സംസ്ഥാനത്തെ 224 സീറ്റുകളിൽ ഭൂരിപക്ഷം ഉറപ്പിക്കുന്നതിനായി ഭരണകക്ഷിയായ ബി ജെ പി, പ്രതിപക്ഷ കക്ഷികളായ കോൺഗ്രസ്, ജെ ഡി എസ് എന്നീ മൂന്ന് പ്രധാന രാഷ്ട്രീയ പാർട്ടികൾ കഴിഞ്ഞ ദിവസങ്ങളിൽ നെട്ടോട്ടമോടുന്ന കാഴ്ചയാണ് കണ്ടത്. എന്ത് തന്നെയായാലും കർണാടകയിൽ ഭരണം ഉറപ്പിക്കാനുള്ള പ്രചാരണങ്ങളായിരുന്നു ബിജെപി നടത്തിയിരുന്നു. പ്രധാനമന്ത്രി ബെംഗളൂരുവിൽ റോഡ് ഷോ നടത്തിയും നമ്മൾ കണ്ടതാണ്.
ബി ജെപിയും കോൺഗ്രസും പ്രധാന മണ്ഡലങ്ങളിൽ തങ്ങളുടെ ചില മുൻനിര തോക്കുകളെയാണ് മത്സരിപ്പിക്കുന്നത്. 224 സ്ഥാനാർത്ഥി പട്ടികയിൽ 50 പുതുമുഖങ്ങള്‍ക്കാണ് ബി ജെ പി ഇത്തവണ അവസരം നല്‍കിയിരിക്കുന്നത്. ജാതിസമവാക്യത്തിന് നിർണ്ണായക പങ്കുള്ള സംസ്ഥാനം കൂടിയാണ് കർണാടക. ലിംഗായത്ത്, വൊക്കലിഗ വോട്ടർമാർ തെരഞ്ഞെടുപ്പിൽ നിർണായക പങ്കാണ് വഹിക്കുക. കർണാടയിലെ ജനസംഖ്യയിലെ 17 ശതമാനത്തോളം ലിംഗായത്തുകാരാണ്. വൊക്കലിഗകൾ 12 ശതമാനവുമാണ്. ഇവർ ആരോടൊപ്പം നിൽക്കും എന്നതിനെ ആശ്രയിച്ചിരിക്കും വിജയവും തോൽവിയും. വരുണ, കനകപുര, ഷിഗ്ഗാവ്, ഹുബ്ലി-ദാർവാദ്, ചന്നപട്ടണ, ശിക്കാരിപുര, ചിറ്റാപൂർ, രാമനഗര, ചിക്കമംഗളൂരു തുടങ്ങിയവയാണ് ഇത്തവണ പ്രധാന പോരാട്ടം നടക്കുന്ന മണ്ഡലങ്ങള്‍.
ജൻ കി ബാത്ത് എക്സ്റ്റ് പോൾ ഫലം
കർണാടയിൽ കോൺഗ്രസ് ഭരണത്തിലേറുമെന്ന് എക്സിറ്റ് പോൾ ഫലം. ജൻ കി ബാത്ത് എക്സ്റ്റ് പോൾ ഫലം പ്രവചിക്കുന്നത് കർണാടകയിൽ കോൺഗ്രസിന് 99 മുതൽ 109 വരെ സീറ്റുകൾ ലഭിക്കുമെന്നാണ്. ബിജെപിക്ക് 88 മുതൽ 98 സീറ്റുകൾ വരെ ലഭിക്കും. ജെഡിഎസിന് ലഭിക്കുക 14 മുതൽ 24 സീറ്റികൾ വരെയെന്ന് എക്സിറ്റ് പോൾ പ്രവചിക്കുന്നു.
ടിവി9 കന്നഡ – സി വോട്ടർ എക്സിറ്റ് പോൾ ഫലം
കോൺഗ്രസിന് 100 മുതൽ 112 വരെ സീറ്റുകൾ ലഭിച്ചേക്കാമെന്നാണ് ടിവി9 കന്നഡ – സി വോട്ടർ സർവ്വെ പ്രവചിക്കുന്നത്. ബിജെപിക്ക് 83 മുതൽ 95 സീറ്റുകൾ വരെ ലഭിക്കും. അതേസമയം ജെഡിഎസിന് 21 മുതൽ 29 വരെ സീറ്റുകൾ ലഭിച്ചേക്കുമെന്നും മറ്റുള്ളവർക്ക് 2 മുതൽ 6 വരെ സീറ്റുകൾ ലഭിച്ചേക്കാമെവന്നും പ്രവചിക്കുന്നു.
ന്യൂസ് നാഷൻ- സിജിഎസ് എക്സിറ്റ് പോൾ ഫലം
ബിജെപി മുൻകൈ നേടുമെന്നാണ് ന്യൂസ് നാഷൻ- സിജിഎസ് എക്സിറ്റ് പോൾ ഫലം പ്രവചിക്കുന്നത്. ബിജെപിക്ക് 114 സീറ്റുകൾ വരെ ലഭിക്കാം. അതേസമയം കോൺഗ്രസ് 86 സീറ്റിൽ തൃപ്തിപ്പെടേണ്ടി വരും. ജിഡിഎസിനാണെങ്കിൽ 21 ഉം മറ്റുള്ളവർക്ക് 3 സീറ്റുകൾ വരെയും ലഭിക്കാമെന്നാണ് പ്രവചനം.
സുവർണ ന്യൂസ്- ജൻ കി ബാത്ത് എക്സിറ്റ് പോൾ ഫലം
സുവർണ ന്യൂസ് – ജൻ കി ഹാത്ത് ഏക്സിറ്റ് പോൾ ഫലം കാണിക്കുന്നത് ഇഞ്ചോടിഞ്ച് പോരാട്ടമാണ്. കോൺഗ്രസിന് 91 മുതൽ 106 സീറ്റുകൾ വരെ ലഭിക്കുമെന്നാണ് പ്രവചനം. ബിജെപിക്ക് 94 മുതൽ 117 സീറ്റുകൾ വരെ ലഭിക്കും. അതേസമയം 14 മുതൽ 24 സീറ്റുകൾ വരെ ലഭിക്കുമെന്ന് പ്രവചിക്കുന്നു. മറ്റുള്ളവർക്ക് 2 സീറ്റുകൾ വീതം ലഭിക്കും.
