ചൂടുകാലത്തെ വ്യായാമത്തിൽ ചെയ്യേണ്ടതും ഒഴിവാക്കേണ്ടതും

വേനൽക്കാലത്തിന്റെ മധ്യത്തിൽ പോലും നാം ഇതുവരെ എത്തിയിട്ടില്ല. എന്നിട്ടുപോലും താപനില ഇതിനകം സഹിക്കാനാവുന്നതിലും അപ്പുറം ഉയർന്നുകൊണ്ടിരിക്കുകയാണ്. എന്നാൽ ഇത് വ്യായാമം ചെയ്യുന്നത് ഒഴിവാക്കുന്നതിനുള്ള ഒരു കാരണമായി നിങ്ങൾ കാണരുത്. ചില കാര്യങ്ങൾ മനസ്സിൽ വച്ചുകൊണ്ട് നിങ്ങൾക്ക് വേനൽക്കാലത്ത് പോലും പുറത്തു പോയി ചെയ്യുന്ന വ്യായാമ പ്രവർത്തനങ്ങൾ തുടരാനാകും.

നിങ്ങൾ വേണ്ടവിധം ശ്രദ്ധിക്കുന്നില്ലെങ്കിൽ, വളരെയധികം വ്യായാമം ചെയ്യുന്നത് വിയർപ്പും ചൂടും ഉണ്ടാക്കുന്നത് മൂലം ഹൃദയാഘാതം, ഓക്കാനം, തലവേദന, നിർജ്ജലീകരണം എന്നിവയ്ക്ക് കാരണമാകും. നിങ്ങൾ കൂടുതൽ നേരം ചൂടത്ത് സമയം ചിലവഴിക്കുകയാണെങ്കിൽ, നിങ്ങളുടെ ശരീരത്തിന്റെ സ്വാഭാവിക തണുപ്പിക്കൽ സംവിധാനം പരാജയപ്പെടാൻ തുടങ്ങും. ഇത് ക്ഷീണത്തിനും ചൂട് മൂലമുള്ള സൂര്യാഘാതത്തിനും ഇടയാക്കും.

നിങ്ങളുടെ ശരീരത്തിന് വ്യായാമ സമയത്ത് ജലാംശം നഷ്ടപ്പെടുക മാത്രമല്ല, വിയർപ്പിലൂടെ ഇലക്ട്രോലൈറ്റുകളും ഉപ്പും നഷ്ടപ്പെടുന്നതിനാൽ, ധാരാളം വെള്ളം കുടിക്കുന്നത് കൊണ്ട് മാത്രം ശരീരത്തിന് മതിയാകില്ല. ശരീരത്തിലെ ദ്രാവകങ്ങളുടെ സന്തുലിതാവസ്ഥ നിയന്ത്രിക്കാനും മെച്ചപ്പെടുത്തുവാനും സഹായിക്കുന്ന ധാതുക്കളാണ് ഇലക്ട്രോലൈറ്റുകൾ.

പൊട്ടാസ്യം, സോഡിയം, ക്ലോറൈഡ്, ഫോസ്ഫറസ്, മഗ്നീഷ്യം, കാൽസ്യം എന്നിവ ഇലക്ട്രോലൈറ്റുകളിൽ ഉൾപ്പെടുന്നു. കഠിനമായ കേസുകളിൽ ഇലക്ട്രോലൈറ്റിന്റെ അസന്തുലിതാവസ്ഥ പേശികളുടെ വേദന, കോച്ചിപ്പിടുത്തം, ബലഹീനത, ക്രമാനുസൃതമല്ലാത്ത ഹൃദയമിടിപ്പ്, പക്ഷാഘാതം, ഹൃദയസ്തംഭനത്തിലൂടെ മരണം എന്നിവയ്ക്ക് വരെ കാരണമാകും.

റേസ് വാക്കിംഗ് ശീലിച്ചാൽ ഗുണങ്ങളേറെ

വേനൽക്കാലത്ത് സുരക്ഷിതമായി വ്യായാമം ചെയ്യാൻ ചെയ്യേണ്ട ചില കാര്യങ്ങൾ ഇതാ

ഈ സമയത്ത് വ്യായാമം വേണ്ട



ദിവസത്തിലെ ഏറ്റവും ചൂടേറിയ സമയമായ രാവിലെ 10 മുതൽ ഉച്ചകഴിഞ്ഞ് 3 വരെ വ്യായാമം ചെയ്യുന്നത് ഒഴിവാക്കുക. വേനൽക്കാലത്ത് വ്യായാമത്തിന് ഏറ്റവും അനുയോജ്യമായ സമയം അതിരാവിലെ ആണ്. നിങ്ങൾക്ക് നേരത്തെ എഴുന്നേൽക്കാൻ കഴിയുന്നില്ലെങ്കിൽ, സൂര്യാസ്തമയത്തിനു ശേഷം നിങ്ങൾക്ക് വ്യായാമം ചെയ്യാം. കാലാവസ്ഥാ പ്രവചനങ്ങൾ പരിശോധിക്കുന്നത് ഉറപ്പാക്കുക, ഉയർന്ന താപനില, വായു മലിനീകരണം എന്നിവ പ്രവചിക്കപ്പെടുന്നുണ്ടെങ്കിൽ, വീടിനുള്ളിൽ തന്നെ വ്യായാമം ചെയ്യുന്നതാണ് നല്ലത്.

അയഞ്ഞ വസ്ത്രങ്ങൾ



ഇരുണ്ട നിറങ്ങൾ ചൂട് ആഗിരണം ചെയ്യുന്നു, ഇളം നിറമുള്ള വസ്ത്രങ്ങൾ ചൂടിനെ പ്രതിഫലിപ്പിക്കുന്നു. ഇറുകിയ വസ്ത്രങ്ങൾ ധരിക്കുന്നത് നിങ്ങളുടെ ശരീരത്തെ ചൂടാക്കുകയും അസ്വസ്ഥത ഉണ്ടാക്കുകയും വായുവിന്റെ കടന്നുപോക്കിനെ നിയന്ത്രിക്കുകയും ചെയ്യും. ചർമ്മത്തിന് മുകളിലൂടെ കൂടുതൽ വായു സഞ്ചരിക്കാനും സ്വയം തണുപ്പിക്കാനും അയഞ്ഞ വസ്ത്രങ്ങൾ ധരിക്കുക. നിങ്ങളുടെ വിയർപ്പ് നന്നായി ആഗിരണം ചെയ്യുന്നതിനാൽ നിങ്ങൾ പുറത്ത് പോയി വ്യായാമം ചെയ്യുകയാണെങ്കിൽ തിരഞ്ഞെടുക്കാൻ ഏറ്റവും മികച്ച തുണിത്തരമാണ് കോട്ടൺ.

കഷ്ടപ്പെട്ട് വേണ്ട, ഇഷ്ടപ്പെട്ട് ചെയ്യാം സുംബ ഡാൻസ്

സൺസ്ക്രീൻ പുരട്ടുക



വേനൽക്കാലമോ ശൈത്യകാലമോ തെളിഞ്ഞ കാലാവസ്ഥയോ ഏതുമാകട്ടെ, നിങ്ങൾ പുറത്ത് വ്യായാമം ചെയ്യുകയാണെങ്കിൽ, എപ്പോഴും എസ്‌പി‌എഫ് 30 അല്ലെങ്കിൽ ഉയർന്ന അളവിലുള്ള സൺസ്ക്രീൻ പുരട്ടുക. സൺസ്ക്രീൻ പ്രയോഗിക്കാതിരുന്നാൽ അത് സൂര്യതാപത്തിന് ഇടയാക്കും. ഇത് നിങ്ങളിൽ അകാല വാർദ്ധക്യത്തിനും ചർമ്മ കാൻസറിനുമുള്ള സാധ്യത വർദ്ധിപ്പിക്കും. സൂര്യപ്രകാശം ഏൽക്കുന്നത് കുറയ്ക്കുന്നതിന് ദേഹം പൂർണ്ണമായി മൂടുന്ന വസ്ത്രം ധരിക്കുക.

ഒരു വാട്ടർ ബോട്ടിൽ കൈയ്യിൽ കരുതുക



വ്യായാമത്തിന് പുറപ്പെടുന്നതിന് മുമ്പ് കുറഞ്ഞത് രണ്ട് ഗ്ലാസ് വെള്ളമെങ്കിലും കുടിക്കുക. നിങ്ങളുടെ കൈയ്യിൽ ഒരു വാട്ടർ ബോട്ടിൽ കൂടെ കരുതുകയും, നിങ്ങളുടെ വ്യായാമ സമയത്ത് വെള്ളം കുടിക്കുന്നത് തുടരുകയും ചെയ്യുക. നിങ്ങളുടെ വ്യായാമം പൂർത്തിയാക്കിയ ശേഷം കൂടുതൽ വെള്ളം കുടിക്കുക. കലോറി നിറച്ച സ്പോർട്സ് ഡ്രിങ്കുകളല്ല, പഴങ്ങളും പച്ചക്കറികളും ഉപയോഗിച്ച് ഇലക്ട്രോലൈറ്റുകൾ നിറഞ്ഞ ജ്യൂസുകൾ കുടിക്കുക.

ശരീരത്തിന്റെ ലക്ഷണങ്ങൾ ശ്രദ്ധിക്കുക



നിങ്ങൾക്ക് തലകറക്കം, ക്ഷീണം, ഓക്കാനം എന്നിവ അനുഭവപ്പെടാൻ തുടങ്ങുമ്പോൾ വ്യായാമം ചെയ്യരുത്. നിങ്ങളുടെ ശരീരം ശ്രദ്ധിക്കുക, അത്തരം ലക്ഷണങ്ങളും അടയാളങ്ങളും അനുഭവപ്പെടുകയാണെങ്കിൽ വ്യായാമം ചെയ്യുന്നത് ഉടൻ നിർത്തുക – വേഗത്തിലുള്ള ഹൃദയമിടിപ്പ്, നേരിയ തലവേദന, ബലഹീനത, തലകറക്കം, തലവേദന, പേശിവേദന, ഛർദ്ദി എന്നിവ അവഗണിക്കരുത്. ഇത് സംഭവിക്കുകയാണെങ്കിൽ, ഇരിക്കുക, വെള്ളം കുടിക്കുക, പോഷിപ്പിക്കുന്ന പഴങ്ങളോ ലഘുഭക്ഷണമോ കഴിക്കുക.