കൊച്ചി വാട്ടർ മെട്രോയുടെ റൂട്ട് നമ്പർ രണ്ടിനെ നീട്ടാനാണ് സർക്കാർ ഇപ്പോൾ പദ്ധതിയിടുന്നത്. വൈറ്റില മുതൽ ഇൻഫോപാർക്കിനുള്ളിലേക്ക് സർവീസ് നടത്താൻ സർക്കാരിന് മുമ്പും പദ്ധതിയുണ്ടായിരുന്നു. കാക്കനാടും ഏരൂരും സ്റ്റോപ്പുകളുള്ള വിധത്തിലാണ് ഇത് ഈ സർവീസ് വിഭാവനം ചെയ്തിരുന്നത്.
ദുരന്തത്തിലും മതം തിരയുന്നവർ | Thanur Boat | Social Media
എന്നാൽ ഈ റൂട്ടിലെ കോഴിച്ചിറ ബണ്ട് പൊളിക്കുന്നത് നാട്ടുകാർ എതിർത്തതിനെ തുടർന്ന് സർക്കാരിന് പദ്ധതി ഉപേക്ഷിക്കേണ്ടി വന്നു. ബണ്ട് പൊളിച്ചാൽ പ്രദേശത്ത് ഉപ്പുവെള്ളം കയറുമെന്നു പറഞ്ഞാണ് ബണ്ടു പൊളിക്കലിനെ നാട്ടുകാർ എതിർത്തത്. നിലവിൽ വൈറ്റിലയിൽ നിന്നും കാക്കനാട് വരെയാണ് വാട്ടർ മെട്രോ സർവീസുള്ളത്.
ഒരാഴ്ചയ്ക്കുള്ളിൽ ഒരു ലക്ഷത്തോളം പേർ സഞ്ചാരത്തിനായി വാട്ടർ മെട്രോയെ ആശ്രയിച്ചതാണ് സർവീസ് നീട്ടാൻ സർക്കാരിനെ പ്രേരിപ്പിച്ചിരിക്കുന്നത്. പദ്ധതി നടപ്പാകുന്നതോടെ ഇൻഫോപാർക്കിൽ നിന്നുള്ളവർക്ക് എളുപ്പം വൈറ്റിലയിൽ എത്താൻ കഴിയും. നിലവിൽ ഈ പ്രദേശത്തെ റോഡുകളിൽ കനത്ത ട്രാഫിക്കാണുള്ളത്. അതിനാൽ സ്ഥിര യാത്രക്കാരെ ലഭിക്കുമെന്നാണ് സർക്കാരിന്റെ കണക്കു കൂട്ടൽ.
ബോട്ടിൽ കയറുമ്പോൾ യാത്രക്കാർ ലൈഫ് ജാക്കറ്റ് ഇടണോ? സുരക്ഷയ്ക്കായി എന്തു ചെയ്യണം? നിയമം പറയുന്നത് ഇങ്ങനെ
വൈറ്റിലയിൽ നിന്നും ഇൻഫോപാർക്കിലേക്ക് സർവീസ് നീട്ടണമെന്ന ആവശ്യം കൊച്ചി വാട്ടർ മെട്രോ ലിമിറ്റഡ് അധികൃതർ സർക്കാരിനെ ധരിപ്പിച്ചിട്ടുണ്ട്. കൊച്ചി വാട്ടർമെട്രോയുടെ ഡിപിആറിൽ ഈ റൂട്ട് നേരത്തേ ഉണ്ടായിരുന്നു.
ഡിപിആർ അനുസരിച്ച് അഞ്ച് ബോട്ട് ഉപയോഗിച്ച് 20 മിനിറ്റ് കൂടുമ്പോൾ ബോട്ട് സർവീസ് നടത്തും. ഒരു ദിവസം 2800 യാത്രക്കാരെയാണ് പ്രതീക്ഷിക്കുന്നത്. ഇതു കൂടാതെ ഇൻഫോപാർക്കിൽ നിന്നുള്ള സർവീസ് തേവര വഴി ഇടക്കൊച്ചിയിലേക്ക് നീട്ടാനും പദ്ധതിയുണ്ട്. എന്നാൽ നിലവിൽ ഇത് പരിഗണനയിൽ ഇല്ല.
മിസ്കോളടിക്കും, ജോലി വാഗ്ദാനം ചെയ്യും; വാട്സാപ്പിലൂടെ തട്ടിപ്പ്; പിന്നിൽ വൻ ശൃംഖല
സംസ്ഥാനത്തെ ഏറ്റവും തിരക്കേറിയ ജംങ്ഷനുകളിൽ ഒന്നാണ് വൈറ്റില ജംങ്ഷൻ. ഇൻഫോപാർക്ക് കേന്ദ്രീകരിച്ചാണ് കൊച്ചിയിലെ ഐടി തൊഴിൽ മേഖല സ്ഥിതി ചെയ്യുന്നത്. അതിനാൽ വാട്ടർ മെട്രോ സർവീസ് ഇൻഫോപാർക്കിനുള്ളിലേക്ക് നീട്ടുന്നത് നിർണായകമാണ്.
ഇൻഫോപാർക്കിൽ നിന്നും വൈറ്റിലയിൽ എത്തുന്നവർക്ക് കൊച്ചി മെട്രോ സർവീസ് വഴി നഗരത്തിൽ വേഗം എത്താം. കൂടാതെ വൈറ്റില ഹബ്ബിൽ നിന്നും ദീർഘദൂര യാത്രക്ക് ബസ് സൗകര്യത്തെ ആശ്രയിക്കുകയും ചെയ്യാം.
ഫേസ് ഒന്നിൽ നിലവിൽ രണ്ട് റൂട്ടുകളുണ്ട്. ഇതു കൂടാതെ എറണാകുളം-ഫോ‍ർട്ട്കൊച്ചി-മട്ടാഞ്ചേരി, തേവര-നെട്ടൂ‍ർ-കുമ്പളം, തേവര-കുമ്പളം-ഇടക്കൊച്ചി, എറണാകുളം-സൗത്ത് ചിറ്റൂ‍ർ തുടങ്ങിയ റൂട്ടുകളിലും സർവീസ് ആരംഭിക്കാനുണ്ട്.
