Authored by Deepu Divakaran | Samayam Malayalam | Updated: 10 May 2023, 11:44 am
വർഗീയ രാഷ്ട്രീയത്തിനെതിരെ വോട്ട് ചെയ്യണമെന്നും കർണാടക സുന്ദരമാകണമെന്നും നടൻ പ്രകാശ് രാജ്. വോട്ട് രേഖപ്പെത്തിയ ശേഷം വാർത്താ ഏജൻസിയോട് പ്രതികരിക്കുകയായിരുന്നു അദ്ദേഹം.
ഹൈലൈറ്റ്:
- കർണാടകത്തിൽ വോട്ടെടുപ്പ് പുരോഗമിക്കുന്നു.
- രാവിലെ ഒൻപതുമണിവരെ 8.21 ശതമാനം വോട്ടു രേഖപ്പെടുത്തി.
- വർഗീയ രാഷ്ട്രീയത്തിനെതിരെ വോട്ട് ചെയ്യണമെന്ന് നടൻ പ്രകാശ് രാജ്.
വർഗീയ രാഷ്ട്രീയത്തിനെതിരെ ജനങ്ങൾ വോട്ട് ചെയ്യണമെന്നും കർണാടക സുന്ദരമാകണമെന്നും നടൻ പ്രകാശ് രാജ് പറഞ്ഞു. വാർത്താ ഏജൻസിയായ എഎൻഐയോട് പ്രതികരിക്കുകയായിരുന്നു അദ്ദേഹം. അതേസമയം സംസ്ഥാനത്തെ 80 ശതമാനത്തോളം വോട്ടർമാർ ബിജെപിക്ക് അനുകൂലമായി സമ്മതിദാനം വിനിയോഗിക്കുമെന്ന് ബി എസ് യെഡിയൂരപ്പ അവകാശപ്പെട്ടു. ബിജെപി ഭൂരിപക്ഷ നേടി സംസ്ഥാനത്ത് സർക്കാർ രൂപീകരിക്കുമെന്നും അദ്ദേഹം പ്രതീക്ഷ പങ്കുവെച്ചു. അതീവ സന്തോഷമുണ്ടെന്നായിരുന്നു മുഖ്യമന്ത്രി ബസവരാജ് ബൊമ്മൈയുടെ പ്രതികരണം. കർണാടകത്തിൻ്റെ വികസനത്തിനായി എല്ലാവരും വോട്ടു രേഖപ്പെടുത്തണമെന്ന് അദ്ദേഹം ആവശ്യപ്പെട്ടു.
ഡോക്ടറും പോലീസ് ഉദ്യോഗസ്ഥരും ഉൾപ്പെടെ അഞ്ചുപേർക്ക് കുത്തേറ്റു
പുരോഗമനപരവും 40 ശതമാനം കമ്മീഷൻ രഹിതവുമായ ഒരു സംസ്ഥാനം കെട്ടിപ്പടുക്കാൻ ജനങ്ങൾ കോൺഗ്രസിന് വോട്ട് ചെയ്യണമെന്ന് രാഹുൽ ഗാന്ധി അഭ്യർഥിച്ചു. വൈകുന്നേരം ആറുമണിവരെയാണ് വോട്ടെടുപ്പ്. 13 നാണ് ഫലം പ്രഖ്യാപിക്കും.
വികസനത്തിനായി ജനം വോട്ട് ചെയ്യും; കർണാടകയിൽ വിജയം ഉറപ്പെന്ന് മുഖ്യമന്ത്രി ബസവരാജ് ബൊമ്മെ
സംസ്ഥാനത്ത് ഭരണനിലനിർത്തുക എന്നത് ബിജെപിക്ക് അഭിമാന പ്രശ്നമാണ്. ദക്ഷിണേന്ത്യയിൽ ബിജെപി ഭരിക്കുന്ന ഏക സംസ്ഥാനം കൂടിയാണ് കർണാടക. അതിനാൽ തെരഞ്ഞെടുപ്പ് നിർണായകമാണ്. അഞ്ചു വർഷം തോറും ഭരണം മാറുന്ന കർണാടകത്തിൽ ഇക്കുറി കാര്യങ്ങൾ എളുപ്പമാണെന്നാണ് കോൺഗ്രസിൻ്റെ ആത്മവിശ്വാസം. സർക്കാരിനെതിരെ അഴിമതി ആരോപണമടക്കം ഉന്നയിച്ചായിരുന്നു കോൺഗ്രസ് പ്രചാരണം നയിച്ചിരുന്നത്.
Karnataka Election 2023: ബിജെപി തുടരുമോ, കോൺഗ്രസ് വരുമോ?; കർണാടക ഇന്ന് വിധിയെഴുതുന്നു; അഞ്ചു കോടി വോട്ടർമാർ പോളിങ് ബൂത്തിലേക്ക്Read Latest National News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
