട്ടിരുന്നത്. എന്നാൽ, വിദഗ്ദ്ധ സമിതി ആർച്ച് ബ്രിഡ്ജ് എന്ന ആശയം നിരസിക്കുകയായിരുന്നു. ഈ സ്ഥലം ആർച്ച് ബ്രിഡ്ജിന് അനുയോജ്യമല്ലെന്ന് മുൻ റെയിൽവേ ബോർഡ് ചെയർമാന്റെ നേതൃത്വത്തിലുള്ള പാനൽ നിർദ്ദേശിച്ചതിന്റെ അടിസ്ഥാനത്തിൽ അതുപേക്ഷിക്കുകയായിരുന്നു. അതിന് പകരമായി പുതിയ കേബിൾ സ്റ്റേ ഡിസൈൻ അംഗീകരിക്കുകയും ചെയ്തതോടെയാണ് പദ്ധതിക്ക് അംഗീകാരമായത്.
2016 ഓക്ടോബർ മാസത്തിലാണ് കേബിൾ ബ്രിഡ്ജ് പണിയുന്നതിനുള്ള ചർച്ചകൾ തുടങ്ങുന്നത്. റിപ്പോർട്ടുകൾ അനുസരിച്ച 450 കോടിയാണ് കേബിൾ പാലം നിർമിക്കുന്നതിനുള്ള ചെലവായി വന്നിരിക്കുന്നത്.
’11 മാസത്തിനുള്ളിൽ ഇന്ത്യയിലെ ആദ്യ കേബിൾ സ്റ്റേ റെയിൽ പാലം പൂർത്തിയായി. 96 കേബിളുകലും സജ്ജീകരിച്ചു. ആകെ നീളം 653 കിലോമീറ്റർ’ എന്ന അടിക്കുറിപ്പോടെയാണ് റെയിൽവേ മന്ത്രി വീഡിയോ ട്വീറ്റ് ചെയ്തിരിക്കുന്നത്.
Also Read : രോഹിണി കോടതി വെടിവയ്പ്പ് കേസ്; മുഖ്യസൂത്രധാരൻ തീഹാർ ജയിലിൽ ഗ്യാങ്‌വാറിൽ കൊല്ലപ്പെട്ടു
ആദ്യ കേബിൾ മുതൽ അവസാനത്തേത് വരെ ഒരുക്കുന്നതിന്റെ വീഡിയോയും അദ്ദേഹം പങ്കുവച്ചിട്ടുണ്ട്. ജമ്മുവിൽ നിന്നുള്ള റോഡ് ഏകദേശം 80 കിലോമീറ്റർ അകലെയാണ് ഈ പാലമിന്നുള്ളത്. ഉദംപൂർ – ശ്രീനഗർ – ബാരാമുള്ള റെയിൽവേ പദ്ധതിയുടെ ഭാഗമാണ് ഇത്.
Read Latest National News and Malayalam News
