ന്യൂഡൽഹി: അമൃത്സറിലെ സുവർണ ക്ഷേത്രത്തിന് സമീപം ഇന്നലെയുണ്ടായ സ്‌ഫോടനത്തെ തുടർന്ന് 5 പേരെ അറസ്റ്റ് ചെയ്തു. പുലർച്ചെ ഒരു മണിയോടെയാണ് അമൃത്സറിൽ സ്ഫോടനം ഉണ്ടായത്. പ്രഹരശേഷി കുറഞ്ഞ ബോംബ് ഉപയോഗിച്ചായിരുന്നു സ്ഫോടനം നടത്തിയതെന്ന് പഞ്ചാബ് പോലീസ് വ്യക്തമാക്കി. ബോംബ് എറിഞ്ഞ ആൾ ഉൾപ്പെടെ അഞ്ച് പേരെ അറസ്റ്റ് ചെയ്തതായി പഞ്ചാബ് ഡിജിപി വ്യക്തമാക്കി.
പുഴയുടെ അടിത്തട്ടിൽ പുരാതന വിഗ്രഹങ്ങൾ
ഒരാഴ്ചയ്ക്കിടെ ഇത് മൂന്നാം തവണയാണ് സുവർണ ക്ഷേത്രത്തിന് സമീപം സ്ഫോടനം ഉണ്ടാകുന്നത്. മെയ് ആറാം തീയതിയും എട്ടാം തീയതിയും സമാനമായ സ്‌ഫോടനങ്ങളുണ്ടായിരുന്നു. തുടർച്ചയായ സ്‌ഫോടനങ്ങളുടെ പശ്ചാത്തലത്തിൽ നിരീക്ഷണം ശക്തമാക്കിയതായി പഞ്ചാബ് പോലീസ് അറിയിച്ചു. സുവർണ ക്ഷേത്രത്തിന് രണ്ട് കിലോമീറ്റർ അകലെയുള്ള പ്രദേശത്താണ് സ്ഫോടനം ഉണ്ടായത്. നഗരത്തിലെ പ്രധാന ടൂറിസം കേന്ദ്രം കൂടിയായ സുവർണക്ഷേത്രത്തിൽ ദിനംപ്രതി നിരവധിയാളുകളാണ് എത്താറുള്ളത്.
ദേശീയ അന്വേഷണ ഏജൻസിയും പഞ്ചാബ് പോലീസും പ്രദേശത്തെത്തി ഫോറൻസിക് സാംപിളുകൾ ശേഖരിച്ചിട്ടുണ്ട്. അതേസമയം സ്ഫോടനം നടന്ന സ്ഥലത്ത് നിന്ന് ചില ലഘുലേഖകൾ കണ്ടെത്തിയതായും തനിക്ക് മറ്റ് സംഘടനകളുമായി ബന്ധമില്ലെന്ന് പിടിയിലായ പ്രതി മൊഴി നൽകിയതായും റിപ്പോർട്ടുകളുണ്ട്. തിങ്കളാഴ്ച സുവർണ ക്ഷേത്രത്തിന് സമീപമുണ്ടായ സ്‌ഫോടനത്തിൽ ഒരാൾക്ക് പരിക്കേറ്റിരുന്നു.
Read Latest National News and Malayalam News
Also Read: സ്വന്തമായി വാഹനം ഇല്ല, നിയമലംഘനത്തിന് പിഴ അടക്കണം; എട്ടിന്‍റെ പണികൊടുത്ത് ട്രാഫിക് പോലീസ്
