ചർമ്മത്തിൻ്റെ തിളക്കം നിലനിർത്തി പാടുകൾ മാറ്റാൻ മഞ്ഞൾ വിദ്യ

കാപ്പിപ്പൊടി

രാവിലെ കാപ്പിയോ ചായയോ കുടിച്ചാൽ മാത്രമേ മലയാളികൾക്ക് ഉന്മേഷം ലഭിക്കൂ. പക്ഷെ ഈ കാപ്പിപൊടി കൊണ്ട് ചർമ്മത്തിൻ്റെ സൗന്ദര്യം എളുപ്പത്തിൽ വീണ്ടെടുക്കാൻ കഴിയും. നിർജ്ജീവമായ ചർമ്മ കോശങ്ങളെ എളുപ്പത്തിൽ ഇല്ലാതാക്കാൻ സഹായിക്കുന്ന വളരെ സുലഭമായി ലഭിക്കുന്ന ചേരുവയാണ് കാപ്പിപൊടി. ചർമ്മത്തിന് മൃദുത്വവും തിളക്കവും നൽകാൻ കാപ്പിപൊടി ഏറെ സഹായിക്കും. അധിക എണ്ണമയം നീക്കാനും ഇത് നല്ലതാണ്. ചെറുപ്പവും തിളക്കവും നൽകാൻ സഹായിക്കുന്നതാണ് കാപ്പിപൊടി. പാടുകളില്ലാത്ത ചർമ്മം കിട്ടാൻ ഇത് ഏറെ സഹായിക്കും.

ചർമ്മത്തെ ആരോഗ്യത്തോടിരിക്കാൻ പ്രകൃതിദത്തവഴികൾ

മഞ്ഞൾ​

ചർമ്മത്തിൻ്റെ പല പ്രശ്നങ്ങൾക്കുമുള്ള പരിഹാരമാണ് മഞ്ഞൾ. പ്രകൃതിദത്തമായ രീതിയിൽ ചർമ്മത്തിൻ്റെ സ്വാഭാവിക തിളക്കവും നിറം കൂട്ടാൻ ഏറ്റവുമധികം സഹായിക്കുന്നതാണ് മഞ്ഞൾ. ഇതിൽ ധാരാളം ആൻ്റി ഇൻഫ്ലമേറ്ററി ആൻ്റി സെപ്റ്റിക് ഘടകങ്ങൾ അടങ്ങിയിട്ടുണ്ട്. ശരീരത്തിലെ കൊളാജൻ ഉത്പ്പാദനം കൂട്ടാൻ ഇത് വളരെയധികം സഹായിക്കുന്നു. അപകടകാരികളായ ഫ്രീ റാഡിക്കലുകളെ നശിപ്പിക്കുന്നതിനും മഞ്ഞൾ സഹായിക്കുന്നുണ്ട്. പ്രകൃതിദത്തമായ ക്ലെൻസർ കൂടിയാണ് മഞ്ഞൾ. ചർമ്മത്തിന് വേ​ഗത്തിൽ തിളക്കം കിട്ടാൻ സഹായിക്കുന്നതാണ് മഞ്ഞൾ. വീട്ടിൽ തന്നെ വളർത്തിയെടുക്കുന്ന മഞ്ഞളാണെങ്കിൽ ഫലം ഇരട്ടിയായി ലഭിക്കും.

​തേൻ​

ഏറെ ഔഷധ ഗുണങ്ങളുള്ള ചേരുവയാണ് തേൻ. തേനിൽ അടങ്ങിയിരിക്കുന്ന പല ഘടകങ്ങളും ചർമ്മത്തിൻ്റെ പല പ്രശ്നങ്ങളും ഇല്ലാതാക്കാൻ സഹായിക്കും. തേനിൻ്റെ പതിവായി ഉള്ള ഉപയോഗം ചർമ്മത്തിന് തിളക്കം നൽകാൻ മികച്ചതാണ്. ഇതിൽ ധാരാളം ആൻ്റി ഓക്സിഡൻ്റുകൾ അടങ്ങിയിട്ടുണ്ട്. ചർമ്മത്തിന് തിളക്കവും നിറവും നൽകാൻ ഇത് സഹായിക്കും. മുഖക്കുരു വരാതിരിക്കാനും കറുത്ത പാടുകൾ മാറ്റാനും തേൻ നല്ലതാണ്. ചർമ്മത്തെ പോഷിപ്പിക്കാനുള്ള കഴിവും ഇതിൽ അടങ്ങിയിട്ടുണ്ട്.

​വെളിച്ചെണ്ണ

അടുക്കളയിൽ പാചകത്തിന് ഉപയോ​ഗിക്കുന്നതാണ് വെളിച്ചെണ്ണ. ഇത് ഇല്ലാതെ പാചകത്തിനെപ്പറ്റി മലയാളികൾക്ക് ചിന്തിക്കാൻ പോലും കഴിയില്ല. എന്നാൽ സാധാരണ വെളിച്ചെണ്ണയിൽ നിന്ന് വ്യത്യസ്തമാണ് വെർജിൻ കൊക്കനട്ട് ഓയിൽ. ചർമ്മത്തിനും അതുപോലെ ആരോ​ഗ്യത്തിന് ഏറെ നല്ലതാണ് വെർജിൻ കൊക്കനട്ട് ഓയിൽ. ഈ പായ്ക്ക് തയാറാക്കാനും വെർജിൻ കോക്കനട്ട് ഓയിലാണ് ആവശ്യം. ഇതിൽ ധാരാളം ഫാറ്റി ആസിഡുകൾ അടങ്ങിയിട്ടുണ്ട്. ഇത് ചർമ്മത്തിന് ഏറെ ​ഗുണം ചെയ്യും. ഇതിൽ ധാരാളമായി വൈറ്റമിൻ ഇ അടങ്ങിയിട്ടുണ്ട്. ഇത് ചർമ്മത്തിൻ്റെയും മുടിയുടെയും പല പ്രശ്നങ്ങളും ഇല്ലാതാക്കുന്നു.

Also Read: മുഖം കഴുകുമ്പോൾ ഈ തെറ്റുകൾ ഒഴിക്കാൻ ശ്രമിക്കൂ, ചർമ്മം സംരക്ഷിക്കൂ​

​പായ്ക്ക് തയാറാക്കുന്ന വിധം

1 ടീ സ്പൂൺ ചെറു തേൻ, അര് ടീസ്പൂൺ കസ്തൂരി മഞ്ഞൾ പൊടിയും വെർജിൻ കൊക്കനട്ട് ഓയിലും, 1 ടീസ്പൂൺ കാപ്പിപൊടിയും ചേർത്ത് നന്നായി യോജിപ്പിക്കുക. അതിന് ശേഷം ഈ മിശ്രിതം മുഖത്ത് പുരട്ടി അര മണിക്കൂർ കഴിഞ്ഞ ശേഷം കഴുകി കളയാവുന്നതാണ്. ചർമ്മത്തിന് തിളക്കം കിട്ടാനും പാടുകളും ചുളിവുകളും മാറ്റാനും ഇത് ഏറെ സഹായിക്കും. ചർമ്മത്തിൽ കൊളജൻ നിലനിർത്താൻ ഈ ഫേസ് പാക്ക് ഏറെ സഹായിക്കും.

English Summary: Face pack for wrinkle free skin

Disclaimer: പൊതു വിവരങ്ങളുടെ അടിസ്ഥാനത്തിലാണ് ഈ ലേഖനം തയാറാക്കിയിരിക്കുന്നത്. ചർമ്മത്തിൽ പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.