ആലപ്പുഴയിലെ ചേർത്തല കേന്ദ്രമായി പ്രവർത്തിക്കുന്ന ‘നെയ്ത്ത് ബൈ എക്സ്ട്രാ വീവ്സ്’ ആണ് പരവതാനി നിർമിച്ചത്. 1917ൽ പ്രവർത്തനം ആരംഭിച്ച ‘നെയ്ത്ത്’ ഗുണമേന്മ ഒന്നുകൊണ്ടുമാത്രമാണ് ലോക ശ്രദ്ധ ആകർഷിച്ചത്. ഇന്ന് ലോകമാകെ ശ്രദ്ധയാകർഷിക്കുന്ന സ്ഥാപനമായി നെയ്ത്ത് വളർന്നതിനു പിന്നിൽ ശിവൻ സന്തോഷും ഭാര്യ നിമിഷ ശ്രീനിവാസും നടത്തുന്ന കഠിന പ്രയത്നമാണ്.
ആളൊഴിഞ്ഞ പറമ്പിൽ 220 കഞ്ചാവ് ചെടികൾ
എകദേശം 9,600 ചതുരശ്ര മീറ്ററുള്ള പരവതാനിയാണ് മെറ്റ് ഗാലയ്ക്കുവേണ്ടി നിർമിച്ചത്. അഗാബെ ഇനത്തിൽ പെട്ട കള്ളിമുള്ളി ചെടിയുടെ തൊലിയിൽ നിന്നുള്ള സിസൽ എന്ന നാരുപയോഗിച്ചാണ് പരവതാനി നിർമിച്ചിരിക്കുന്നത്. മഡഗാസ്കറിൽ നിന്നുള്ള ഏറ്റവും ഗുണമേന്മയുള്ള നാരുകളാണ് പരവതാനി നിർമാണത്തിനായി ഉപയോഗിച്ചത്. 70 ദിവസം നീണ്ട പരശ്രമത്തിനൊടുവിലാണ് പരവതാനി നിർമാണം പൂർത്തിയാക്കിയതെന്ന് ശിവൻ സന്തോഷ് പറയുന്നു. സിസൽ നാരുകൾ ഉപയോഗിച്ചുണ്ടാക്കിയ പരവതാനിയിൽ നീലയും ചുവപ്പുമുപയോഗിച്ചുള്ള വരകൾ തീർത്തത് അമേരിക്കയിൽ നിന്നുള്ള കലാകാരന്മാരാണ്. വരകൾ തീർത്തത് ഉൾപ്പെടെ നൂറ് ദിവസമാണ് പരവതാനി തയ്യാറാക്കാൻ വേണ്ടിവന്നത്.
Kerala Rain:ഇന്നും ശക്തമായ മഴ, ആറ് ജില്ലകളിൽ യെല്ലോ അലേർട്ട്, കടൽ പ്രക്ഷുബ്ദമാകും
ഫൈബർ വർക്ക്സ് എന്ന അമേരിക്കൻ സ്ഥാപനം വഴിയാണ് മെറ്റ് ഗാലയ്ക്കു വേണ്ടിയുള്ള പരവതാനി നിർമിക്കുന്നതിനുള്ള അവസരം നെയ്ത്തിന് ലഭിക്കുന്നത്. പരവതാനി നിർമിച്ചു നൽകുകയെന്നത് മാത്രമായിരുന്നു നെയ്ത്തിന്റെ ഉത്തരവാദിത്തം. ഒരു ഇന്ത്യൻ സ്ഥാപനം മെറ്റ് ഗാലയ്ക്കു വേണ്ടിയുള്ള പരവതാനി നിർമിച്ചുവെന്നുള്ളത് വലിയ നേട്ടമാണെന്ന് ശിവൻ സന്തോഷ് പറയുന്നു. ഇത് രണ്ടാം തവണയാണ് നെയ്ത്ത് മെറ്റ് ഗാലയ്ക്കു വേണ്ടി പരവതാനി നെയ്തു നൽകുന്നത്. വൈറ്റ് ഹൗസിലെ ഒരു പരിപാടിക്കു വേണ്ടിയും ഇവ‍ർ നി‍ർമിച്ച പരവതാനി ഉപയോഗിച്ചിട്ടുണ്ട്.
എന്താണ് മെറ്റ് ഗാല?
ലോകത്തിലെ ഏറ്റവും വലിയ ഫാഷൻ ഇവന്റാണ് മെറ്റ് ഗാല. ‘ഫാഷന്റെ ഏറ്റവും വലിയ രാത്രി’ എന്നാണ് മെറ്റ് ഗാല അറിയപ്പെടുന്നത്. വോഗ് മാഗസിൻ സംഘടിപ്പിക്കുന്ന പരിപാടിയിൽ സിനിമ, ടെലിവിഷൻ, സംഗീതം, നാടകം, ബിസിനസ്, സ്പോർട്സ്, സോഷ്യൽ മീഡിയ, രാഷ്ട്രീയം, എന്നീ മേഖലയിൽ നിന്നുള്ളവർ പങ്കെടുക്കാറുണ്ട്. ബോളിവുഡ് താരങ്ങളായ പ്രിയങ്ക ചോപ്ര, ദീപിക പദുക്കോൺ, ഐശ്വര്യ റായ് ബച്ചൻ അടക്കമുള്ളവർ മെറ്റ് ഗാലയിൽ മുൻ വർഷങ്ങളിൽ പങ്കെടുത്തിട്ടുണ്ട്.
‘ഗോവിന്ദൻ, ഇനി നമുക്ക് കോടതിയിൽ കാണാം, കാത്തിരിക്കുന്നു’; മാനനഷ്ടക്കേസിൽ സ്വപ്ന സുരേഷ്
സാധാരണയായി മെയ് മാസത്തിലെ ആദ്യ തിങ്കളാഴ്ചയാണ് മെറ്റ് ഗാല നടക്കുന്നത്. ഓരോ വ‍ർഷവും വ്യത്യസ്തമായ തീം ഉണ്ടായിരിക്കും. ശ്രദ്ധാപൂർവം ക്യൂറേറ്റ് ചെയ്യപ്പെട്ട അതിത്ഥികളാകും മെറ്റ് ഗാലയിൽ പങ്കെടുക്കുക. മെറ്റ് ഗാലയിൽ പങ്കെടുക്കുന്നവ‍ർ തീമിന് അനുസരിച്ച വസ്ത്രം ധരിക്കേണ്ടതുണ്ട്. മുൻ നിര ഫാഷൻ ഡിസൈനർമാരുമായി സഹകരിച്ചാണ് സെലിബ്രിറ്റികൾ തങ്ങളുടെ കോസ്റ്റ്യൂം ഒരുക്കുന്നത്. വസ്ത്രങ്ങളുടെയും ഫാഷൻ ആക്സസറികളുടെയും ലോകത്തിലെ ഏറ്റവും വലിയ ശേഖരമായ കോസ്റ്റ്യൂം ഇൻസ്റ്റിറ്റ്യൂട്ടിന്റെ പ്രവ‍ർത്തനത്തിനായി ഓരോ വ‍ർഷവും മെറ്റ് ഗാലയിലൂടെ ദശലക്ഷക്കണക്കിന് ഡോളറാണ് ശേഖരിക്കുന്നത്.
