Authored by Karthik KK | Samayam Malayalam | Updated: 2 May 2023, 7:57 pm
തൂക്കിക്കൊല്ലുന്നതിനു പകരം മറ്റ് മാർഗങ്ങൾ തേടണമെന്ന പൊതുതാൽപര്യ ഹർജി പരിഗണിക്കവെയാണ് വിദഗ്ധ സമിതി രൂപീകരിക്കുമെന്ന കാര്യം കേന്ദ്രം സുപ്രീംകോടതിയെ അറിയിച്ചത്.
ഹൈലൈറ്റ്:
- പൊതു താൽപര്യ ഹർജി പരിഗണിക്കുകയായിരുന്നു സുപ്രീംകോടതി
- തൂക്കി കൊല്ലുന്നതിനു പകരം മറ്റ് മാർഗങ്ങൾ അവലംബിക്കണം
- കോടതി നിർദേശത്തിന്റെ അടിസ്ഥാനത്തിലാണ് സമിതി രൂപീകരിച്ചത്
തൂക്കി കൊല്ലുന്നതിനു പകരം വിഷം കുത്തിവെച്ചോ ഷോക്കടിപ്പിച്ചോ, ഗ്യാസ് ചേമ്പറിലിട്ടോ, വെടിവെച്ചോ വധശിക്ഷ നടപ്പാക്കണമെന്നാണ് ആവശ്യം. ഇത്തരം രീതികൾ അവലംബിക്കുകയാണെങ്കിൽ വേഗത്തിൽ മരണം ഉറപ്പാക്കാൻ കഴിയുമെന്നാണ് ഹർജിക്കാരന്റെ വാദം.
ടെണ്ടറിൽ മുഖ്യമന്ത്രി സ്വജനപക്ഷപാതം കാണിച്ചു: ശോഭ സുരേന്ദ്രൻ
വധശിക്ഷയ്ക്കു പകരം മറ്റ് മാർഗങ്ങൾ തേടുന്ന കാര്യം പരിശോധിക്കാൻ സമിതി രൂപീകരിക്കുന്ന കാര്യം പരിഗണിക്കുമെന്ന് സുപ്രീംകോടതി വ്യക്തമാക്കി. കോടതി നിർദ്ദേശത്തിന്റെ അടിസ്ഥാനത്തിൽ വിദഗ്ധ സമിതി രൂപീകരിക്കാൻ ശിപാർശ നൽകിയതായി അറ്റോർണി ജനറൽ (എജി) സുപ്രീംകോടതിയെ അറിയിച്ചു.
കേരള സ്റ്റോറി നിരോധിക്കണമെന്ന് സിപിഎം പറഞ്ഞിട്ടില്ല: എം വി ഗോവിന്ദൻ
തൂക്കിക്കൊല്ലുമ്പോൾ ഉണ്ടാകുന്ന വേദന, മരണപ്പെടാൻ എടുക്കുന്ന കാലതാമസം, അടക്കമുള്ളവയെക്കുറിച്ചുള്ള വിവരങ്ങൾ നൽകാൻ അറ്റോർണി ജനറൽ ആർ വെങ്കിട്ടരമണിയോട് സുപ്രീംകോടതി നേരത്തെ ആവശ്യപ്പെട്ടിരുന്നു. വിദഗ്ധ സമിതിയിലെ അംഗങ്ങൾ ആരൊക്കെയെന്നതു സംബന്ധിച്ച് സർക്കാർ ആലോചിക്കുന്നുണ്ടെന്ന് എ ജി ചൊവ്വാഴ്ച കോടതിയിൽ പറഞ്ഞു. എ ജിയുടെ സബ്മിഷൻ പരിഗണിച്ച് ജുലൈയിൽ അവധിക്ക് ശേഷം വിഷയം പരിഗണിക്കുമെന്ന് സുപ്രീംകോടതി വ്യക്തമാക്കി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
