അഭിനയവും മോഡലിങ്ങും
സിനിമകളിൽ മാത്രമല്ല നല്ല അടിപൊളി ഫോട്ടോഷൂട്ടിലും താരം തിളങ്ങാറുണ്ട്. സോഷ്യൽ മീഡിയയിലൂടെ സ്ഥിരമായി താരം തൻ്റെ ഫോട്ടോഷൂട്ടുകളുടെ ചിത്രങ്ങൾ പങ്കുവെയ്ക്കാറുണ്ട്. മോഡേൺ വേഷങ്ങളിലും അതുപോലെ നാടൻ വേഷങ്ങളിലും ഒരു പോലെ സുന്ദരിയാണ് താരം. അതി ഗംഭീര ഫോട്ടോഷൂട്ടുകളും താരം നടത്താറുണ്ടെന്നതും ശ്രദ്ധേയമാണ്. കേരളത്തിൽ മാത്രമല്ല, മറ്റ് ഭാഷകളിലും താരത്തിന് ഫാൻസ് ഏറെയാണ്.
ആരോഗ്യമുള്ള ശരീരഭാരം നിലനിർത്താൻ
ആരോഗ്യമുള്ള ശരീരഭാരം നിലനിർത്താൻ ശ്രദ്ധിക്കാം ചില കാര്യങ്ങൾ
ഡയറ്റ് പ്ലാൻ
ഭക്ഷണം കഴിക്കാൻ ഏറെ താത്പര്യമുള്ള താരമാണ് അനിഖ. പൊതുവെ വെജിറ്റേറിയൻ ഭക്ഷണത്തോടാണ് താരത്തിന് താത്പര്യം കൂടുതലെന്നും ഒരു സ്വകാര്യ ചാനലിന് നൽകിയ അഭിമുഖത്തിൽ താരം പറഞ്ഞിരുന്നു. കൊഞ്ചാണ് സീ ഫുഡിൽ താരത്തിന് ഏറ്റവും പ്രിയം. ചിക്കൻ എപ്പോഴും കഴിക്കുമെങ്കിലും ബീഫ് വല്ലപ്പോഴുമാണ് കഴിക്കുന്നത്. വീട്ടിൽ പൊതുവെ എരിവ് ആർക്കും താത്പര്യമില്ലാത്തത് കൊണ്ട് തന്നെ താരവും എരിവ് അധികം കഴിക്കാറില്ല. വണ്ണം കുറയ്ക്കാനും ഫിറ്റാകാനും താരത്തിന് പ്രത്യേക ഒരു ഡയറ്റ് പ്ലാനില്ല. താരത്തിന് ലാക്റ്റോസ് ഇൻടോളറൻസുണ്ടെന്നും പറഞ്ഞിരുന്നു. അമ്മ ഉണ്ടാക്കുന്ന സാമ്പാറാണ് താരത്തിൻ്റെ പ്രിയപ്പെട്ട ഭക്ഷണം.
എന്താണ് ലാക്റ്റോസ് ഇൻടോളറൻസ്?
ലാക്ടോസ് അസഹിഷ്ണുത അഥവാ ലാക്ടോസ് ഇൻടോളറൻസ് എന്നത് പാലുൽപ്പന്നങ്ങളിൽ അടങ്ങിയിട്ടുള്ള ലാക്ടോസ് എന്ന പഞ്ചസാര പൂർണ്ണമായും ശരീരത്തിൽ ദഹിപ്പിക്കാൻ കഴിയാത്തോ അതിനോടുള്ള അലർജിയോ ആണ്. ഇതൊരു വലിയ ആരോഗ്യ പ്രശ്നമല്ലെങ്കിലും ഇതിൻ്റെ പല ബുദ്ധിമുട്ടുകളും ആളുകൾക്ക് വേദനകൾ ഉണ്ടാക്കുന്നുണ്ട്. താരത്തിന് ഈ പ്രശ്നമുണ്ടെങ്കിലും ചീസ് പോലെയുള്ള ഉത്പ്പന്നങ്ങളോട് താരം നോ പറയാറില്ല. പൊതുവെ ഇത്തരം പ്രശ്നങ്ങൾ ഉള്ളവർ പാലും പാൽ ഉത്പ്പന്നങ്ങളും ഒഴിവാക്കാറാണ് പതിവ്.
എരിവിനോട് താത്പര്യമില്ല
പൊതുവെ എരിവിനോട് താത്പര്യമില്ലാത്ത ആളാണ് അനിഖ. വീട്ടിലും പുറത്തുമൊക്കെ അമിതമായ എരിവ് താരം ഉപയോഗിക്കാറില്ല. അമ്മ വീട്ടിൽ പാചകം ചെയ്യുന്നതും ഈ ഒരു രീതിയിലാണ്. ചോറിനൊപ്പം സാമ്പാർ, തൈര് എന്നിങ്ങനെ ഇങ്ങനെയുള്ള വിഭവങ്ങൾ ഉണ്ടെങ്കിൽ മാത്രമേ പൊതുവെ താരത്തിന് ചോറ് കഴിക്കാൻ താത്പര്യമുള്ളു. അത് മാത്രമല്ല, ലാക്റ്റോസ് അസഹിഷ്ണുത ഉണ്ടെങ്കിലും ബർഗറിലും പിസയിലുമൊക്കെ ചീസ് ഒഴിവാക്കാനും താരത്തിന് മടിയാണ്.
