സിപിഎം നേതാവ് തൂങ്ങിമരിച്ച നിലയിൽ
അരിക്കൊമ്പന്‍ ഭീതിയെ തുടര്‍ന്ന് മേഘമലയില്‍ നിരോധനാജ്ഞ പ്രഖ്യാപിച്ചിരിക്കുകയാണ്. വിനോദ സഞ്ചാരികള്‍ക്ക് പ്രദേശത്ത് നിയന്ത്രണം ഏര്‍പ്പെടുത്തിയിട്ടുണ്ട്. കൃഷിയിടത്തില്‍ ഇറങ്ങിയതോടെ വനപാലകര്‍ ആനയെ തുരത്തിയോടിക്കാന്‍ ശ്രമിക്കുകയായിരുന്നു. ഇതോടെ വനംവകുപ്പിന്റെ വാഹനത്തിന് നേരെ തിരിഞ്ഞ അരിക്കൊമ്പന്‍ വാഹനം തകര്‍ത്തു. വ്യാഴാഴ്ച വൈകിട്ടോടൊണ് മണലാര്‍ മേഖലയില്‍ അരിക്കൊമ്പന്‍ ഇറങ്ങിയത്. ഗ്രാമീണര്‍ ആദ്യം തിരിച്ചറിഞ്ഞില്ല. അരിക്കൊമ്പന്‍ പ്രദേശത്തുള്ളതിന്റെ റേഡിയോ സിഗ്നല്‍ പെരിയാര്‍ വനംവകുപ്പ് ഉദോഗസ്ഥര്‍ക്ക് ലഭിച്ചിരുന്നു. നാട്ടിലിറങ്ങിയത് അരിക്കൊമ്പനാണെന്ന് തിരിച്ചറിഞ്ഞതോടെ ജനങ്ങള്‍ക്ക് ജാഗ്രതാ നിര്‍ദ്ദേശവും നല്‍കി.
അരിക്കൊമ്പന്‍ ജനവാസമേഖലയില്‍ ഇറങ്ങിയ ദൃശ്യങ്ങള്‍ കഴിഞ്ഞ ദിവസം പ്രചരിച്ചിരുന്നു. അതേസമയം മഴമേഘങ്ങള്‍ മൂലം അരിക്കൊമ്പന്റെ റേഡിയോ കോളര്‍ പ്രവര്‍ത്തിക്കുന്നില്ലെന്ന് വനംവകുപ്പ് അധികൃതര്‍ വ്യക്തമാക്കി. അരിക്കൊമ്പന്‍ ഭീതിയെ തുടര്‍ന്ന് മേഘമലയില്‍ നിരീക്ഷണത്തിനായി 120 പേരടങ്ങുന്ന സംഘത്തെ നിയോഗിച്ചിട്ടുണ്ട്. വനാതിര്‍ത്തിയോട് ചേര്‍ന്ന തേയിലത്തോട്ടങ്ങളുള്ള പ്രദേശമാണ് മേഘമല. ചിന്നക്കനാലിന് സമാനമാണ് ഇവിടുത്തെ കാലാവസ്ഥയും മറ്റ് സാഹചര്യങ്ങളും.
Read Latest Kerala News and Malayalam News
ഭർത്താവ് മാറിയ തക്കം നോക്കി വീട്ടമ്മയെ മൊബൈലിൽ അശ്ലീല ചിത്രം കാണിച്ചു; തട്ടുകടയിലെ തർക്കത്തിൽ 5 പേർ അറസ്റ്റിൽ
