സമാജ്വാദി എംഎൽഎ ബിജെപി നേതാവിന്റെ ഭർത്താവിനെ പരസ്യമായി മർദ്ദിച്ചു; സംഭവം പോലീസ് സ്റ്റേഷനിൽ

പ്രതിപക്ഷ പാർട്ടിയായ സമാജ്‌വാദി പാർട്ടിയുടെ എംഎൽഎ രാകേഷ് സിങ്ങാണ് പരസ്യമായ മർദ്ദിക്കുന്നത്. ബിജെപിയുടെ മുൻസിപ്പൽ ഇലക്ഷൻ സ്ഥാനാർത്ഥിയായ രശ്മി സിങ്ങിന്റെ ഭർത്താവായ ദീപക് സിങ്ങിനാണ് മർദ്ദനമേറ്റിരിക്കുന്നത്. ഉത്തർപ്രദേശിലെ അമേഠി ജില്ലയിലെ ഒരു പോലീസ് സ്റ്റേഷന്റെ മുന്നിലാണ് ഇത്തരത്തിൽ ഒരു സംഭവമുണ്ടായിരിക്കുന്നത്.

സംഭവത്തിന്റെ വീഡിയോ സമൂഹമാധ്യമങ്ങളിൽ വൈറലായിട്ടുണ്ട്. അമേഠി ജില്ലയിലെ ഗൗരിഗഞ്ച് കോട്വാലി പോലീസ് സ്‌റ്റേഷനിലാണ് സംഭവം.

വെള്ള കുർത്തയും പാന്റും ധരിച്ച എസ്‌പി എംഎൽഎ ബിജെപി നേതാവിന്റെ ഭർത്താവിനെ ഡസൻ കണക്കിന് പോലീസുകാരുടെ മുന്നിൽ വെച്ച് മർദ്ദിച്ചു. അതേസമയം, രാകേഷ് പ്രതാപ് സിങ്ങിനെയും അദ്ദേഹത്തിന്റെ സഹായികളെയും കീഴടക്കാൻ പോലീസുകാർ പാടുപെടുന്നത് കണ്ടു.

ദീപക് സിംഗും അദ്ദേഹത്തിന്റെ അനുയായികളും തന്റെ ചില അനുയായികളെ കൈയേറ്റം ചെയ്തതിനാലാണ് താൻ പ്രതിഷേധിച്ചതെന്നും എന്നാൽ പോലീസ് നടപടിയൊന്നും സ്വീകരിച്ചില്ലെന്നും രാകേഷ് പ്രതാപ് സിംഗ് പറഞ്ഞു.

പ്രതിഷേധത്തിനിടയിൽ ഗൗരിഗഞ്ച് കോട്‌വാലി പോലീസ് സ്‌റ്റേഷനിലെത്തിയ ദീപക് സിംഗ് എംഎൽഎയും അദ്ദേഹത്തിന്റെ അനുയായികളെയും അധിക്ഷേപിക്കുന്നുണ്ടായിരുന്നു.

Also Read : ഡോ. വന്ദന ദാസിന്‍റെ കൊലപാതകം; പ്രതിക്ക് സസ്പെൻഷൻ, കർശനമായ നടപടികളുണ്ടാകുമെന്ന് മന്ത്രി

സ്ഥിതിഗതികൾ വളരെ പെട്ടെന്ന് തന്നെ കൈവിട്ടുപോകുകയായിരുന്നു. പ്രതികരിക്കാൻ പോലീസിന് സമയം ലഭിച്ചില്ലെന്നും ഒരു മുതിർന്ന പോലീസ് ഉദ്യോഗസ്ഥൻ പറഞ്ഞു. അതേസമയം, ഇപ്പോൾ പ്രശ്നങ്ങൾ എല്ലാം പരിഹരിച്ചതായും രണ്ട് വ്യക്തികൾക്കെതിരെയും കേസുകൾ രജിസ്റ്റർ ചെയ്ത് നിയമനടപടി സ്വീകരിക്കുമെന്നും അദ്ദേഹം പറഞ്ഞു.

Read Latest National News and Malayalam News