അബുദാബിയിൽ ബോട്ട് മറിഞ്ഞ് അപകടം: ചികിത്സയിലായിരുന്ന മലയാളി വിദ്യാർഥി മരിച്ചു

Also Read: ഒമാനില്‍ ക്ലോറിന്‍ വാതകം ചോര്‍ന്നു; 42 പേർ ആശുപത്രിയിൽ

Read Latest Gulf News and Malayalam News

സംസ്ഥാന സർക്കാരിന്റെ രണ്ടാം വാർഷികം: വിളംബര ജാഥയ്ക്ക് തുടക്കമായി

സംസ്ഥാന സർക്കാരിന്റെ രണ്ടാം വാർഷികാഘോഷങ്ങളുടെ ഭാഗമായി മെയ് 20 മുതൽ 27 വരെ കനകക്കുന്നിൽ നടക്കുന്ന എന്റെ കേരളം മെഗാ പ്രദർശന വിപണന ഭക്ഷ്യ മേളയുടെ പ്രചാരണാർത്ഥം തിരുവനന്തപുരം ജില്ലാ ഇൻഫർമേഷൻ ഓഫീസ് സംഘടിപ്പിക്കുന്ന വിളംബര ജാഥയ്ക്ക് തുടക്കമായി.

തിരുമല ജംഗ്ഷനിൽ നടന്ന ചടങ്ങിൽ ജില്ലാ കളക്ടർ ജെറോമിക് ജോർജ് ജാഥ ഫ്ളാഗ്ഓഫ് ചെയ്തു. സർവ്വതലസ്പർശിയായ വികസന പ്രവർത്തനങ്ങളാണ് സംസ്ഥാന സർക്കാർ നടത്തുന്നതെന്നും മന്ത്രിമാർ നേരിട്ടെത്തി ജനങ്ങളുടെ പരാതി കേട്ട താലൂക്കുതല അദാലത്ത്, തീര സദസ്, വനസഹൃദ സദസ് എന്നിവ നിരവധി പേർക്ക് പ്രയോജനപ്പെട്ടെന്നും കളക്ടർ പറഞ്ഞു. പല വകുപ്പുകളിലും വർഷങ്ങളായി കെട്ടിക്കിടന്ന ആയിരക്കണക്കിന് പരാതികൾ തീർപ്പാക്കാൻ അദാലത്തിലൂടെ കഴിഞ്ഞതായും അദ്ദേഹം പറഞ്ഞു.

ജില്ലാ ഇൻഫർമേഷൻ ഓഫീസർ ജി. ബിൻസിലാൽ, രാഷ്ട്രീയ സാംസ്‌കാരിക രംഗത്തെ പ്രമുഖർ തുടങ്ങിയവരും ചടങ്ങിൽ സന്നിഹിതരായിരുന്നു. എന്റെ കേരളം പ്രദർശന വിപണന ഭക്ഷ്യ മേളയുടെ സന്ദേശവും കഴിഞ്ഞ രണ്ട് വർഷം സംസ്ഥാന സർക്കാർ നടത്തിയ വികസന പ്രവർത്തനങ്ങളും ജില്ലയിലെ എല്ലാ പ്രദേശങ്ങളിലുമെത്തിക്കുന്ന വിധത്തിൽ 14 നിയമസഭാ മണ്ഡലങ്ങളിലെയും പ്രധാന കേന്ദ്രങ്ങളിൽ വിളംബരജാഥയെത്തും.

നേമം മണ്ഡലത്തിൽ പൊതുവിദ്യാഭ്യാസ വകുപ്പ് മന്ത്രി വി.ശിവൻകുട്ടി കഴിഞ്ഞ രണ്ട് വർഷമായി നടത്തിയ വികസന പ്രവർത്തനങ്ങളും നേട്ടങ്ങളും വിശദീകരിക്കുന്ന ഇരുപത് മിനുട്ട് വീഡിയോ പ്രദർശനവും സംഗീതപരിപാടിയും ജാഥയുടെ ഭാഗമായി അരങ്ങേറി