ഇത്തരം കെമിക്കല്‍സ് നമ്മളുടെ ചര്‍മ്മത്തിലെ സ്വാഭാവികമായിട്ടുള്ള എണ്ണമയം ഇല്ലാതാക്കുന്നു. ഇത് മൂലം ചര്‍മ്മം വരണ്ട് പോകുന്നതിനും മുഖത്ത് കുരുക്കള്‍ പ്രത്യക്ഷപ്പെടാനും ചൊറിച്ചില്‍ അനുഭവപ്പെടാനും സാധ്യ കൂടുതലാണ്. എന്നാല്‍, ഇത്തരം പ്രശ്‌നങ്ങളൊന്നും ഇല്ലാതെ തന്നെ നമ്മള്‍ക്ക് നല്ലൊരു നാച്വറല്‍ ഫേയ്‌സ് വാഷ് തയ്യാറാക്കി എടുക്കാവുന്നതാണ്. അതും 3 ചേരുവകള്‍ മാത്രം മതി ഇതിന്.
ഫേയ്‌സ് വാഷ് ഇനി വീട്ടില്‍ ഉണ്ടാക്കാം അതും ചിലവില്ലാതെ
നാച്വറല്‍ ഫേയ്‌സ് വാഷ്
എല്ലായ്‌പ്പോഴും നാച്വറലായിട്ടുള്ള സാധനങ്ങള്‍ ഉപയോഗിക്കുന്നതാണ് നമ്മളുടെ ചര്‍മ്മത്തിന് എല്ലായ്‌പ്പോഴും നല്ലത്. ഇത് ചര്‍മ്മത്തിന്റെ സ്വാഭാവികത നിലനിര്‍ത്താന്‍ സഹായിക്കുന്നുണ്ട. അതുപോലെ തന്നെ, ചര്‍മ്മത്തിന് നല്ല ആരോഗ്യവും തിളക്കവും നല്‍കാന്‍ ഇത് സഹായിക്കുന്നു.
അതുപോലെ, ചര്‍മ്മത്തിന്റെ യുവത്വം നിലനിര്‍ത്താന്‍ ഏറ്റവും നല്ല മാര്‍ഗ്ഗമാണ് നാച്വറല്‍ ഫേയ്‌സ് വാഷ് ഉപയോഗിക്കുന്നത്. ഇത് തയ്യാറാക്കി എടുക്കാനും വളരെ എളുപ്പമാണ്. ഇത് തയ്യാറാക്കാന്‍ നിങ്ങള്‍ക്ക് വേണ്ടത് മൂന്നേ മൂന്ന് ചേരുവകള്‍ മാത്രമാണ്.
തയ്യാറാക്കി എടുക്കാം
ഇത് തയ്യാറാക്കാന്‍ ആദ്യം തന്നെ കടലപ്പൊടി എടുക്കുക. ഇതിലേയ്ക്ക് അതിന്റെ പകുതി അളവില്‍ മുള്‍ട്ടാണി മിട്ടി ചേര്‍ക്കണം. മുള്‍ട്ടാണിമിട്ടിയുടെ കാല്‍ഭാഗം മഞ്ഞള്‍പ്പൊടിയും ചേര്‍ത്ത് നന്നായി മിക്‌സ് ചെയ്ത് വെക്കുക.
ഇത് കുളിമുറിയില്‍ ഒരു ചെപ്പിലാക്കി നിങ്ങള്‍ക്ക് സൂക്ഷിക്കാവുന്നതാണ്. ഇത് മുഖം കഴുകിയതിന് ശേഷം കുറച്ച് എടുത്ത് പേയ്സ്റ്റ് പരുവത്തിലാക്കി മുഖത്ത് പുരട്ടി മസാജ് ചെയ്ത് കഴുകി കളയാവുന്നതാണ്.
ഗുണങ്ങള്‍
ഇത് ചെയ്താല്‍ ചര്‍മ്മം വരണ്ട് പോകാതിരിക്കുകയും അതുപോലെ, ചര്‍മ്മത്തിലെ അഴുക്കെല്ലാം തന്നെ നാച്വറലായി തന്നെ നീക്കം ചെയ്യാന്‍ സഹായിക്കുകയും ചെയ്യുന്നു. ഇത് കൂടാതെ, മുഖത്തെ കറുത്ത പാടുകളും കണ്ണിന് ചുറ്റുമള്ള കറുത്ത പാടുകളും മാറ്റി എടുക്കാന്‍ സാധിക്കുന്നതാണ്.
ഇത് സ്ഥിരമാക്കിയാല്‍ ചര്‍മ്മത്തിലെ ചുളിവുകള്‍ മാറ്റി എടുക്കുകയും ചര്‍മ്മത്തിന് പതിയെ യുവത്വം കൈവരിക്കാന്‍ സാധിക്കുകയും ചെയ്യുന്നു. മുഖക്കുരു പ്രശ്‌നങ്ങള്‍ മാറ്റിയെടുക്കാന്‍ ഇത് ഉപയോഗിക്കുന്നത് നല്ലതാണ്. അതുപോലെ, മുഖം മോയ്‌സ്ച്വര്‍ ചെയ്ത് നിലനിര്‍ത്താനും ഇത് സഹായിക്കുന്നു.
എല്ലാവർക്കും യോജിക്കില്ല, ഹൈലുറോണിക് ആസിഡ് ഉപയോഗിക്കേണ്ടത് ഇവർ മാത്രം
ഉപയോഗിക്കേണ്ട വിധം
ഇത് പേയ്സ്റ്റ് പരുവത്തില്‍ ആക്കിയതിന് ശേഷം മാത്രം മുഖത്ത് പുരട്ടാന്‍ ശ്രദ്ധിക്കുക. അതുപോലെ തന്നെ മുഖം കഴുകാനും മറക്കരുത്. ഒരു മിനിറ്റ് മസാജ് ചെയ്തതിന് ശേഷം കഴുകി കളയാവുന്നതാണ്. ഇത് മുഖത്തിട്ട് അധിക നേരം ഇരിക്കണമെന്ന് നിര്‍ബന്ധം ഇല്ല.
അതുപോലെ, പുറത്ത് പോയി വീട്ടില്‍ എത്തിയതിന് ശേഷം മാത്രം ഇത് ഉപയോഗിക്കുന്നതാണ് കുറച്ചും കൂടെ നല്ലത്. ഇതില്‍ മഞ്ഞള്‍ അടങ്ങിയിരിക്കുന്നതിനാല്‍ വസ്ത്രത്തില്‍ ആകാതിരിക്കാന്‍ പ്രത്യേകം ശ്രദ്ധിക്കണം. അല്ലെങഅകില്‍ കറപിടിക്കാന്‍ സാധ്യത കൂടുതലാണ്.
