കോഴിക്കോട്ട് ബൈക്കുകൾ നേര്‍ക്കുനേര്‍ കൂട്ടിയിടിച്ചു; മൂന്ന് യുവാക്കൾക്ക് ദാരുണാന്ത്യം

കോഴിക്കോട്: കുറ്റ്യാടിയ്ക്ക് സമീപം രണ്ട് ബൈക്കുകള്‍ നേര്‍ക്കുനേര്‍ കൂട്ടിയിടിച്ചുണ്ടായ അപകടത്തിൽ മൂന്ന് യുവാക്കള്‍ മരിച്ചു. കുറ്റ്യാടി തീക്കുനിയിൽ ഇന്നലെ രാത്രിയിലാണ് അപകടമുണ്ടായത്. ആശുപത്രിയിലെത്തും മുൻപേ മൂന്നു പേരും മരിച്ചെന്നാണ് റിപ്പോര്‍ട്ട്.



Also Read: കൊടകര കുഴൽപ്പണം: കെ സുരേന്ദ്രൻ്റെ പങ്കെന്ത്? ഇന്ന് ചോദ്യം ചെയ്യലിനു ഹാജരാകാൻ ബിജെപി അധ്യക്ഷൻ

കക്കട്ട് പാതിരപ്പറ്റ സ്വദേശികളായ റഹീസ്, അബ്ദുള്‍ ജാബിര്‍, കാവിലുംപാറ സ്വദേശി ജെറിൻ എന്നിവരാണ് മരിച്ചത്. തീക്കുനി കാരേക്കുന്ന് പള്ളിയ്ക്ക് സമീപത്തു വെച്ചായിരുന്നു അപകടം നടന്നത്. മഴയത്ത് അമിതവേഗതയിൽ എത്തിയ വാഹനങ്ങള്‍ നേര്‍ക്കു നേര്‍ കൂട്ടിയിടിക്കുകയായിരുന്നുവെന്നാണ് പ്രാഥമിക നിഗമനം.

Also Read: എസ്എസ്എൽസി ഫലം ഇന്ന് പ്രഖ്യാപിക്കും; ഉച്ചയ്ക്ക് രണ്ട് മണിയ്ക്ക് റിസൾട്ട് അറിയാം

ഗുരുതരമായി പരിക്കേറ്റവരെ ആശുപത്രിയിലെത്തിച്ചപ്പോഴേയ്ക്കും മരിച്ചിരുന്നു. കൊയിലാണ്ടിയിലെയും വടകരയിലെയും ആശുപത്രികളിലാണ് മൃതദേഹങ്ങള്‍ സൂക്ഷിച്ചിട്ടുള്ളത്.