മുഖ്യമന്ത്രി ഇപ്പോൾ ആകാശവാണി പോലെ, ആറുമണി പത്രസമ്മേളനം എവിടെപ്പോയെന്ന് വി ഡി സതീശൻ

മുഖ്യമന്ത്രിക്ക് പ്രസാഡിയോ കമ്പനിയുമായി എന്താണ് അടുപ്പമെന്ന് ചോദിച്ചിട്ടും മറുപടി നൽകുന്നില്ല. സർക്കാരിൽനിന്നു കിട്ടുന്ന എല്ലാ വർക്കുകളും പർച്ചേസ് ഓർഡറുകളും കമ്മീഷനും പ്രസാഡിയോയിലേക്ക് എത്തിക്കുന്ന ഇടനിലക്കാരാണ് മറ്റ് കമ്പനികളെല്ലാം. അതു സംബന്ധിച്ച രേഖകളാണ് പുറത്തുവിടുന്നത്. ഇത്രയും ഉപകരാറുകളും പർച്ചേസ് ഓർഡറുകളും നൽകാൻ പ്രസാഡിയോയ്ക്ക് ഭരണവുമായുള്ള ബന്ധം എന്താണ്? മുഖ്യമന്ത്രിയുമായി അടുപ്പമുള്ളത് കൊണ്ടാണ് അദ്ദേഹം മറുപടി പറയാത്തത്. മുഖ്യമന്ത്രി പരിഭ്രാന്തനായത് കൊണ്ടാണ് ആരോപണങ്ങൾക്ക് മറുപടി നൽകാത്തത്. പ്രതിപക്ഷം ഉന്നയിച്ച ഏഴ് ചേദ്യങ്ങൾക്ക് പോലും മറുപടി നൽകിയിട്ടില്ല. ഭയന്നിട്ടാണോ മുഖ്യമന്ത്രി മഹാമൗനത്തിന്റെ മാളത്തിലേക്ക് ഒളിച്ചോടുന്നതെന്ന് വി ഡി സതീശൻ ചോദിച്ചു.

ഒന്നാം പിണറായി സർക്കാരിന്റെ കാലത്ത് നടന്ന കൊള്ളയാണിത്. പണം കിട്ടാൻ വേണ്ടി എന്തും ചെയ്യുന്ന അവസ്ഥയാണ്. പണത്തിന് വേണ്ടി മുഖ്യമന്ത്രി ഓഫീസ് കേന്ദ്രീകരിച്ച് സ്വർണക്കള്ളക്കടത്ത് നടത്തുകയും പാവങ്ങൾക്ക് വീട് വെക്കുന്ന ലൈഫ് മിഷനിൽനിന്നു പണം അടിച്ചുമാറ്റുകയും ചെയ്തു. ഒന്നാം പിണറായി സർക്കാരിന്റെ കാലത്തെ കൊള്ളയുടെ വിവരങ്ങളാണ് ഓരോന്നായി പുറത്തുവരുന്നതെന്നും അദ്ദേഹം ആരോപിച്ചു.

പ്രഖ്യാപിച്ച വേഗതയില്ല; സ്റ്റേഷനുകളിൽ കൃത്യസമയത്ത് എത്താതെ വന്ദേഭാരത്

ഇഷ്ടക്കാരുടെ പേരിൽ കമ്പനി രൂപീകരിച്ച് അവരുടെ പെട്ടിയിൽ പണം എത്തിച്ചു സ്വന്തം പെട്ടിയിലേക്ക് മാറ്റുന്ന പരിപാടിയാണ് ചെയ്തത് എന്നതിനുള്ള വ്യക്തമായി തെളിവുകളാണ് പുറത്ത് വന്നിരിക്കുന്നത്. രേഖകളുടെ അടിസ്ഥാനത്തിൽ പ്രതിപക്ഷം ഉന്നയിച്ച ആരോപണങ്ങൾക്ക് മുഖ്യമന്ത്രി മറുപടി പറഞ്ഞേ മതിയാകൂ. ഇപ്പോൾ മുഖ്യമന്ത്രിയുടെ ആറുമണി പത്രസമ്മേളനം എവിടെപ്പോയി? ഇപ്പോൾ ആകാശവാണി പോലെ പൊതുസമ്മേളനങ്ങളിൽ മാത്രമേ സംസാരിക്കൂ. അങ്ങോട്ട് ഒരു ചോദ്യവും ചോദിക്കാൻ പാടില്ല. സംസ്ഥാനത്തിന്റെ പൊതുപണം കൊള്ളയടിച്ചെന്ന ഗുരുതരമായ ആരോപണത്തിൽ മുഖ്യമന്ത്രി മറുപടി പറഞ്ഞേ മതിയാകൂവെന്നു പ്രതിപക്ഷ നേതാവ് ആവശ്യപ്പെട്ടു.

പ്രസാഡിയോ കമ്പനിക്ക് മുഖ്യമന്ത്രിയുമായി ബന്ധമുണ്ടെന്ന ആരോപണത്തിൽ ആദ്യം മുഖ്യമന്ത്രിയാണ് മറുപടി പറയേണ്ടത്. ആരോപണങ്ങൾ നിഷേധിക്കാൻ പോലും മുഖ്യമന്ത്രി ഇതുവരെ തയാറായിട്ടില്ല. ആരോപണങ്ങൾ മുഖ്യമന്ത്രിയുടെ വാതിൽക്കൽ എത്തി നിൽക്കുകയാണ്. അതിന്റെ വിഭ്രാന്തിയിലാണ് ആരാണ് ഇവിടുത്തെ പ്രതിപക്ഷ നേതാവെന്ന് മുഖ്യമന്ത്രി ചോദിച്ചത്. അങ്ങനെ എന്തെങ്കിലും സംശയം ഉണ്ടെങ്കിൽ അത് മാറ്റിക്കൊടുക്കാം. നിയമസഭയിൽ പലപ്രാവശ്യം സംശയം മാറ്റിക്കൊടുത്തിട്ടുള്ളതാണെന്നും അദ്ദേഹം അഭിപ്രായപ്പെട്ടു.

എഐ ക്യാമറ: ടെൻഡർ ലഭിച്ചയാൾ മുഖ്യമന്ത്രിയുടെ മകൻ്റെ ഭാര്യാപിതാവിൻ്റെ ബിനാമിയെന്ന് ശോഭ സുരേന്ദ്രൻ

ഞങ്ങളുടെ പാർട്ടിയിൽ എല്ലാവരുമായും ആലോചിച്ചാണ് എല്ലാം ചെയ്യുന്നത്. ഉമ്മൻ ചാണ്ടി പ്രതിപക്ഷ നേതാവായിരുന്ന കാലത്ത് ലോട്ടറി ഇടപാടുകൾ ഉൾപ്പെടെയുള്ള എല്ലാ എല്ലാ അഴിമതി ആരോപണങ്ങളും ഞാനാണ് ഉന്നയിച്ചിരുന്നത്. രമേശ് ചെന്നിത്തലയും ഞാനും പരസ്പരം ആലോചിച്ചാണ് ക്യാമറ അഴിമതി സംബന്ധിച്ച ആരോപണം ഉന്നയിച്ചത്. ഞങ്ങൾ രണ്ടു പേരും പുറത്തുവിട്ട രേഖകളൊക്കെ ചോദ്യചിഹ്നമായി സർക്കാരിന് മുന്നിൽ നിൽക്കുമ്പോൾ ഭീതികൊണ്ടും ഭയം കൊണ്ടുമാണ് മുഖ്യമന്ത്രി പരിഹസിക്കുന്നത്- അദ്ദേഹം വിമർശിച്ചു.

അഴിമതി ക്യാമറ സംബന്ധിച്ച് പ്രതിപക്ഷം ഉന്നയിച്ച ആരോപണങ്ങൾക്ക് മറുപടി നൽകാൻ മുഖ്യമന്ത്രിയെ വെല്ലുവിളിക്കുന്നു. മറുപടി നൽകാൻ മുഖ്യമന്ത്രിക്ക് ധൈര്യമുണ്ടോ? ഇത്രയും ഭീരുവായ ഒരു മുഖ്യമന്ത്രിയെ കേരളം കണ്ടിട്ടില്ല. മടിയിൽ കനമില്ലെന്ന് കേരളം മുഴുവൻ ബോർഡ് വച്ചിട്ട് കാര്യമില്ല. മുഖ്യമന്ത്രിയുടെ മടിയിൽ കനമുള്ളത് കൊണ്ടാണ് ഞങ്ങൾ ആരോപണം ഉന്നയിക്കുന്നത്. യോഗ്യതയില്ലാത്ത മൂന്ന് കമ്പനികളാണ് ടെൻഡറിൽ പങ്കെടുത്തത്. കാർട്ടൽ രൂപീകരിച്ച് ടെൻഡർ കിട്ടിയതിന് പിന്നാലെയാണ് മറ്റ് രണ്ട് കമ്പനികളുമായി ചേർന്ന് കൺസോർഷ്യം രൂപീകരിച്ചു. എസ്ആർഐടി ആദ്യഘട്ടത്തിൽ അൽഹിന്ദ്, പ്രസാഡിയോ എന്നീ കമ്പനികളുമായി ചേർന്നാണ് കൺസോർഷ്യം രൂപീകരിച്ചത്. കൺസോർഷ്യം രൂപീകരിക്കുന്ന യോഗത്തിൽ വിദേശത്ത് ബിസിനസ് നടത്തുന്ന ആരെങ്കിലും പങ്കെടുത്തിട്ടുണ്ടോയെന്ന് മുഖ്യമന്ത്രി വ്യക്തമാക്കണം. നഗ്നമായ അഴിമതിയാണ് നടന്നിരിക്കുന്നത്. അതുകൊണ്ടാണ് ഒരു ചോദ്യത്തിനും മറുപടി നൽകാത്തത്. ഇതേക്കുറിച്ച് സമഗ്രമായ ജുഡീഷ്യൽ അന്വേഷണം നടത്തണമെന്നും വി ഡി സതീശൻ ആവർത്തിച്ചു.

പുളിമാത്ത്-അങ്കമാലി ഗ്രീൻഫീൽഡ് ഹൈവേ; ഇനി വേണ്ടത് പാരിസ്ഥിതികാനുമതി; പദ്ധതിയുമായി മുന്നോട്ടെന്ന് ദേശീയപാത അതോരിറ്റി

അഴിമതി നിയന്ത്രിക്കാൻ ആവശ്യമായ സംവിധാനങ്ങൾ ഇല്ലാത്ത അവസ്ഥയാണ് സംസ്ഥാനത്ത് നിലനിൽക്കുന്നത്. അഴിമതി നടത്തുന്നതിന് വേണ്ടിയാണ് ലോകായുക്തയെ ദുർബലപ്പെടുത്തിയത്. ക്യാമറ ഇടപാടിൽ നടന്നതിനേക്കാൾ വലിയ അഴിമതിയാണ് കെ ഫോണിൽ നടന്നിരിക്കുന്നത്. അതിന്റെ വിവരങ്ങളും വൈകാതെ പുറത്ത് വിടും. ഇതേ കമ്പനികൾ തന്നെയാണ് ആ പദ്ധതിയിലും ഉൾപ്പെട്ടിരിക്കുന്നത്. കൊണ്ടു പോയ പണമൊക്കെ പാർക്ക് ചെയ്യാൻ പ്രത്യേക സ്ഥലമുണ്ട്. ഗവേഷണം നടത്തിയാണ് അഴിമതി ചെയ്യുന്നത്. എല്ലാം പുറത്ത് വരുമെന്നും അദ്ദേഹം പറഞ്ഞു.

ആരോപണങ്ങൾ ഊരാളുങ്കലിനെ തകർക്കാനുള്ളതല്ല. പക്ഷെ കള്ളത്തരങ്ങൾ പുറത്ത് വന്നാൽ ഊരാളുങ്കൽ തകരും. ഊരാളുങ്കലിനെ പ്രതിപക്ഷം കൂടുതൽ ശ്രദ്ധിക്കണമെന്നാണ് ഗോവിന്ദൻ മാഷ് പറഞ്ഞതെന്നാണ് തോന്നുന്നത്. ഇതിന് മുൻപും അദ്ദേഹം ഇത്തരം പ്രസ്താവനകൾ നടത്തിയിട്ടുണ്ട്. ഈ മാസം 9, 10 തീയതികളിൽ കോൺഗ്രസ് നേതൃസംഗമം വയനാട്ടിൽ നടക്കും. അഴിമതിക്കെതിരെ സർക്കാരിന്റെ രണ്ടാം വാർഷികത്തിൽ യുഡിഎഫ് സെക്രട്ടേറിയറ്റ് വളയുമെന്നും പ്രതിപക്ഷ നേതാവ് അറിയിച്ചു.

Read Latest Kerala News and Malayalam News