പാകിസ്ഥാനിൽ കലാപം: സൈനികകേന്ദ്രങ്ങളിലേക്ക് ഇരച്ചുകയറി പ്രതിഷേധക്കാർ; പോലീസ് വാഹനങ്ങൾ കത്തിച്ചു; ഇൻ്റർനെറ്റ് വിച്ഛേദിച്ചു

ലാഹോറിലെ കരസേന കമാൻഡറുടെ വസതിക്കും പ്രതിഷേധക്കാർ തീയിട്ടു. ഗേറ്റും ജനൽച്ചില്ലുകളും പ്രതിഷേധക്കാർ അടിച്ചു തകർത്തു. കറാച്ചിയിലും സിന്ധ് പ്രവിശ്യയിലെ ഹൈദരാബാദിലും ബലൂചിസ്ഥാനിലെ ക്വറ്റയിലും പ്രതിഷേധക്കാർ സൈനികകേന്ദ്രങ്ങൾ ആക്രമിച്ചു. നിരവധി വാഹനങ്ങളും അഗ്നിക്കിരയാക്കി. ഒട്ടേറെ സർക്കാർ ഓഫീസുകൾ പ്രതിഷേധക്കാർ കയ്യേറി. ക്വറ്റയിൽ പ്രതിഷേധത്തിനിടെ ഒരാൾ കൊല്ലപ്പെട്ടുവെന്ന് റിപ്പോർട്ടുണ്ട്. 20 പേർക്ക് പരിക്കേറ്റു. പ്രതിഷേധക്കാർക്കുനേരെ പോലീസ് വെടിയുതിർക്കുകയായിരുന്നു. നിരവധി പോലീസുകാർക്കും പരിക്കേറ്റിട്ടുണ്ട്. പ്രതിഷേധക്കാരെ ഉരുക്കുമുഷ്ടികൊണ്ടു നേരിടുമെന്ന് ആഭ്യന്തരമന്ത്രി റാണ സനാവുള്ള ട്വീറ്റ് ചെയ്തു. മന്ത്രിയുടെ വസതിക്കുനേരെ കല്ലേറ് ഉണ്ടായതിനു പിന്നാലെയാണ് പ്രതികരണം.

ചൊവ്വാഴ്ച ഇസ്ലാമാബാദ് ഹൈക്കോടതിയുടെ പുറത്തുനിന്നാണ് ഇമ്രാൻ ഖാനെ പാകിസ്ഥാൻ്റെ അർധസൈനിക വിഭാഗകമായ റേഞ്ചേഴ്സ് അറസ്റ്റു ചെയ്തത്. അൽ- ഖാദിർ ട്രസ്റ്റുമായി ബന്ധപ്പെട്ട അഴിമതിക്കേസിലാണ് ഇമ്രാൻ ഖാനെതിരായ നടപടി. ഇമ്രാൻ ഖാന് പോലീസിൽനിന്നു ക്രൂരമായ മർദനമേറ്റുമെന്ന് പാകിസ്ഥാൻ തെഹ്‌രീകെ ഇൻസാഫ് (പിടിഐ) ആരോപിച്ചു. പോലീസ് നടപടിയിൽ പ്രതിഷേധിച്ച് അണികൾ തെരുവിൽ ഇറങ്ങണമെന്ന് പിടിഐ ആഹ്വാനം ചെയ്തിരുന്നു. ഇസ്ലാമാബാദിലും കറാച്ചിക്കും പുറമേ പഞ്ചാബ് പ്രവിശ്യയിലും നിരോധനാജ്ഞ പ്രഖ്യാപിച്ചു.

Imran Khan: പാകിസ്ഥാൻ മുൻ പ്രധാനമന്ത്രി ഇമ്രാൻ ഖാൻ അറസ്റ്റിൽ

Read Latest World News and Malayalam News