മകൻ മരിച്ചതിന് പിന്നാലെ മരുമകളെ വിവാഹം ചെയ്ത് അച്ഛൻ; ചോദ്യം ചെയ്ത് യുവാക്കൾ; വീഡിയോ വൈറൽ

പിതാവ് മരുമകളെ വിവാഹം ചെയ്ത ശേഷം ക്ഷേത്രത്തിൽ നിന്നും പുറത്തുവരുന്നതിന്റേയും യുവാക്കൾ ഈ വിവാഹത്തെ ചോദ്യം ചെയ്യുന്നതുമാണ് വീഡിയോയിൽ ഉള്ളത്.

മകൻ മരിച്ചപ്പോൾ അമ്മായിയച്ഛൻ മരുമകളെ വിവാഹം കഴിച്ചു. താന്തോന്നികൾ എന്ന തലക്കെട്ടോടെയാണ് വീഡിയോ ട്വിറ്ററിൽ പ്രചരിക്കുന്നത്. ഇത് കഴിഞ്ഞ ദിവസങ്ങളിലായി സമൂഹമാധ്യമങ്ങളിൽ വൈറലായി മാറിയിരിക്കുകയാണ്. ഇതിനോടകം ഒരു ലക്ഷത്തിലധികം ആളുകളാണ് വീഡിയോ കണ്ടിരിക്കുന്നത്.

അമ്മായിയച്ഛനെ വിവാഹം കഴിക്കാൻ നിങ്ങൾ സമ്മതിച്ചോ എന്നു യുവാക്കൾ യുവതിയോട് ചോദിക്കുന്നുണ്ട്. എന്നാൽ, സ്വന്തം ഇഷ്ടപ്രകാരമാണ് വിവാഹം കഴിക്കുന്നത് എന്നായിരുന്നു യുവതിയുടെ മറുപടി. ഇത്രയും പ്രായം ചെന്നയാളെ എന്തിനാണ് വിവാഹം ചെയ്യാൻ സമ്മതിച്ചത് എന്ന് ചോദിച്ചപ്പോൾ തന്നെ നോക്കാൻ മറ്റാരുമില്ലെന്നും അതിനാലാണ് അദ്ദേഹവുമായി വിവാഹത്തിന് സമ്മതിച്ചതെന്നുമായിരുന്നു അവരുടെ മറുപടി. ഭാവിയേക്കുറിച്ച് ആലോചിച്ചോ എന്ന ചോദ്യത്തിന് തന്നെ നോക്കാൻ ആരുമില്ലെന്ന കാര്യം ആവർത്തിച്ച് പറയുന്നു.

ഇരുവരുടേയും പ്രായവും ചോദിക്കുന്നത് കാണാം അപ്പോൾ 25 വയസാണ് യുവതി പറയുന്നത്, ഭർതൃപിതാവ് 45 വയസുമാണ് പറയുന്നത്.

ട്വിറ്റർ വീഡിയോയുടെ പൂർണരൂപം യൂട്യൂബിലും പങ്കുവച്ചിട്ടുണ്ട്. ആറ് മിനിറ്റും 30 സെക്കന്റും മാത്രമുള്ള വീഡിയോ അവസാനം വരെ കാണാതെ പോകരുതെന്നും നിർദ്ദേശിക്കുന്നുണ്ട്. അതേസമയം, വീഡിയോക്ക് താഴെ അനുകൂലിച്ചും പ്രതികൂലിച്ചും കമൻ്റുകൾ വന്നിട്ടുണ്ട്.

Also Read : ചാൾസ് രാജാവിന്റെ കിരീടധാരണച്ചടങ്ങ് നാളെ; താത്പര്യമില്ലാതെ സ്വന്തം ജനങ്ങൾ

വീഡിയോയുടെ വാസ്തത്തെ ചൊല്ലിയും സമൂഹമാധ്യമങ്ങളിൽ ചർച്ച നടക്കുന്നുണ്ട്. അവർക്ക് ഇരുവർക്കും പ്രശ്നമില്ലെങ്കിൽ പിന്നെന്താണ് നിങ്ങളുടെ പ്രശ്നം എന്ന തരത്തിലായിരുന്നു വീഡിയോയ്ക്ക് താഴെ വന്ന കുറിപ്പുകളിൽ മിക്കതും.

Read Latest National News and Malayalam News