സിറ്റിസൺ ഫെസിലിറ്റേഷൻ സെന്റർ ആരംഭിച്ചു
കോട്ടയം: നീണ്ടൂർ ഗ്രാമപഞ്ചായത്തിൽ സിറ്റിസൺ ഫെസിലിറ്റേഷൻ സെന്റർ ആരംഭിച്ചു. കേന്ദ്ര-സംസ്ഥാന സർക്കാർ വകുപ്പുകൾ, ഏജൻസികൾ മുഖേന നൽകുന്ന സേവനങ്ങൾ സംബന്ധിച്ചുള്ള വിവരങ്ങൾ പൊതുജനങ്ങൾക്ക് നൽകുന്നതിനു വേണ്ടിയുള്ള പദ്ധതിയാണ് സിറ്റിസൺ ഫെസിലിറ്റേഷൻ സെന്റർ. ‘ഒപ്പമുണ്ട് ഉറപ്പാണ്’ എന്ന ടാഗ് ലൈനോട് കൂടിയാണ് സെന്റർ ആരംഭിച്ചത്. പഞ്ചായത്തിന്റെ ഫ്രണ്ട് ഓഫീസിനോട് ചേർന്ന് സെന്റർ ഉള്ളത്. പ്രസിഡന്റ് വി.കെ പ്രദീപ് ഉദ്ഘാടനം ചെയ്തു. വികസനകാര്യ സ്ഥിരം സമിതി അധ്യക്ഷൻ എം.കെ ശശി അധ്യക്ഷത വഹിച്ചു. ഗ്രാമപഞ്ചായത്തംഗങ്ങളായ സിനു ജോൺ, മായ ബൈജു, സെക്രട്ടറി രതി,പ്ലാൻ ക്ലർക്ക് മഞ്ജുഷ ഫിലിപ്പ് എന്നിവർ പ്രസംഗിച്ചു.
എന്റെ കേരളം പ്രദർശന വിപണന മേള ഓൺലൈൻ പ്രചരണം തുടങ്ങി
കോട്ടയം: സംസ്ഥാന സർക്കാരിന്റെ രണ്ടാം വാർഷികത്തിന്റെ ഭാഗമായി മേയ് 16 മുതൽ 22 വരെ കോട്ടയം നാഗമ്പടം മൈതാനത്ത് നടക്കുന്ന ‘എന്റെ കേരളം പ്രദർശന വിപണന മേള’യുടെ ഓൺലൈൻ പ്രചാരണ വീഡിയോ ജില്ലാ പഞ്ചായത്ത് പ്രസിഡന്റ് കെ.വി. ബിന്ദു പുറത്തിറക്കി.
ജില്ലാ പഞ്ചായത്ത് കോൺഫറൻസ് ഹാളിൽ നടന്ന ചടങ്ങിൽ ജില്ലാ പഞ്ചായത്ത് വൈസ് പ്രസിഡന്റ് അഡ്വ. ശുഭേഷ് സുധാകരൻ, ഗ്രാമപഞ്ചായത്ത് പ്രസിഡന്റ്‌സ് അസോസിയേഷൻ പ്രസിഡന്റ കെ.സി. ബിജു, ഗ്രാമപഞ്ചായത്ത് പ്രസിഡന്റ്‌സ് അസോസിയേഷൻ സെക്രട്ടറി അജയൻ കെ. മേനോൻ, ഗ്രാമപഞ്ചായത്ത്് അധ്യക്ഷന്മാർ, തദ്ദേശ സ്വയംഭരണ വകുപ്പ് ജോയിന്റ് ഡയറക്ടർ ബിനു ജോൺ, ജില്ലാ ദാരിദ്ര്യലഘൂകരണ വിഭാഗം പ്രോജക്ട് ഡയറക്ടർ പി.എസ്. ഷിനോ, ജില്ലാ ഇൻഫർമേഷൻ ഓഫീസർ എ. അരുൺകുമാർ എന്നിവർ സന്നിഹിതരായിരുന്നു.
