അറബിക്കടലിനടിയിലൂടെ നിർമിച്ചിരിക്കുന്ന നിർമിച്ചിരിക്കുന്ന തുരങ്കം ഗിർഗൗണിൽ നിന്നും ആരംഭിച്ച് ബ്രീച്ച് കാൻഡിയിലെ പ്രിയദ‍ർശിനി പാ‍ർക്കിനടുത്താണ് അവസാനിക്കുന്നത്. സമുദ്രനിരപ്പിൽ നിന്നും 17 മുതൽ 20 മീറ്റ‍ർ ആഴത്തിലാണ് തുരങ്കം നിർമിച്ചിരിക്കുന്നത്. മറൈൻ ഡ്രൈവിനെ ബാന്ദ്ര-വോ‍ർളിയുമായി ബന്ധിപ്പിക്കുന്ന മുംബൈ തീരദേശ റോഡ് പ്രൊജക്ടിന്റെ ഭാഗമാണ് ഇരട്ട തുരങ്കങ്ങൾ.
ഇന്ത്യ വിക്സ് സൂചിക, നിക്ഷേപകർക്കു നൽകുന്ന സൂചനയെന്ത്? | Stock Market Investment | India VIX
35 പേ‍രുടെ രണ്ട് വ‍ർഷത്തെ അധ്വാനമാണ് ഇരട്ട തുരങ്കങ്ങൾ. തിരക്കേറിയ സമയത്ത് 45 മിനിറ്റാണ് ഗിർഗൗണിൽ നിന്നും വോർലിയിൽ എത്താൻ വേണ്ടിയിരുന്നത്. തുരങ്കം വാഹനങ്ങൾക്കായി തുറന്നു കൊടുക്കുന്നതോടെ ഇത് പത്ത് മിനിറ്റായി ചുരുങ്ങും. കൂറ്റൻ ചൈനീസ് യന്ത്രത്തിന്റെ സഹായത്തോടെയാണ് തുരങ്കം യാഥാ‍ർത്ഥ്യമാക്കിയത്. ഇതിന് 1700 ടൺ ഭാരവും 12 മീറ്റ‍ർ ഉയരവുമുണ്ട്.
‘കക്കുകളി’യിൽ വീണ്ടും ഇടഞ്ഞ് സഭ; അവർ വെറുപ്പിൻ്റെ വക്താക്കൾ, നാടകം പ്രദർശിപ്പിക്കരുതെന്ന് കെസിബിസി; പിന്തുണച്ച് കെപിസിസി
തുരങ്കത്തിൽ ആകെ ആറ് ക്രോസ് പാസേജുകൾ ഉണ്ടായിരിക്കും. നാലെണ്ണം കാൽനട യാത്രിക‍ർക്കും രണ്ടെണ്ണം ബൈക്ക് യാത്രക്കാ‍ർക്കുമുള്ളതാണ്. ഓരോ തുരങ്കത്തിലും 3.2 മീറ്റ‍ർ വീതിയുള്ള മൂന്ന് പാതകളുണ്ട്. ഇതിൽ രണ്ടെണ്ണം ഗതാഗതത്തിനായി ഉപയോഗിക്കുകയും മൂന്നാമത്തേത് അടിയന്തര സാഹചര്യങ്ങളിൽ ഉപയോഗിക്കാനുള്ളതുമാണ്.
അതേസമയം താനെ മുതൽ ബോറിവിലി വരെ തുരങ്കപാത നി‍ർമിക്കാനുള്ള ഒരുക്കം ആരംഭിച്ചു. ഇപ്പോൾ താനെ മുതൽ ഘോഡ്ബന്ദ‍ർ വഴി ബോറിവിലിയിൽ എത്താൻ രണ്ട് മണിക്കൂറാണ് ആവശ്യമായി വരുന്നത്. എന്നാൽ തുരങ്കപാത വരുന്നതോടെ യാത്രസമയം 15 മിനിറ്റായി കുറയും. ഈ പാത യാഥാ‍ർത്ഥ്യമാകുന്നതോടെ മുംബൈയുടെ കിഴക്ക് പടിഞ്ഞാറൻ മേഖലകളെ ബന്ധിപ്പിക്കാനാകും.
തെക്കൻ കേരളത്തിൽ വേനൽ മഴ ശക്തം, നാളെയും മറ്റന്നാളും 4 ജില്ലകളിൽ യെല്ലോ അലേർട്ട്
സഞ്ജയ് ഗാന്ധി ദേശീയോധ്യാനത്തിനു കീഴിലൂടെയാണ് തുരങ്കം നി‍ർമിക്കുന്നത്. ബോറിവിലി മഹാതാനെ ഏക്ത നഗറിൽ നിന്നും ആരംഭിക്കുന്ന തുരങ്കം താനെ മാൻപാഡയിലെ തിക്കുജ്ജിനിവാഡിയിലാണ് അവസാനിക്കുന്നത്. ഏതാനും ദിവസങ്ങൾക്കുള്ളിൽ പാതയ്ക്കായുള്ള കരാ‍ർ ഉറപ്പിക്കുമെന്ന് മുംബൈ മെട്രോപൊളിഷ്യൻ റീജിയൺ ഡെവലപ്മെന്റ് അതോരിറ്റി വ്യക്തമാക്കി.
