​തികച്ചും നാച്വറലായിട്ടുള്ള ഒരു ഫേയ്‌സ് സ്‌ക്രബ്, തയ്യാറാക്കാന്‍ വേണ്ടത് മൂന്നേ മൂന്ന് പൊടികള്‍​

​ആയുര്‍വേദ കൂട്ട്​

ഈ ഫേയ്‌സ് സ്‌ക്രബ് തയ്യാറാക്കാന്‍ പ്രധാനമായും വേണ്ടത് മഞ്ഞള്‍, കലടപ്പൊടി, അതുപോലെ, ആര്യവേപ്പിലയുടെ പൊടി എന്നിവയാണ്. മഞ്ഞള്‍ എടുക്കുമ്പോള്‍ നല്ല കസ്തൂരി മഞ്ഞള്‍ ലഭിച്ചാല്‍ നല്ലതാണ്. ഇത് ഇല്ലാത്തവര്‍ വിഷമിക്കണ്ട, സാധാ മഞ്ഞള്‍ എടുത്താലും മതി.

ഈ സാധാനങ്ങള്‍ വീട്ടില്‍ ഇല്ലെങ്കിലും ആയുര്‍വേദ കടകളില്‍ നിന്നും നിന്നും നിങ്ങള്‍ക്ക് ഇവ വാങ്ങാന്‍ കിട്ടുന്നതാണ്. മഞ്ഞള്‍ ഉണക്കിയതും അതുപോലെ, ആര്യവേപ്പിന്റെ ഇലയുടെ പൊടിയും ലഭിക്കുന്നതാണ്.

വീട്ടില്‍ ആര്യവേപ്പ് ഉള്ളവരാണെങ്കില്‍ അതിന്റെ ഇല ഇളം വെയിലത്ത് വെച്ച് ഉണക്കി എടുത്ത് പൊടിച്ച് വെക്കുക. അതുപോലെ, പച്ചമഞ്ഞള്‍ ഉള്ളവരാണെങ്കില്‍ അതും പുഴുങ്ങി കറ കളഞ്ഞ് വെയിലത്ത് വെച്ച് ഉണക്കി എടുക്കാവുന്നതാണ്.

​തയ്യാറാക്കേണ്ട വിധം​

ഇത് തയ്യാറാക്കാന്‍ ആദ്യം തന്നെ നിങ്ങള്‍ മഞ്ഞള്‍ എടുത്ത് പൊടിക്കണം. അത്യാവശ്യം നല്ല പൊടിപൊടിയായി തന്നെ പൊടിച്ച് എടുക്കാവുന്നതാണ്. മഞ്ഞള്‍ ഒരു കപ്പ് എടുത്താല്‍ കടലപ്പൊടി ഒന്നര കപ്പ് എടുക്കണം. അതുപോലെ, ആര്യവേപ്പിന്റെ ഇല പൊടിച്ചത് അര കപ്പ് എടുക്കാന്‍ ശ്രദ്ധിക്കുക.

ഇവ ഇതേ അളവില്‍ എടുത്ത് നന്നായി മിക്‌സ് ചെയ്ത് വെക്കണം. ഇത് നിങ്ങള്‍ക്ക് നല്ല ചില്ല് കുപ്പിയിലാക്കി സൂക്ഷിച്ച് വെക്കാവുന്നതാണ്. കഴിയുന്നതിനനുസരിച്ച് നിങ്ങള്‍ക്ക് ഇത് വീണ്ടു വീണ്ടു തയ്യാറാക്കി എടുക്കാവുന്നതാണ്.

Also Read: ചർമ്മത്തെ കരിവാളിപ്പ് എളുപ്പത്തിൽ മാറ്റാൻ ചില പൊടികൈകൾ ഇതാ​

​ഉപയോഗിക്കേണ്ട വിധം​

നിങ്ങളുടെ ചര്‍മ്മം എങ്ങിനെയാണോ അതിനനുസരിച്ച് വേണം നിങ്ങള്‍ ഈ സ്‌ക്രബ് ഉപയോഗിക്കാനും. നിങ്ങളുടേത് എണ്ണമയമുള്ള ചര്‍മ്മം ആണെങ്കില്‍ ഈ പൊടി ഒരു ടീസ്പൂണ്‍ എടുക്കുക. ഇതിലേയ്ക്ക് തൈര് ചേര്‍ക്കാവുന്നതാണ്. അതുപോലെ, നാരങ്ങ നീര്, അല്ലെങ്കില്‍ ഓറഞ്ച് നീര് എന്നിവ ചേര്‍ത്ത് മിക്‌സ് ചെയ്ത് മുഖത്ത് പുരട്ടാവുന്നതാണ്.

നിങ്ങളുടെ ചര്‍മ്മം വരണ്ട ചര്‍മ്മം ആണെങ്കില്‍ നിങ്ങള്‍ക്ക് ഇതിലേയ്ക്ക് തേന്‍, കറ്റാര്‍വാഴ ജെല്‍ എന്നിവ ചേര്‍ക്കാവുന്നതാണ്. ഇവ ചേര്‍ത്ത് നന്നായി മിക്‌സ് ചെയ്തതിന് ശേഷം മുഖത്ത് പുരട്ടാവുന്നതാണ്.

സാധാ ചര്‍മ്മമാണ് നിങ്ങളുടേത് എങ്കില്‍ സാധാ വെള്ളത്തില്‍ തന്നെ ഇത് മിക്‌സ് ചെയ്ത് നിങ്ങള്‍ക്ക് മുഖത്ത് പുരട്ടാവുന്നതാണ്.

​നല്ല ഫലം ലഭിക്കുന്നതിന്​

നല്ല ഫലം ലഭിക്കുന്നതിന് ദിവസേന പുരട്ടുന്നതാണ് നല്ലത്. അതും രാത്രിയില്‍ പുരട്ടുക. രാത്രിയില്‍ പുരട്ടിയാല്‍ നല്ല ഫലം ലഭിക്കാന്‍ സഹായിക്കും. അതുമാത്രമല്ല, ഇത്തരം ഫേയ്‌സ് സ്‌ക്രബ്‌സ് ഉപയോഗിക്കുമ്പോള്‍ സൂര്യപ്രകാശം അമിതമായി കൊള്ളാതിരിക്കുന്നതാണ് നല്ലത്.

അതുപോലെ, ഇത് പുരട്ടിയതിന് ശേഷം ഒരു പത്ത് മിനിറ്റെങ്കിലും മുഖത്ത് വെക്കണം. അതുപോലെ, തന്നെ നന്നായി മസാജ് ചെയ്യാനും മറക്കരുത്. ഇത്തരത്തില്‍ മസാജ് ചെയ്താല്‍ മുഖത്തേക്ക് നല്ലപോലെ രക്തം വര്‍ദ്ധിക്കുകയും ഇത് ഈ ഫേയ്‌സ് സ്‌ക്രബിന്റെ ഗുണങ്ങള്‍ ചര്‍മ്മത്തിലേയ്ക്ക് എത്തിക്കുന്നതിന് കൂടുതല്‍ സഹായിക്കുകയും ചെയ്യുന്നു.

​ഉപയോഗിച്ചാലുള്ള ഗുണങ്ങള്‍​

ഇത് ഉപയോഗിച്ചാല്‍ ചര്‍മ്മത്തിലെ മൃതകോശങ്ങള്‍ നീക്കം ചെയ്യുന്നതിന് സഹായിക്കുന്നുണ്ട്. അതുപോലെ, ചര്‍മ്മത്തിലെ ചുളിവുകള്‍ നീക്കാന്‍ സഹായിക്കുന്നുണ്ട്. ചുളിവുകള്‍ മാത്രമല്ല, ചര്‍മ്മത്തിന് ഒരേ നിറം നല്‍കുന്നതിനും മുഖത്തെ കുരുക്കളും കറുത്ത പാടുകളും നീക്കം ചെയ്യുന്നതിനും ഇത് സഹായിക്കുന്നു.

English Summary: Natural Face Scrub