Authored by Mary Margret | Samayam Malayalam | Updated: 10 May 2023, 10:17 pm
തലയ്ക്ക് പിന്‍ഭാഗത്തും മുതുകിനുമേറ്റ കുത്താണ് വന്ദനയുടെ മരണത്തിന് കാരണമായതെന്നാണ് പോസ്റ്റ്മോര്ട്ടം റിപ്പോര്‍ട്ട്. വന്ദന ദാസിന്റെ ശരീരത്തില്‍ 11 കുത്തുകളുണ്ട്.
ഹൈലൈറ്റ്:
- കൊട്ടാരക്കര താലൂക്ക് ആശുപത്രിയിലെ ഹൗസ് സര്‍ജനാണ് കോട്ടയം മാഞ്ഞൂര്‍ സ്വദേശി ഡോ. വന്ദന ദാസ്
- നിലവില്‍ പൂജപ്പുര സെന്‍ട്രല്‍ ജയിലിലാണ് പ്രതിയായ സന്ദീപ്
- വന്ദന ദാസിന്റെ ശരീരത്തില്‍ 11 കുത്തുകളെന്ന് പ്രാഥമിക പോസ്റ്റ്മോര്ട്ടം റിപ്പോര്‍ട്ടില്‍ വ്യക്തമാക്കുന്നത്
Also Read: ഡോ. വന്ദന ദാസിന്റെ ശരീരത്തിലുണ്ടായത് 11 കുത്തുകൾ, ആക്രമിച്ചത് അതിക്രൂരമായി, മരണത്തിന് കാരണമായത് മുതുകിലും തലയിലുമേറ്റ കുത്തുകൾ
ഇന്ന് പുലര്‍ച്ചെ 4.30 യോടെ വൈദ്യ പരിശോധനയ്ക്കായി കൊട്ടാരക്കര താലൂക്ക് ആശുപത്രിയിലെത്തിച്ച സ്‌കൂള്‍ അധ്യാപകനായ സന്ദീപിന്റെ കുത്തേറ്റാണ് വന്ദന ദാസ് കൊല്ലപ്പെട്ടത്. ആക്രമണത്തില്‍ മറ്റ് രണ്ട് പേര്‍ക്കും കുത്തേറ്റിരുന്നു. കൊട്ടാരക്കര താലൂക്ക് ആശുപത്രിയിലെ ഹൗസ് സര്‍ജനാണ് കോട്ടയം മാഞ്ഞൂര്‍ സ്വദേശി ഡോ. വന്ദന ദാസ്. പ്രതി നെടുമ്പനയിലെ യുപി സ്‌കൂള്‍ അധ്യാപകനായ കുടവട്ടൂര്‍ ശ്രീനിലയത്തില്‍ എസ്. സന്ദീപിനെ കോടതി റിമാന്‍ഡ് ചെയ്തു. നിലവില്‍ പൂജപ്പുര സെന്‍ട്രല്‍ ജയിലിലാണ് സന്ദീപ്.
കൂട്ടിലക്കടവ് പാലത്തിലേക്കുള്ള പാത തകർന്നു
വന്ദന ദാസിന്റെ ശരീരത്തില്‍ 11 കുത്തുകളെന്ന് പ്രാഥമിക പോസ്റ്റ്മോര്ട്ടം റിപ്പോര്‍ട്ടില്‍ വ്യക്തമാക്കുന്നത്. വന്ദനയുടെ തലയുടെ പിന്‍ഭാഗത്തും ചെവിയുടെ ഭാഗത്തും മൂക്കിലും ഇടതു കയ്യിലും മുതുകിലും കുത്തേറ്റു. അതിക്രൂരമായാണ് അക്രമി കൊലപ്പെടുത്തിയതെന്നാണ് പോസ്റ്റ്മോര്ട്ടം റിപ്പോര്‍ട്ടില്‍ വ്യക്തമാക്കുന്നത്. ഡോക്ടറുടെ തലയില്‍ മാത്രം പ്രതി മൂന്ന് തവണയാണ് കുത്തിയത്. മുതുകില്‍ ആറ് തവണ കുത്തി.
Also Read: പുഴയോരത്ത് നിർത്തിയിട്ട ഹൗസ് ബോട്ട് കത്തിനശിച്ചു
തലയ്ക്ക് പിന്‍ഭാഗത്തും മുതുകിനുമേറ്റ കുത്താണ് മരണത്തിന് കാരണമായതെന്നാണ് റിപ്പോര്‍ട്ട്. പ്രതി സന്ദീപ് ആദ്യം ആക്രമിച്ചത് വന്ദനയെയാണെന്നും ഇത് തടയാന്‍ ശ്രമിച്ചപ്പോഴാണ് പൊലീസുകാര്‍ക്ക് പരുക്കേറ്റതെന്നുമാണ് എഫ്ഐആറില്‍ പറയുന്നത്. എന്നാല്‍, പ്രതി ആദ്യം ആക്രമിച്ചത് കൂടെ ഉണ്ടായിരുന്ന ബന്ധുവനേയും പോലീസിനേയുമാണെന്നാണ് കോടതിയില്‍ ഹജരാക്കിയ രേഖകളില്‍ വ്യക്തമാക്കുന്നത്.
Read Latest Local News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
