Authored by Deepu Divakaran | Samayam Malayalam | Updated: 10 May 2023, 12:11 pm
ദുരന്ത നിവാരണ വിദഗ്ധൻ മുരളി തുമ്മാരുകുടിയുടെ പോസ്റ്റ് ചർച്ചയാകുന്നു. കൊട്ടാരക്കര താലൂക്ക് ആശുപത്രിയിൽ ഉണ്ടായ ആക്രമണത്തിൽ ഡോക്ടർക്ക് ജീവൻ നഷ്ടമായ സംഭവത്തിലാണ് കുറിപ്പ് ചർച്ചയാകുന്നത്.
ഹൈലൈറ്റ്:
- മുരളി തുമ്മാരുകുടിയുടെ പോസ്റ്റ് ചർച്ചയാകുന്നു.
- ‘ആരോഗ്യപ്രവർത്തകന് ജീവൻ നഷ്ടമാകും’.
- ബോട്ടപകടം ഉണ്ടായപ്പോഴും തുമ്മാരുകുടിയുടെ പോസ്റ്റ് ചർച്ചയായിരുന്നു.
മുരളി തുമ്മാരുകുടിയുടെ പുതിയ പോസ്റ്റ്
അതും സംഭവിക്കുമ്പോൾ
ഡോക്ടറും പോലീസ് ഉദ്യോഗസ്ഥരും ഉൾപ്പെടെ അഞ്ചുപേർക്ക് കുത്തേറ്റു
“മാസത്തിൽ അഞ്ച് ആരോഗ്യ പ്രവർത്തകരാണ് കേരളത്തിൽ രോഗികളുടെയോ ബന്ധുക്കളുടെയോ അക്രമത്തിന് ഇരയാകുന്നത്. ഭാഗ്യവശാൽ ഇതുവരെ ഇത്തരത്തിൽ ഒരു മരണം ഉണ്ടായിട്ടില്ല. അത് ഭാഗ്യം മാത്രമാണ്. അത്തരത്തിൽ ഒരു മരണം ഉണ്ടാകും, നിശ്ചയമാണ്. ഇപ്പോൾ, “ചില ഡോക്ടർമാർ അടി ചോദിച്ചു വാങ്ങുകയാണ്” എന്നൊക്കെ പറയുന്നവർ അന്ന് മൊത്തമായി കളം മാറും. സമൂഹത്തിൽ വലിയ എതിർപ്പ് ഉണ്ടാകും, മാധ്യമങ്ങൾ ചർച്ച നടത്തും, മന്ത്രിമാർ പ്രസ്താവിക്കും, കോടതി ഇടപെടും, പുതിയ നിയമങ്ങൾ ഉണ്ടാകും. ആരോഗ്യപ്രവർത്തകരുടെ നേരെയുള്ള അക്രമങ്ങൾ കുറച്ചു നാളത്തേക്കെങ്കിലും കുറയും. അപ്പോഴേക്കും ഒരാളുടെ ജീവൻ പോയിരിക്കും എന്ന് മാത്രം.”
വന്ദനയ്‍ക്കേറ്റത് ആറു കുത്തുകൾ, പ്രതി അധ്യാപകൻ; കൊട്ടാരക്കര താലൂക്ക് ആശുപത്രിയിൽ സംഭവിച്ചത് ഇങ്ങനെ
ഏപ്രിൽ ഒന്നിലെ പോസ്റ്റാണ്. ഇതിൽ കൂടുതൽ കൃത്യമായി എങ്ങനെ മുന്നറിയിപ്പ് നൽകാൻ പറ്റും?. ഡോക്ടറുടെ കുടുംബത്തിന്റെ ദുഃഖത്തിൽ പങ്കു ചേരുന്നു. ഇനിയെങ്കിലും ആരോഗ്യപ്രവർത്തകർക്കെതിരെയുള്ള വാക്കുകൊണ്ടോ കായികമായോ ആയുധം കൊണ്ടോ ഉള്ള അക്രമങ്ങളോട് നമുക്ക് “സീറോ ടോളറൻസ്” നടപ്പാക്കാം.
ഏറെ ദുഃഖം
മുരളി തുമ്മാരുകുടി
Kollam Doctor Death: കുത്തേറ്റ വനിതാ ഡോക്ടർക്ക് ദാരുണാന്ത്യം; കൊല്ലപ്പെട്ടത് കോട്ടയം സ്വദേശി വന്ദന ദാസ്
Read Latest Kerala News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
