Curated by Karthik KK | Samayam Malayalam | Updated: 5 May 2023, 5:10 pm
Narendra Modi On Kerala Story Movie: ദി കേരള സ്റ്റോറിയെ പിന്തുണച്ച് പ്രധാനമന്ത്രി നരേന്ദ്രമോദി. കേരള സമൂഹത്തെ തീവ്രവാദം കാർന്നു തിന്നുന്നത് എങ്ങിനെ എന്നതിലേക്ക് സിനിമ വിരൽ ചൂണ്ടുന്നതെന്നും അദ്ദേഹം പറഞ്ഞു.
ഹൈലൈറ്റ്:
- ദി കേരള സ്റ്റോറിയെ പിന്തുണച്ച് പ്രധാനമന്ത്രി.
- കർണാടകയിലെ തെരഞ്ഞെടുപ്പ് പ്രചരണത്തിനിടെയാണ് പരാമർശം.
- വോട്ട് ബാങ്കിനു വേണ്ടിയാണ് കോണ്‍ഗ്രസ് ഭീകരപ്രവര്‍ത്തനത്തെ പിന്തുണയ്ക്കുന്നതെന്നും മോദി പറഞ്ഞു.
ഭീകരവാദത്തിന്റെ വിരൂപമായ സത്യമാണ് കേരള സ്റ്റോറി പുറത്തുകാട്ടുന്നത്. ഭീകരവാദ ഗൂഢാലോചന അടിസ്ഥാനമാക്കിയാണ് സിനിമ നിർമ്മിച്ചിരിക്കുന്നതെന്ന് പറഞ്ഞ മോദി വോട്ട് ബാങ്കിനു വേണ്ടിയാണ് കോണ്‍ഗ്രസ് ഭീകരപ്രവര്‍ത്തനത്തെ പിന്തുണയ്ക്കുന്നതെന്നും വ്യക്തമാക്കി. ബല്ലാരിയില്‍ നടന്ന ബിജെപി തെരഞ്ഞെടുപ്പ് പ്രചാരണവേദിയിലാണ് സിനിമയെ പിന്തുണച്ചുള്ള മോദിയുടെ പരാമർശങ്ങൾ ഉയർത്തിക്കാട്ടിയത്.
അധികാരത്തിലിരുന്നപ്പോള്‍ കോണ്‍ഗ്രസ് ഭീകരസംഘടനകള്‍ക്കു മുന്നില്‍ മുട്ടുമടക്കിയിരുന്നു. എല്ലാം അനുഭവിച്ചത് ജനങ്ങളാണ്. ആയുധങ്ങളും ബോംബുകളും ഉപയോഗിക്കുന്നതിനു പകരം സമൂഹത്തെ അകത്തുനിന്നും പുറത്തുനിന്നും തകര്‍ക്കാനുള്ള നീക്കമാണ് ഭീകകര പ്രവർത്തനത്തിലൂടെ നടത്തുന്നതെന്നും കർണാടകിലെ തിരഞ്ഞെടുപ്പ് പ്രചരണത്തിനിടെ പ്രധാനമന്ത്രി നരേന്ദ്രമോദി അരോപിച്ചു.
കേരളം ഏറെ സുന്ദരമായ നാടാണ്. കഠിനാധ്വാനികളും പ്രതിഭാശാലികളുമാണ് അവിടെയുള്ളത്. അവിടെ നടക്കുന്ന ഭീകരവാദത്തിന്റെ അനന്തരഫലങ്ങൾ തുറന്ന് കാട്ടുന്നതിനാണ് കേരള സ്റ്റോറി എ്ന സിനിമയിലൂടെ തുറന്ന് കാട്ടുന്നതെന്ന് അദ്ദേഹം പറഞ്ഞു. കോൺഗ്രസ് സിനിമ നിരോധിക്കാനും ഭീകരസംഘടനകൾക്ക് പിന്തുണ നൽകുവാനുമാണ് ശ്രമിക്കുന്നത്. അവർക്ക് എല്ലാം നിരോധിക്കാനും വികസനത്തെ തടയാനും മാത്രമേ അറിയുകയുള്ളൂവെന്നും മോദി ആരോപിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
