പോപ്പുലർ ഫ്രണ്ടിനെ മാത്രമല്ല ബജ് രം​ഗ് ദളിനേയും നിരോധിക്കും; പ്രകടന പത്രിക പുറത്തിറക്കി കോൺ​ഗ്രസ്

നിരോധിത ഇസ്ലാമിക സംഘടനയായ പോപ്പുലർ ഫ്രണ്ടിന് സമാനമായി വിശ്വഹിന്ദു പരിഷത്തിന്റെ യുവജന വിഭാഗമായ ബജ് രംഗ് ദളിനേയും നിരോധിക്കുമെന്നും പ്രകടന പത്രികയിൽ വ്യക്തമാക്കുന്നു. “ഭൂരിപക്ഷമോ ന്യൂനപക്ഷമോ ആയാലും” ശത്രുതയോ വിദ്വേഷമോ വളർത്തുന്ന ഇത്തരത്തിലുള്ള സംഘടനകളെ നിരോധിക്കുമെന്ന് കോൺഗ്രസ് പറഞ്ഞു.

ജാതിയുടെയും മതത്തിന്റെയും പേരിൽ സമുദായങ്ങൾക്കിടയിൽ വിദ്വേഷം പടർത്തുന്ന വ്യക്തികൾക്കും സംഘടനകൾക്കുമെതിരെ ഉറച്ചതും നിർണായകവുമായ നടപടിയെടുക്കാൻ കോൺഗ്രസ് പാർട്ടി പ്രതിജ്ഞാബദ്ധമാണെന്നും പ്രകടന പത്രികയിൽ പറയുന്നു. നിയമലംഘനനം നടത്താൻ ബജ് രംഗ് ദള്ളും പോപ്പുലർ ഫ്രണ്ടും പോലെയുള്ള സംഘടനകളെ അനുവദിക്കില്ല. അതിന് പുറമെ, അധികാരത്തിൽ എത്തി ഒരു വർഷത്തിനുള്ള ബിജെപി സർക്കാർ കൊണ്ടുവന്ന ജനവിരുദ്ധ – നീതിരഹിതമായ നിയമങ്ങൾ റദ്ദാക്കുമെന്നും പ്രകടന പത്രികയിൽ പറയുന്നു.

ഇതിനെല്ലാം പുറമെ, ജനകീയമായ നിരവധി പ്രഖ്യാപനങ്ങളും പത്രികയിൽ ഉൾപ്പെടുത്തിയിട്ടുണ്ട്. എല്ലാവർക്കും 200 യൂണിറ്റ് വൈദ്യുത സൗജന്യമായ നൽകുന്ന ഗൃഹ ജ്യോതി, കുടുംബനാഥയ്ക്ക് എല്ലാ മാസവും 2,000 രൂപ വീതം അനുവദികക്കുന്ന ഗൃഹ ലക്ഷ്മി, എല്ലാ ബിപിഎൽ കുടുംബത്തിനും 10 കിലോ ഭക്ഷ്യധാന്യം നൽകുന്ന അന്ന ഭാഗ്യ, തൊഴിൽരഹിത ബിരുദധാരികൾക്ക് മാസം 3,000 രൂപ വീതവും 1,500 വീതം എല്ലാ തൊഴിൽരഹിത ഡിപ്ലോമയുള്ളവർക്കും നൽകുന്ന യുവ നിധി, സംസ്ഥാനത്തെ എല്ലാ സ്ത്രീകൾക്കും സൗജന്യമായി കെഎസ്ആർടിസി / ബിഎംടിസി ബസുകളിലും യാത്ര നടത്തുന്നതിന് ശക്തി എന്നീ പദ്ധതികളും അധികാരത്തിൽ എത്തി ഒരു വർഷത്തിനുള്ളിൽ നടപ്പാക്കുമെന്ന് പ്രകടന പത്രികയിൽ പറയുന്നു.

കർണാടക മുൻ മുഖ്യമന്ത്രി സിദ്ധരാമയ്യ, കെപിസിസി അധ്യക്ഷൻ ഡി കെ ശിവകുമാർ എന്നിവരുടെ സാന്നിധ്യത്തിൽ കോൺഗ്രസ് അധ്യക്ഷൻ മല്ലികാർജുൻ ഖാർഗെയാണ് പത്രിക പുറത്തിറക്കിയത്.

Also Read : ട്രെയിനുകൾ കുതിക്കും; ഇന്ത്യൻ റെയിൽവേയുടെ 53 പ്രധാന റൂട്ടുകളുടെ വേഗത മണിക്കൂറിൽ 130 കിലോമീറ്ററായി ഉയർത്തും

നേരത്തെ പോപ്പുലർ ഫ്രണ്ട് നിരോധനവുമായി ബന്ധപ്പെട്ട് കോൺഗ്രസിനെതിരെ കേന്ദ്ര ആഭ്യന്തരമന്ത്രി അമിത് ഷാ കടുത്ത വിമർശനം ഉന്നയിച്ചിരുന്നു. ബിജെപിക്കുള്ള ഓരോ വോട്ടും പിഎഫ്ഐയിൽ നിന്ന് സംസ്ഥാനത്തെ സംരക്ഷിക്കുമെന്ന് ഏപ്രിലിൽ കേന്ദ്ര ആഭ്യന്തര മന്ത്രി അമിത് ഷാ പറഞ്ഞിരുന്നു.

Read Latest National News and Malayalam News